Пазняк выкліканы ў маладзёжку Вярнуцца да спісу
Галоўны трэнер моладзевай зборнай Беларусі U-21 Ігар Кавалевіч назваў гульцоў, якія з 21 па 25 сакавіка будуць рыхтавацца да таварыскага матчу супраць зборнай Польшчы U-21.
Перадматчавы збор пройдзе ў Кобрыне, а сам матч пройдзе ў горадзе Влоцлавек на стадыёне «Stadion Piłkarsko-lekkoatletyczny» і пачнецца ў 16.00 па беларускім часе.
Сярод выкліканых на збор ёсць адзін прадстаўнік нашага клуба – абаронца Аляксандр Пазняк. На жаль, ні Брамнік Уладзіслаў Васілючак, ні паўабаронца Павел Савіцкі, з-за атрыманых траўмаў не змогуць дапамагчы камандзе ў гэтай сустрэчы.
На збор у Кобрын выкліканы: брамнікі – Антон Чычкан («Смалевічы-СТІ») і Дзяніс Шчэрбіцкі (БАТЭ, Барысаў), абаронцы – Аляксандр Пазняк («Нёман», Гродна), Аляксей Залескі («Слуцк»), Сяргей Карповіч («Дынама-Мінск»), Міхаіл Бабічаў («Віцебск»), Сямён Шэсцілоўскі («Гарадзея»), Аляксандр Паўлавец («Тарпеда-БелАЗ», Жодзіна), Мікалай Золатаў, Міхаіл Шыбун (абодва – «Шахцёр», Салігорск) і Уладзіслаў Ясюкевіч («Іслач», Мінскі раён), паўабаронцы – Алег Еўдакімаў і Дзмітрый Бессмертны (абодва – «Мінск»), Яўген Яблонскі (БАТЭ, Барысаў), Яраслаў Яроцкі («Дынама-Мінск»), Аляксандр Янчанка («Гомель») і Мікіта Корзун («Дынама», Кіеў, Украіна), нападнікі – Руслан Цевераў («Нафтан», Наваполацк), Артцм Васільёў («Мінск») і Уладзіслаў Клімовіч («Елгава», Латвія).
