Украінец едзе ў «Нёман» Вярнуцца да спісу
Сёння вечарам экс-абаронца тэрнопальскай «Нівы» Тарас Дурай (31.07.1984, рост – 188 см, вага – 83 кг) прыедзе ў Гродна. На вячэрнюю трэніроўку ўкраінец не патрапіць, таму прагляд гульца пачнецца заўтра.
Выхаванец тэрнопальскга футболу асноўную частку футбольнай кар'еры правёў у другім і трэцім па сіле дывізіёнах Украіны, згуляўшы на вышэйшым узроўні 17 гульняў у складзе луганскага «Світанку» у 2009 і 2010 гадах.
Зімой 2010 года, пасля выступу ў складзе казахстанскага «Рэйнджэрс» на Кубку Садружнасці, абаронца вярнуўся ў размяшчэнне «Валыні», адкуль і быў аддадзены ў канцы ліпеня ў арэнду бабруйскай «Белшыне». Тарас адзначыўся ў першай жа сустрэчы супраць «Партызана», даслаўшы мяч са штрафнога ў браму Пяцігорца. Арэнда была разлічана да канца сезона. Дурай згуляў за бабручан да канца чэмпіянату ў 9 матчах, забіў 1 гол і атрымаў 4 жоўтых карткі, што сведчыць аб даволі цвёрдым стылі гульца. Пра тое, што Тарас не з нясмелага дзясятка сведчыць эпізод яго адзінаборства супраць Андрэя Шаўчэнкі, які адбыўся 25 верасня 2009 году. Легендарнаму нападніку прыйшлося несалодка.
На працягу двух апошніх сезонаў Дурай выступаў за родную каманду (26 гульняў, 3 галы). «Ніва» заняла 13-е месца ў чэмпіянаце Favbet Ліга 1 2014/15 (Д2 чэмпіянату Украіны), а пасля першага круга сезона 2015/16, Тэрнопальская дружына размясцілася на апошнім 16-ым месцы. У пачатку лютага 2016 года кіраўніцтва «Нівы» вырашыла распусціць ўсіх гульцоў і выдала ўсім футбалістам вольную.
