Другія на «Bereza-CUP» Вярнуцца да спісу

8-9 студзеня 2016 гады каманда СДЮШАР «Нёман» 2005 года нараджэння (трэнер – Віктар Біндзей) прыняла ўдзел у Рэспубліканскім турніры па міні-футболе «Bereza-CUP», які прайшоў у Бярозе.

Восем каманд былі падзеленыя на 2 групы: група А – ДЮСШ Бяроза (2005), ДЮСШ Пружаны, ДЮСШ Нясвіж, ДЮСШ Івацэвічы, група Б – ДЮСШ Бяроза (2006), СДЮШАР «Нёман», ДЮСШ Белазёрск, ДЮСШ Іванава і ДЮСШ Слонім. У двух групах каманды змагаліся за выхад у паўфінал, куды даставаўся квіток камандам, якія занялі першае альбо другое месца ў групах. Матчы доўжыліся 2 тайма па 15 хвілін.

У сваёй групе гродзенцы саступілі па розніцы мячоў першае месца (ДЮСШ Белазёрску – 2:1, ДЮСШ Слонім – 0:0, ДЮСШ Іванава – 5:0, ДЮСШ Бяроза (2006) – 4:1) слонімскай камандзе і ў паўфінале сустрэлася з пераможцам групы А. Ва ўпартым паядынку мацнейшымі былі жоўта-зялёныя, абыграўшы ДЮСШ Івацэвічы з сухім лікам 2:0. У фінальным матчы нашы хлопцы зноў сустрэліся са Слонімам, аднак на гэты раз прайгралі 1:4 і сталі другімі.

Склад «Нёмана»: Дубатоўка Мацвей – 5 галоў, Занеўскі Марцін (2), Лебедзеў Ілля (4), Яфіменка Арцём (1), Рэбус Іван (1), Гардзейка Данііл (1), Карповіч Артур, Васільеў Арцём, Чарняк Андрэй, Юрчэўскі Радзівон, Доста Мікіта.

Лепшым гульцом турніру стаў Дубатоўка Мацвей і атрымаў ва ўзнагароду прыз – «Залатую буцу». Усе ўдзельнікі былі ўзнагароджаны медалямі і кубкам.