Першы навічок сезона Вярнуцца да спісу

З клубам падпісаў кантракт лепшы бамбардзір нашага чэмпіянату Раман Васілюк. На рахунку віртуознага нападніка 215 забітых у матчах першынства галоў. Да гэтага сезону Раман забіваў за 6 каманд: «Дынама-Брэст» (96 галоў – рэкорд клуба), «Гомель» (55), мазырскую «Славію» (38), «Мінск» (22), «Дынама-Мінск» і барысаўскі БАТЭ (па 2). Гродзенскі клуб стане ў гэтым спісе сёмым. А тое, што бамбардзір заб'е – сумневаў не ўзнікае.

Гродзенскаму клубу Раман забіў 16 мячоў і ўсё ў чэмпіянаце краіны. Больш за яго нас не крыўдзіў ні адзін нападнік.

За час кар'еры Васілюк выступаў за восем клубаў – шэсць з Беларусі, Расіі («Спартак» Масква) і Ізраіля («Хапаэль» Тэль-Авіў).

Падрабязная інфармацыя аб нашым гульцу ў любы момант даступная ў раздзеле ЖЗЛ. Жоўта-зялёныя людзі: Раман Васілюк.

Яркай і выніковай гульні за «Нёман», Раман!