Запрашэнне ў моладзевую зборную Вярнуцца да спісу

Ужо ў гэтую суботу стартуе чарговы адборачны этап буйнога моладзевага турніру. У адборы да ЕЎРА-2021 згуляюць 53 зборныя, якія на кваліфікацыйнай стадыі падзеленыя на 9 груп. Лёсаванне адборачнага турніру адбылася ў швейцарскім Ньёне 11 снежня 2018 года. Маладзевая зборная Беларусі трапіла ў сёмую групу, у якой за пуцёўку на ЕЎРА-21 будуць змагацца 6 каманд: Партугалія, Нідэрланды, Нарвегія, Беларусь, Кіпр і Гібралтар. Фінальная стадыя турніру пройдзе ў Венгрыі і Славеніі. Гаспадары ЕЎРА атрымалі аўтаматычныя пуцёўкі ў фінальную стадыю, якая адбудзецца ў чэрвені 2021 года.

Пераможцы дзевяці груп і лепшая з каманд, якія занялі другія месцы, атрымаюць пуцёўкі ў фінальную стадыю адразу ж па заканчэнні адборачнага этапу. Яшчэ чатыры ўдзельнікі вызначацца ў стыкавых матчах з удзелам васьмі уладальнікаў другіх месцаў (9-17 лістапада 2020 года). Згодна з раскладам наша моладзевая зборная пачне з трох хатніх матчаў, першы з якіх адбудзецца 8 чэрвеня ў Жодзіне на стадыёне «Тарпеда» і пачнецца ў 14.00.

Міхаіл Мархель на матч супраць Гібралтару выклікаў 23 футбаліста, сярод якіх ёсць адзін прадстаўнік нашага клуба - абаронца жоўта-зялёных Раман Вягера.

брамнікі - Максім Плотнікаў («Дынама-Мінск»), Павел Паўлючэнка («Дынама-Брэст»), Максім Бялоў («Дняпро» Магілёў);

абаронцы - Раман Вягера («Нёман» Гродна), Канстанцін Кучынскі («Белшына» Бабруйск), Уладзіслаў Яцкевіч («Смаргонь»), Максім Швяцоў («Дынама-Мінск»), Арцём Шкурдзюк (РЦАР-БДУ Мінск), Уладзіслаў Глінскі, Андрэй Піліпавец (абодва - «Тарпеда» Мінск), Данііл Нячаеў («Ліда»);

паўабаронцы - Макс Эбонг («Шахцёр» Салігорск), Дзмітрый Падстрэлаў («Дняпро» Магілёў), Дзмітрый Барадзін («Смалявічы»), Дзяніс Грачыха, Павел Сядзько (абодва - «Рух» Брэст), Арцём Пятрэнка, Глеб Шаўчэнка (абодва - «Славія-Мазыр»), Іван Бахар («Мінск»), Андрэй Альшанік ( «Нафтан» Наваполацк);

нападнікі - Павел Кляннё («Тарпеда» Мінск), Ілля Шкурын (РЦАР-БДУ Мінск), Уладзіслаў Фядосаў ("Віцебск").

Расклад матчаў з удзелам маладзевай зборнай Беларусі

2019 год

8 чэрвеня. Гібралтар - Беларусь

10 верасня. Беларусь - Партугалія

11 кастрычніка. Беларусь - Нарвегія

15 кастрычніка. Кіпр - Беларусь

18 лістапада. Беларусь - Гібралтар

2020 год

27 сакавіка. Нідэрланды - Беларусь

4 верасня. Беларусь - Нідэрланды

8 верасня. Партугалія - Беларусь

9 кастрычніка. Беларусь - Кіпр

13 кастрычніка. Нарвегія - Беларусь.