«Крумкачы» — «Нёман». Посля матчу Вярнуцца да спісу

Сяргей САЛАДОЎНІКАЎ (галоўны трэнер «Нёмана»):

— Хачу сказаць, што вясёлая і эмацыйная гульня атрымалася. Мы па традыцыі правалілі першы тайм, затое дадалі ў другім, адыграліся, і ўсё ішло да нічыёй. Але пенальці на 89-й хвіліне трохі неаб'ектыўна адлюстроўваў гульню, якая была на працягу двух таймаў. Першы тайм мінус, плюс у другім тайме, а выніку пакуль нуль. Але ўсё роўна так гуляць нельга. Таму будзем думаць, перабудоўвацца і разбірацца.

— Нядаўна з Васілючакам быў працягнуты кантракт, але сёння ён нават не патрапіў у заяўку. Якія ў вас планы на яго.

— Справа ў тым, Васілючак усю перадсезонную падрыхтоўку шукаў каманду, ездзіў па зборах, таму ён цяпер проста не гатовы. Набярэ форму, хто будзе лепш, той і будзе гуляць.

— Пасля матчу ўся каманда падышла да заўзятара і тыя ім даволі доўга нешта гаварылі. Гэта традыцыя, ці вы просіце гульцоў, каб яны падыходзілі?

— Наогул ва ўсім свеце сваіх заўзятараў любяць і паважаюць. Гэта павінна быць узаемная любоў. Трэба дапамагаць, падтрымліваць і любіць каманду, калі яна прайграе, а не толькі калі выйграе. У гэтым сэнсе нам трэба яшчэ шмат працаваць. Мы паважаем сваіх заўзятараў, таму заўсёды да іх падыходзім і дзякуем ім за тое, што яны прыехалі. Мы расчараваныя сённяшнім выніках гэтак жа, як і яны. У любым выпадку, ніхто не будзе апраўдвацца, ніхто не будзе шукаць нейкія прычыны. Будзем працаваць і вылазіць з гэтай сітуацыі.

Алег ДУЛУБ (галоўны трэнер «Крумкачоў»):

— Не магу не пагадзіцца з Сяргеем Вітальевічам. Гульня была двухбаковавострай. Першы тайм можа быць нам лепш атрымаўся, а другі тайм... Трэба аддаць належнае «Нёману». Яны перахапілі ініцыятыву, забілі мяч і сапраўды, па футбольным сюжэце гульня ішла ў нічыйную гавань. Але гэта «Крумкачы». Гэта каманда трошкі эмацыйная. Заўзятары, падтрымка. У нас хапіла сіл на апошні штурм.

— У «Крумкачоў» быў план на гульню з «Нёманам»? Вы ж зрабілі сёння вынік.

— Вынік залежыць ад шматлікіх складнікаў. Прычым што трэнер у гэтых сітуацыях — закладнік. Хто мог ведаць, што пры ліку 1:0 Гаеў не разбярэцца з Федарэнка. І падорыць мяч Васілюку. Ніхто не мог гэтага ведаць. Задача трэнера аб'яднаць гульцоў агульнай ідэяй, арганізаваць іх. А гуляюць футбалісты і ад іх усё ідзе. Трэнер — гэта закладнік гульцоў. План у любога трэнера на гульню ёсць. Трэнер адказвае за вынік і ні адзін з іх не плануе няўдачу.

— Гэта значыць, вы наладжвалі сваіх гульцоў толькі на перамогу?

— Любы трэнер павінен матываваць сваіх футбалістаў. За вынік адказвае трэнер. Матчы выйграюць гульцы.

— Другі матч вы змяняеце Іванова. У яго нейкія праблемы з кандыцыямі?

— Не. Ўсе замены гульцоў, якіх мы памянялі, былі зробленыя з тактычных меркаванняў. Філіпа памянялі ў той момант, калі больш актыўна пачало гуляць Гродна. Нам трэба было зачыніць флангі. Мець у такі момант двух гульцоў, такіх як Глеб і Іваноў — вялікая раскоша.

— Як вы ацэніце сённяшнюю гульню Глеба?

— Як я магу ацаніць Глеба, калі ён выдаў такі шэдэўральны матч, і забіў такі шэдэўральны гол. Чалавек тры месяцы не трэніраваўся сістэмна. У нашай камандзе агульны наігрыш у Вышэйшай Лізе каля двухсот матчаў быў. Глеба бралі для таго, каб трохі запоўніць гэты прабел у недахопе вопыту. Думаю, калі прыйдзе раздрукоўка ад InStat'a, то адсотак заганаў у яго будзе вельмі нізкі. Плюс, на дадзены момант, Глеб вельмі спрыяльна ўплывае на калектыў. Вакол яго аўра такая. Яго футбалісты слухаюць, і трэнеры яго слухаюць. Таму па пяцібальнай сістэме яму шэсць балаў.