Вступай в ряды болельщиков клуба Вернуться к списку
Ребята из фан-клуба нашей команды делают первые официальные шаги! Мы размещаем призыв «Клуба Заўзятараў» вступать в их ряды. Присоединяйтесь, вместе мы победим!
Увага заўзятараў ФК «Нёман»! Пачынае сваю дзейнасьць Клуб Заўзятараў (далей – КЗ) футбольнага клуба «Нёман».
Суполка КЗ будзе цесна ўзаемадзейнічаць з нашым футбольным клубам «Нёман». Для стварэння, арганізацыі і каардынацыі дзейнасці КЗ аб’ядналіся актыўныя заўзятары жоўта-зялёных.
Заўзятары «Нёмана» – гэта не проста жыхары горада, якія падтрымліваюць мясцовы клуб, гэта адданыя роднаму гораду людзі, для якіх каманда з’яўляецца сімвалам Гродна.
КЗ толькі пачынае сваю дзейнасць і кожный з вас мае магчымасць паўдзельнічаць у развіцці: прапаноўваць і дапамагчы рэалізоўваць цікавыя ідэі, якія будуць на карысць «Нёману» і яго заўзятарам!
Калі вы ўступаеце ў КЗ вы атрымоўваеце асабістую карту заўзятара з вашым фотаздымкам. Вы удзельнічаеце ў арганізацыйных сходах і сустрэчах КЗ, у жыцці футбольнага клуба, у розных яго мерапрыемствах, а таксама займаецеся сацыяльнай дзейнасцю з падтрымкай каманды.
Быць разам з футбольным клубам «Нёман» – гэта прэстыжна! Стань сапраўдным заўзятарам каманды!
Для ўступлення ў КЗ Футбольнага клуба «Нёман» вам патрэбна запоўніць анкету-заяву (руская мова ці беларуская мова) і даслаць яе на электронны адрас fan@fcneman.by, ці на адрас клуба: 230029, г.Гродна, вул. Камунальная 3. У анкеце абавязкова пакідайце свой нумар тэлефона для сувязі.
Потым Вам трэба будзе прыйсці на стадыён ЦСК «Нёман», дзе мы вам зробім фотаздымак для карты заўзятара, а таксама аплаціць першапачатковы ўступны ўнёсак, які складае 100 000 (сто тысяч) беларускіх рублёў*.
Узнёскі пойдуць на вырабленне карт заўзятараў, фотаздымкаў, друкаванай прадукцыі, развіцця клуба заўзятараў і іншых мэтаў, якія звязаны з дзейнасцю КЗ. Хочам адзначыць, што 10% ад суммы першапачатковага ўнёска пойдуць на дабрачынныя патрэбы.
У нас усе выдаткі празрыстыя і адкрытыя!
Спытай сябе, што значыць для цябе наш любы горад? Што значыць для цябе каманда гэтага горада? Ці жадаеш неяк паўздзейнічаць на яе лёс? Ня будзь спажыўцом, будзь актыўным! Верым! Можам! Пераможам!
Па ўсіх дадатковых пытаннях звяртацца па нумары +375 29 899-1964
* у далейшым будзе прадугледжаны разумны штогадовы ўнёсак
