Форма каманд: жоўтыя майкі і трусы — белыя майкі і трусы.

Заўвага: матч складаўся з трох таймаў па 25 хвілін.

Суботняй раніцай у манежы каманда правяла незвычайны двухбаковы матч. Ад звычайнай трэніроўкі такое мерапрыемства адрознівалася тым, што на матчы прысутнічала судзейская брыгада, каманды апрануліся ў форму, а гульня доўжылася не 90 хвілін, а 75 - тры тайма па 25 хвілін кожны. Гледзячы на склады, з вялікай доляй верагоднасці можна было вызначыць, у якой з каманд былі сабраныя ўмоўна першыя нумары. Такі з'яўлялася жёлтая каманда. 

Жоўтая: Курганскі – Бебе, Верхаўцоў, Горбач, Анюкевіч – Зубкоў, Рудзік - (к) Савіцкі, Жукоўскі, Яроцкі – Лакціёнаў.

Абедзве замены у жоўтых, якія здарыліся па ходзе матчу, апынуліся змушанымі. На дваццатай хвіліне няўдала прызямліўся Рудзік – замест яго з каманды белых быў пераведзены Якімаў, а пасля двух міні-таймаў папрасіў замену Верхаўцоў – белую на жоўтую майку змяніў Савасцьянаў, замест якога да белых далучыўся Лявіцкі. Была і яшчэ адна вымушаная замена, але толькі ў белых. У канцоўцы першай 25ці хвілінкі балючы ўдар па назе атрымаў Клімовіч. Каб не пагоршыць магчымую траўму, было прынята рашэнне ў гульні яго больш не задзейнічаць. Замест Клімовіча на поле выйшаў Кавалёнак.

Белыя: Жураў – Лешка, Дземідовіч, Носко Аляксей, Абуна – Клімовіч, Якімаў – Цеслюкевіч, Савасцьянаў, Бомбель – (к) Канцавы.

З першых хвілін матчу белыя ўзялі мяч пад кантроль. Праўда, больш гэта было падобна на валоданне мячом дзеля валодання. Асаблівай небяспекі каля брамы Курганскага не ўзнікала. А вось каля брамы Журава перыядычна станавілася горача. Жоўтыя атакавалі ледзь радзей, але нашмат небяспечней. Першы галявы момант здарыўся на 10-й хвіліне сустрэчы. Зубкоў верхавым пасам знайшоў у штрафной Лакціёнава, які галавой прабіў сапраўды ў кут брамы. Адкрыць лік у гэтым моманце Раману перашкодзіў Жураў, які ў прыгожым скачку адвёў пагрозу ад сваёй брамы. Праз тры хвіліны першым ударам па браме адказалі белыя. У пяці метрах ад лініі штрафной завалілі Лешка. Якімаў са штрафнога ў створ трапіў, аднак на месцы быў Курганскі. У першай трэці матчу яшчэ адзін раз востра згулялі жоўтыя. Анюкевіч з Жукоўскім з дапамогай кароткіх перадач узламаў абарону белых, Анюкевіч небяспечна прастрэліў нізам, аднак Лакціёнаў да мяча не дацягнуўся.

У другой трэці матчу увагі заслугоўваюць чатыры атакі. Тры з іх прыйшліся на долю жоўтых, адзін галявы эпізод здарыўся каля брамы Курганскага. На 28-й хвіліне хлёстка з-за межаў штрафной прабіў Зубкоў – мяч праляцеў побач са штангай. Літаральна праз хвіліну вельмі небяспечна адказалі белыя. Галявы момант стварыў сабе сам Савасцьянаў. Паўабаронца вырашыў прабрацца да брамы па самым кароткім шляху праз цэнтральную зону і гэта яму ўдалося. Збой адбыўся толькі ў момант удару. Калі ўжо ўсе абаронцы былі не ўдзел, Савасцьянаў прабіў нізам у кут, але ў створ не трапіў. У канцоўцы другой трэці матчу двойчы мог забіваць Савіцкі. На 43-й хвіліне Савіцкі ў кут трапіў – зноў каманду выручыў Жураў, а на 48-й хвіліне, пасля ўдару, мяч стукнуўся аб газон і адскочыў вышэй брамы. У першым эпізодзе пас Савіцкаму зрабіў Анюкевіч, а ў другім – Яроцкі. 

Апошняя 25ці хвілінка аказалася самай падзейнай. Трэці міні-тайм пачаўся з небяспечнага прастрэла уздоўж брамы Лакціёнава, да якога зноў ніхто не падаспеў. Жоўтыя сталі атакаваць больш, шчыльна атачыўшы штрафную суперніка. І вось тады, калі здавалася што белыя будуць дажаты, лік адкрылі белыя. Жукоўскі няўдала падаў кутавы, спружына белых расціснуў і толькі з дапамогай фола абаронцам жоўтых удалося спыніць Канцавога ў лініі сваёй штрафной. Канцавы сам падышоў да мяча і прабіў над сценкай у левы ад брамніка кут брамы. Курганскі да мяча не дацягнуўся – 0:1.

Праз дзевяць хвілін жоўтыя лік зраўнялі. У бяскрыўднай сітуацыі Абуна зрабіў недакладную перадачу партнёру і мяч пайшоў у аўт. Жоўтыя мяч увялі хутка, Бебе атрымаў мяч на правым краі, зрэзаў кут, увайшоў у штрафную і зрабіў перадачу на Савіцкага. Побач з Паўлам нікога не было, ён перад ударам змог нават перакласці мяч пад зручную нагу і моцным ударам літаральна непрабіўнога Журова. Брамнік на ўдар зрэагаваў, але мяч ад галкіпера ўсё ж у браму ўляцеў – 1:1.

Праз дзве хвіліны белыя адказалі далёкім ударам Лешка, з якім лёгка справіўся Курганскі. У сустрэчы ў адказ атацы жоўтых зноў геройстваваў Жураў. Абарона белых расступіўлася перад Савасьцьянавым, і дала нанесці таго наймагутны ўдар у створ. Жураў паспеў перамясціцца і рукамі адбіць мяч прама на набягаючага з краю Савіцкага. Паўабаронца у дотык прабіў нізам, аднак Жураў зрэагаваў і на гэты ўдар, нагой выбіўшы яго на кутавы. Літаральна праз хвіліну порцыю апладысментаў сарваў ужо Курганскі, перашкодзілі аформіць дубль Канцавы. У 22-х метрах ад брамы быў збіты Абуна і суддзя прызначыў яшчэ адзін небяспечны штрафны. Арцём зноў пусціў мяч па-над сценкі і трапіў у ніжні кут брамы, аднак, на гэты раз Курганскі перасекчы лінію брамы яму не дазволіў.

Больш фотаздымкаў на нашых старонках fcneman