Чэмпіянат Беларусі 2017
3 тур

15 красавіка - 16:00 (субота)
Гродна, Стадыён ЦСК «Нёман» (умяшчальнасць – 8 479). 935 гледачоў
+7°C, пахмурна / натуральнае асвятленне. Квіток — 4 рублі (дзіцячы – 1,5).

Нёман (Гродна)

1:0 — Лакціёнаў Раман (8’)

2:1 — Рудзік Філіп (88’)

2 - 1 Слуцк (Слуцк)

1:1 — Кібук Віталь (32’)

  • Пратакол
  • Прэв'ю
  • Справаздача
  • Відэа
  • Інтэрв'ю
  • Вынікі тура
Склады каманд:
19Курганскі Сяргей (Б) 34Панкратаў Барыс
8Пол Ралан Бебе Кінге 13Залескі Андрэй
(62’) 3Кантарыя Гіоргі 55Каршакевіч Валерый
5Зубкоў Руслан 20Образаў Дзяніс
2Абуна Ндзана Жан-Патрык 5Шчагрыковіч Сяргей
87(62’) 24Якімаў Андрэй 29Сафонаў Аляксандр
21Савасцьянаў Яўгеній 11Ауіе Конан
88Савіцкі Павел (К) 33Юсаў Дзмітрый 89(78’)
11Жукоўскі Валерый 7Кібук Віталь (32’)15(87’)
20(68’) 82Яроцкі Яраслаў 23Бабко Ігар (К)
(8’)15(81’) 9Лакціёнаў Раман 19Себаі Сенін 9(72’)
Запасныя:
13Жураў Уладзімір (Б) 1Дудар Дзмітрый (Б)
14Анюкевіч Аляксандр 3Быліна Аляксандр
9(81’) 15Клімовіч Уладзіслаў 8Шчагрыковіч Дзмітрый
16Яблонскі Максім 9Рушніцкі Віталь 19(72’)
82(68’) 20Хлебасолаў Дзмітрый 15Куаджа Іссо 7(87’)
29Бомбель Артур 17Яцкевіч Аляксандр
24(62’)(88’) 87Рудзік Філіп 89Трачынскі Ілля 33(78’)
Галоўныя трэнеры:
Кавалевіч Ігар Паўлаў Віталь
Памочнікі трэнера і афіцыйныя асобы:
Бацюта Павел Кончыц Аляксандр
Кірэня Алег Дубіцкі Аляксандр
Шляхавы Сяргей Жураўскі Сяргей
Лазаковіч Юрый Машко Яўген
Малышка Іван Лукашэвіч Алег
Лепшыя гульцы матчу (па версіі арганізатараў):
5Зубкоў Руслан 13Залескі Андрэй
Галоўны суддзя:
Гараюцін Сяргей (Мінск)
Суддзі на лініі:
Гусеў Антон (Мінск) Спургяш Іван (Маладзечна)
Рэзервовы арбітр:
Кунай Артур (Брэст)
Інспектар матчу:
Сярожкін Яўген (Магілёў)

Форма каманд: шэрыя майкі, чорныя трусы — сінія майкі і трусы.

Перад трэцім турам абедзве каманды знаходзяцца ў верхняй частцы табліцы. Нашы госці ў першых двух матчах атрымалі дзве перамогі і едуць у Гродна ў якасці лідэра чэмпіянату. У стартавым туры «Слуцк» у гасцях перайграў наваполацкі «Нафтан» з лікам 0:1, а затым дома разграміў 4:1 жодзінскае «Тарпеда-БелАЗ». Гродзенцы адстаюць ад случчакоў на два ачкі (нічыя дома са «Славіяй-Мазыр» 0:0, гасцявая перамога над «Іслаччу» 0:1) і пасля двух гульнявых дзён займаюць пятае месца ў турнірнай табліцы.

Матчы гэтых двух супернікаў носяць вельмі ўпарты характар. У васьмі папярэдніх сустрэчах каманды на дваіх сцямілі толькі 9 забітых мячоў: +2=4-2, рознасць мячоў 4-5. У чатырох з іх гледачы сышлі дадому так і не ўбачыўшы галоў. Апошні гол у гэтым супрацьстаянні здарыўся крыху менш за два гады таму, калі ў Гродна гаспадары былі літаральна накаўтаваў суперніка, прапусціўшы чатыры мячы без адказу. З тых часоў каманды распісалі тры безгалявыя нічыі.

Больш падрабязна пра супрацьстаянне «Нёмана» і «Слуцка»

МЕСЦА І ЧАС

Матч пройдзе на стадыёне ЦСК «Нёман», пачатак сустрэчы ў 16:00. Кошт квітка – 4 рублі (дзіцячы – 1,5 рублі).

Відэатрансляцыю матчу можна будзе глядзець тут ці на старонцы матча.

  • Вынікі галасавання

    «Нёман» — «Слуцк»: прадкажы вынік сустрэчы

    • перамога за Гродна
      74%
    • нічыйны вынік
      12%
    • перамога за Слуцкам
      14%

СУДЗЕЙСКАЯ БРЫГАДА

Мінскі арбітр Сяргей Гараюцін правядзе сваю першую сустрэчу ў Вышэйшай Лізе ў якасці галоўнага арбітра матча. 

Галоўны суддзя: Гараюцін Сяргей (Мінск).
Памочнікі суддзі: Гусеў Антон (Мінск), Спургяш Іван (Маладзечна).
Рэзервовы суддзя: Кунай Артур (Брэст).
Інспектар матча: Сярожкін Яўген (Магілёў).

МАТЧ ДУБЛЯ

Свой матч правялі дублюючыя склады. На працягу ўсёй сустрэчы гродзенцы мелі адчувальнаю перавагу, аднак забіць атрымалася толькі адзін раз. У пачатку другога тайма жоўта-зялёныя ўсё ж змаглі заштурхаць мяч у браму суперніка. Абаронца Хвалько падключыўся да розыгрышу кутавога, выйграў пазіцыю ў суперніка і галавой нанёс удар па браме случчакоў. Мяч трапіў у ашэстак і адскочыў у штрафную, дзе за яго ўдала з абаронцамі гасьцей пазмагаліся Зубрыцкі і Журневіч. Апошні літаральна з лініі брамы дабіў мяч у сетку. Варта адзначыць, што ў мінулым туры гол Журневіча гэтак жа апынуўся адзіным у матчы, а значыць таксама пераможным. На старце сезона Васіль гуляе напорыста і ў кожным матчы мае па некалькі выдатных момантаў для ўзяцця брамы.

  • Вынікі галасавання

    Назаві лепшага гульца «Нёмана» у матчы супраць «Слуцка»

    • Курганскі Сяргей
      2%
    • Пол Ралан Бебе Кінге
      3%
    • Кантарыя Гіоргі
      20%
    • Зубкоў Руслан
      8%
    • Абуна Ндзана Жан-Патрік
      9%
    • Якімаў Андрэй
      2%
    • Савасцьянаў Яўген
      2%
    • Савіцкі Павел
      6%
    • Жукоўскі Валерый
      10%
    • Яроцкі Яраслаў
      1%
    • Лакціёнаў Раман
      22%
    • Рудзік Філіп
      14%
    • Хлебасолаў Дзмітрый
      1%

ФОТА

ПРЭС-КАНФЕРЭНЦЫЯ

Ігар КАВАЛЕВІЧ (галоўны трэнер «Нёмана»):
— Віншую з надыходзячым Вялікаднем. Віншую сваю каманду з перамогай, якая дасталася ў барацьбе з добрым супернікам. Мне з памочнікам атрымалася ў Слуцку паглядзець гульню «Слуцка» і «Тарпеда». Каманда добра фізічна гатовая, добры нападнік у складзе. Я думаю, што Себа адзін з самых моцных сёння ў Беларусі. Мы выбралі правільны план на гульню і нам яго атрымалася нейтралізаваць. Пагаджуся з Віталём, што поле было цяжкае. Яно перашкаджала нам гуляць у камбінацыйны футбол. Мяч драбніў, гульцам было цяжка гуляць у адзін-два дотыку. Прыходзілася рабіць трохі больш. Я рады, што мы даціснулі суперніка ў канцоўцы, праявілі характар. Моманты ў нас былі і раней, але мы іх не выкарысталі. У параўнанні з мінулым сезонам у нас у складзе шасцёра новых чалавек, гэта практычна новая каманда. Нам трэба час, каб разгуляцца, але ў той жа самы час нам трэба набіраць ачкі. Будзем рухацца далей, і імкнуцца паказваць добры футбол. У кожнай гульні будзем гуляць на перамогу. Я задаволены стаўленнем сваёй каманды да справы, практычна ніхто не выпаў з гульні. Крышку больш чакаю ад Яраслава Яроцкага. Мабыць ён рыхтюецца да вяселля, ці ў яго іншае якая прычына. Ён можа гуляць лепш. А так, у цэлым, усіх віншую з перамогай.  

Віталь ПАЎЛАЎ (галоўны трэнер «Слуцка»):
— Для нас сёння аптымальным варыянтам была б нічыя, усё да гэтага ішло, але ў канцоўцы памылка нашага абаронцы прывяла да паразы. На маю суб'ектыўную думку, нічыя сёння была б для абодвух бакоў аптымальным вынікам. Трэба ўлічваць наш графік. Мы ўжо згулялі за месяц сёмую гульню і нам вельмі цяжка, перапады. Поле цяжкае, глейкае пасля дажджоў. Таму нам, як, зрэшты, і камандзе суперніка, не хапала свежасці. Мы не паказалі той футбол, які хацелі б бачыць гледачы.

ВІДЭА

— У першых двух гульнях у цябе былі моманты, але перайграць брамнікаў не атрымлівалася. Што адчуў сёння, калі мяч пасля твайго ўдару перасёк лінію брамы?
— Я проста адчуў, што нарэшце забіў гол. Гэта такія неверагодныя пачуцці! Гэты першы гол за гродзенскі клуб я прысвячаю свайму малышу Ілюшы! Я вельмі шчаслівы, што здолеў дапамагчы сваёй камандзе зарабіць тры паўнаважкіх ачкі. Мая справа забіваць, а калі ў цябе гэта не атрымліваецца — на душы цяжка. Шчыра кажучы, мне было вельмі сорамна перад заўзятарамі і партнёрамі, што не змог рэалізаваць тыя выдатныя магчымасці ў папярэдніх матчах. Спадзяюся, што гэты гол дапаможа мне і стане для мяне своеасаблівым зыходным пунктам.

— Перамога ў гэтым матчы далася вельмі цяжка. Што сёння прадвызначыла поспех?​
— Сёння было цяжкае, глейкае поле. У такіх матчах перамагае каманда, якая гатова лепш фізічна. Раз перамога дасталася нам, значыць, мы рабілі ўсё правільна, падрыхтаваліся лепш і выйгралі гэтую барацьбу. З-за стану поля было мала якаснай гульні нізам, таму даводзілася больш рабіць доўгія перадачы. Добра, што змаглі ў канцоўцы вырваць перамогу. 

— У цябе быў яшчэ адзін галявы момант, што перашкодзіла вырашыць яго на сваю карысць?​
— Там добра згуляў супернік. Я на хуткасці прыняў мяч, пракінуў яго пад удар, але абаронца пісьменна заблакаваў яго.

— Надыходзячае свята і надвор'е перашкодзілі сёння сабрацца большай колькасць людзей. Як лічыш, такія пераможныя матчы дапамогуць зрабіць правільны выбар заўзятару ў будучыні? 
— Вялікі дзякуй тым заўзятарам, якія прыйшлі на гульню. Нягледзячы на ​​сырое надвор'е, сёння на стадыёне сабраліся нашы самыя адданыя фанаты, людзі, якія па-сапраўднаму любяць футбол. Я запрашаю і заклікаю ўсіх прыходзіць на нашы хатнія матчы. Будзе больш людзей на трыбунах, нам будзе значна лягчэй гуляць. Такім чынам, у каманды будзе больш перамог. Нашых агульных з вамі перамог!

— Віншуем, вельмі патрэбная ўсёй камандзе перамога! 
— Дзякуй, гэта сапраўды вельмі важныя тры ачкі. У якім бы становішчы не знаходзілася каманда, дома, пры сваіх гледачах, мы абавязаны гуляць толькі на перамогу. Было б вельмі крыўдна другі матч запар у Гродне згуляць унічыю. Усе хлопцы шчаслівыя, што змаглі на апошніх хвілінах вырваць перамогу і парадаваць усіх тых, хто прыйшоў на матч. Мы ўсе вельмі рады гэтай перамозе, сёння выклаліся цалкам і вельмі моцна стаміліся. Калі б поле было крыху раўней, я ўпэўнены, што змаглі б дамагчыся перавагі раней.

— Ігар Кавалевіч спецыяльна наведаў матч «Слуцка» супраць жодзінскага «Тарпеда-БелАЗ». Мяркуючы па выніку, інфармацыя была карыснай? 
— Адназначна. Шмат у чым дзякуючы здабытай трэнерскім штабам інфармацыі нам удалося сёння дамагчыся станоўчага выніку. Нам падрабязна распісалі дзеянні кожнага гульца праціўніка, распавялі, як выключыць нападаючых «Слуцка», як развіваць атакі самім. Нам заставалася толькі выканаць усе пастаўленыя перад намі задачы.   

— У наступным туры каманда згуляе з мінскім «Дынама», з тваёй былой камандай. Звычайна такія гульні добра атрымоўваюцца гульцам, якія пакінулі каманду?​
— Мне ўсё роўна, супраць каго нам трэба будзе згуляць на наступным тыдні, я на ўсіх супернікаў наладжваюся аднолькава. У мяне ў Мінску засталося шмат сяброў, аднак я зараз гуляю за «Нёман», і ўсе мае думкі толькі пра тое, як дапамагчы маёй сённяшняй камандзе.

Нафтан 0-0 Віцебск
Дняпро 2-1 Крумкачы
Гарадзея 2-0 Іслач
Тарпеда-БелАЗ 1-0 Дынама-Мінск
Мінск 0-1 Шахцёр
Гомель 2-0 Славія-Мазыр
Дынама-Брэст 1-1 БАТЭ