Чэмпіянат Беларусі 2017
1 тур

2 красавіка - 15:55 (нядзеля)
Гродна, Стадыён ЦСК «Нёман» (умяшчальнасць – 8 479). 5700 гледачоў
+22°C, ясна / натуральная асвятленне. Уваход вольны.

Нёман (Гродна) 0 - 0 Славія-Мазыр (Мазыр)
  • Пратакол
  • Прэв'ю
  • Справаздача
  • Відэа
  • Інтэрв'ю
  • Вынікі тура
Склады каманд:
19Курганскі Сяргей (Б) 30Сямук Радзіон (Б)
8Пол Ралан Бебе Кінге 19Джавашвілі Атар
3Кантарыя Гіоргі 20Шыла Максім
5Зубкоў Руслан 44Ндой Біран (87’)
(64’) 2Абуна Ндзана Жан-Патрык 3Чалядка Павел (34’)8(36’)
87(68’) 24Якімаў Андрэй 4Хадаркевіч Руслан
21Савасцьянаў Яўгеній 88Раеўскі Аляксандр (К)
88Савіцкі Павел (К) 7Катляроў Аляксандр
11Жукоўскі Валерый 26Сулім Іван
29(46’) 82Яроцкі Яраслаў 9Варабей Дзмітрый 13(72’)
20(82’) 9Лакціёнаў Раман 11Слюсар Максім 24(64’)
Запасныя:
13Жураў Уладзімір (Б) 8Страхановіч Алег 3(36’)
14Анюкевіч Аляксандр 13Кастроў Ігар 9(72’)
15Клімовіч Уладзіслаў 15Ясковіч Дзяніс
16Яблонскі Максім 17Паўлавец Максім
9(82’) 20Хлебасолаў Дзмітрый 24Леміечэўскі Мелессі Бруно Маурысіо 11(64’)(75’)
82(46’) 29Бомбель Артур 27Курловіч Вадзім
24(68’) 87Рудзік Філіп 90Трапашка Дзяніс
Галоўныя трэнеры:
Кавалевіч Ігар Пунтус Юрый
Памочнікі трэнера і афіцыйныя асобы:
Бацюта Павел Вайцеховіч Анатоль
Кірэня Алег Слесарук Ігар
Шляхавы Сяргей Гаеў Уладзімір
Лазаковіч Юрый Казакевіч Аляксандр
Малышка Іван Абірала Сяргей
Лепшыя гульцы матчу (па версіі арганізатараў):
3Кантарыя Гіоргі 4Хадаркевіч Руслан
Лепшы гулец матчу (па версіі наведвальнікаў сайта fcneman.by):
3Кантарыя Гіоргі
Галоўны суддзя:
Дзмітрыеў Дзмітрый (Фаніпаль)
Суддзі на лініі:
Фамін Віктар (Жодзіна) Карась Віктар (Смалявічы)
Рэзервовы арбітр:
Чыстаў Сяргей (Мінск)
Інспектар матчу:
Архіпаў Міхаіл (Жодзіна)

Форма каманд: жоўтыя майкі і трусы чырвоныя майкі, белыя трусы.

Траўматычныя выпадкі: Павел Чалядка (34; закрыты, траўматычны задні вывіх костак правага мацавання). Са словаў лекара Кулікоўскай М.Э. Дапамога: абязбольванне, фіксацыя, выклік хуткай.

У папярэдніх 26 чэмпіянатах ў стартавых турах гродзенцы атрымалі толькі 6 перамог, дзве з якіх прыйшліся акурат на мазырскі клуб. З перамогі над «Славіяй» мы пачыналі ў двух апошніх удалых для нас чэмпіянатах ў 2012 і 2013 гадах, у якіх жоўта-зялёныя занялі 5-е і 4-е месцы адпаведна. Усяго ж у першым туры чэмпіянату з мазыранамі мы сустрэнемся ўжо ў чацвёрты раз. Да 2012 года была яшчэ адна сустрэча, якую прыемнай ніяк не назавеш. У чэмпіянаце 1995 года, які стартаваў 10 ліпеня і прайшоў у адзін круг, наша каманда нечакана вельмі буйна саступіла навічкам лігі мазырскім МПКЦ з лікам 0:7. Па выніках таго ўрэзанага чэмпіянату «Нёман» заняў восьмае месца, а дэбютанты наймацнейшага дывізіёна Беларусі сталі срэбранымі прызёрамі першынства.

10.07.1995 МПКЦ - Нёман 7:0 (С.Яромка 6, 43, 64, А.Кульчы 59, 81, Макс.Рамашчанка 76, Ю.Лукашоў 87 — ххх),

24.03.2012 Славія-Мазыр - Нёман 1:3 (Р.Волкаў 65 — П.Савіцкі 12, І.Крывабок 16, 67)

31.03.2013 Нёман - Славія-Мазыр 2:0 (Д.Раўнейка 60, П.Рыбак 88 — ххх)

Агульныя лічбы 26 папярэдніх стартавых тураў для гродзенцаў выглядаюць непераканаўча: шэсць перамог пры 9 паразах (+6=11/9, рознасць мячоў 18-31). Пасля таго разгрому, які мозыряне ўчынілі жоўта-зялёным, гродзенцы не выйгравалі ў першым матчы чэмпіянату на працягу яшчэ сямі сезонаў. Ніжэй прадставім літарную раскладку (в - выйгрыш, н - нічыя, п - паразы):

1992 (в) - 1992/93 (в) -нн-ппппп - н - пп - нн - 2005 (в)  - н - п - н - в (2009) - нн - 2012 (в), 2013 (в) - п - нн -?. У чатырох выпадках з пяці перамога ў самым першым матчы чэмпіянату надавала камандзе ўпэўненасці. У 1992 годзе «Нёман» заняў 5-е месца, у 1992/93 - 4-е месца, в 2009 - 8-е месца, у 2012 - 5-е месца, а ў 2013 - 4-е месца. 

МЕСЦА І ЧАС

Свой першы матч XXVII чэмпіянату Беларусі жоўта-зялёныя правядуць у першую нядзелю красавіка на стадыёне ЦСК «Нёман». Пачатак матчу ў 16:00. Відэатрансляцыю матчу можна будзе глядзець тут або на старонцы матча.

НЁМАН — СЛАВІЯ: ЛІЧБЫ І ФАКТЫ

Больш падрабязна пра супрацьстаянне «Нёман» і «Славія»

  • Вынікі галасавання

    «Нёман» — «Славія-Мазыр»: прадкажы вынік сустрэчы

    • перамога гаспадароў
      84%
    • пераможца не будзе
      6%
    • перамога гасцей
      10%

«СЛАВІЯ» У ВЫШЭЙШАЙ ЛІЗЕ

СУДЗЕЙСКАЯ БРЫГАДА

Галоўны суддзя: ДЗМІТРЫЕЎ Дзмітрый (Фаніпаль).
Памочнікі суддзі: ФАМІН Віктар (Жодзіна), КАРАСЬ Віктар (Смалявічы).
Рэзервовы суддзя: ЧЫСТАЎ Сяргей (Мінск).
Інспектар матча: АРХІПАЎ Міхаіл (Жодзіна).

РОСТЭР «СЛАВІІ»

Галоўны трэнер - Юрый Пунтус (1960).

Узімку каманду пакінула 11 футбалістаў. Праўда, напярэдадні сустрэчы з гродзенскім клубам, Юрый Пунтус абвесціў аб арэндзе паўабаронца Уладзіслава Жука, які раней перайшоў з «Славіі» у БАТЭ. Таму будзем лічыць, што «Славія» ў міжсезонне расталася з 10 футбалістамі.

Сышлі: брамнік Мікалай Рындюк (Гарадзея), абаронцы - Яўген Кунцэвіч (Тарпеда, Мінск / Д2), Папуна Мосемгвдлішвілі (Колхеці-1913, Поці, Грузія / Д1), Ігар Мальцаў, Раман Гадаваны, паўабаронцы - Уладзіслаў Жук (БАТЭ), Яраслаў Шкурко (Нафтан, Наваполацк / Д1), Аляксандр Кобец, Павел Султанаў, нападнікі - Сяргей Кошаль (Прамень, Мінск / Д2), Андрэй Варанкоў.

Замест іх прыйшлі 11 гульцоў: два гульцы са мікашэвіцкага «Граніту» - Сямук і Курловіч, два гульца з жодзінскага «Тарпеда-БелАЗ» - Трапашка і Чалядка, два гульца з мінскай «Зоркі-БДУ» - Ясковіч і Шыла, два браты сенегальца -Ісса і Біран Ндой. Замест якіх вярнуўся ў Грузію Папуна Мосемгвдлішвілі ў зваротным напрамку рушыў услед Атар Джавашвілі, які ў мінулым сезоне гуляў у адным клубе з ужо нашым абаронцам Гіоргіям Кантарыяй «Зугдзідзі». З моладзевага складу луганскай «Зори» прыехаў малады ўкраінскі нападнік Максім Слюсар, а з першалігавай каманды «Смалявічы СТІ» перайшоў у Мазыр абаронца Руслан Хадаркевіч. Як бачыце, яркіх футбольных імёнаў у камандзе не дадалося. Тым не менш, пасля зімовага перапынку каманда Юрыя Пунтуса слабай не стала.

З гэтага складу мазырскай каманды толькі адзін гулец мае ў сваёй кар'еры гродзенскі перыяд. «Нёман» у 2011 годзе выступаў Алег Страхановіч (29 гульняў, 4 галы).

гульцы краіна дн Д1 гульні хв гол+пас ж/2ж/к папярэдні клуб
  брамнікі
1 Ндой Ісса Сенегал 12.12.1995           Трактар Сазі (Іран) / Д1
22 Іваненка Яўген    22.12.1995            
30 Сямук Радзіон    11.03.1989 11/-27         Граніт-Мікашэвічы (Мікашэвічы) / Д2
  абаронцы
3 Чалядка Павел    03.03.1993 111/1         Тарпеда-БелАЗ (Жодзіна) / Д1
4 Хадаркевіч Руслан    18.06.1993           Смалявічы СТІ (Смалявічы) / Д2
6 Лузан Іван    11.10.1997            
14 Барысенка Уладзіслаў   05.03.1997 8/-          
19 Джавашвілі Отар Грузія 17.08.1993           Зугдзідзі (Зугдзідзі, Грузія) / Д2
21 Калыбенка Сямён    12.08.1998            
26 Сулім Іван    04.05.1989 43/-          
44 Ндой Біран Сенегал 04.04.1994           Ньяррі Таллі (Сенегал) / Д1
45 Кавалеўскі Дзяніс    02.05.1992 126/5          
  Шут Арцём   18.06.1995 6/-          
  паўабаронцы
7 Катляроў Аляксандр    30.01.1993 41/5          
8 Страхановіч Алег   13.10.1979 397/89          
9 Варабей Дзмітрый   10.05.1985 6/-          
13 Кастроў Ігар Малдова 03.08.1987 40/2          
15 Ясковіч Дзяніс   30.08.1995           Зорка-БДУ (Мінск) / Д2
17 Паўлавец Максім    08.08.1996 19/-          
18 Жук Уладзіслаў   11.06.1994 28/2         БАТЭ (Барысаў) / Д1
20 Шыла Максім   17.04.1993           Зорка-БДУ (Мінск) / Д2
27 Курловіч Вадзім   30.10.1992 94/6         Граніт-Мікашэвічы (Мікашэвічы) / Д2
88 Раеўскі Аляксандр    19.06.1988 63/1          
99 Шаўчэнка Глеб   17.02.1999 2/-          
  нападнікі
2 Галяк Арцём   29.08.1995            
11 Слюсар Максім Украіна 01.07.1994           Заря (Луганск, Украіна) / мал.
24 Леміечэўскі Бруно Іспанія 03.04.1994 21/2          
90 Трапашка Дзяніс   17.05.1990 34/5         Тарпеда-БелАЗ (Жодзіна) / Д1

Поўная статыстыка гульцоў каманды «Нёман» (закладка «Статыстыка»)

Стартавы склад: Курганскі – Бебе, Кантарыя, Зубкоў, Абуна – Якімаў, Савасцьянаў – (к) Савіцкі, Жукоўскі, Яроцкі – Лакціёнаў. На замене засталіся брамнік Жураў, ды шэсць палявых – Рудзік, Хлебасолаў, Анюкевич, Бомбель, Яблонскі і Клімовіч.

З леташняга складу ў заяўцы на першы матч значыліся 10 чалавек, а роўна палова ўступіла ў гульню з першых хвілін. Пацвердзілі сваё месца ў аснове Курганскі, Бебе, Савасцьянаў, Савіцкі і Яроцкі. Такіх магло быць і больш, аднак перад самым пачаткам чэмпіянату да траўміраваным раней Хвалько і Верхаўцовым дадаліся яшчэ двое гульцоў – Канцавы і Горбач, якія атрымалі траўму на трэніроўцы напярэдадні першай сустрэчы.

З-за праблем з наяўнасцю здаровых цэнтральных абаронцаў, пару Кантарыі склаў Зубкоў, а па краях абароны размясціліся два камерунца - Бебе і Абуна. Так атрымалася, што ў лініі абароны не аказалася ніводнага беларуса, хоць у мінулым сезоне здараліся матчы, калі ў абароне былі толькі свае хлопцы. Нейкіх звышскладаных задач напад «Славіі» у гэтым матчы перад хлопцамі не ставіў, тым не менш, варта адзначыць зладжаную гульню нашай каманды ў абароне. За ўвесь матч мозыране нанеслі толькі адзін удар у створ брамы Курганскага, ды і той з-за межаў штрафной. Усе подступы да нашай брамы былі шчыльна перакрытыя. 

Калі да надзейнай гульні Бебе мы ўжо ставімся звыкла, то за траімі навабранцамі ўсё яшчэ назіраем і прыглядаемся да іх дзеянняў. У меншай ступені гэта адносіцца да Зубкова, які правёў паўнавартасную перадсезонку з камандай. У міжсезонне Руслан выглядаў надзейна і паказаў, што яго можна спакойна выкарыстаць не толькі ў цэнтры поля, але і на пазіцыі цэнтральнага абаронцы. А вось два астатніх хлопца не перастаюць здзіўляць. Абуна з першай спробы ўражанне на трэнерскі штаб «Нёмана» не вырабіў, а вось пасля кароткачасовай пабыўцы ў «Крумкачах», вярнуўся і літаральна зубамі ўчапіўся у прадастаўлены паўторна шанец. Камерунец запэўніў, што яго гульня будзе толькі паляпшацца з павышэннем слупка тэрмометра. Яго старанні не засталіся незаўважанымі, і Абуна сёння выйшаў у стартавым складзе. За ўвесь матч камерунец дапусціў ўсяго пару нязначных памылак, а вось за надзейную гульню на другім паверсе не раз атрымаў ад гледачоў порцыю заслужаных апладысментаў. Менш астатніх з камандай рыхтаваўся да сезону малады грузінскі абаронца Кантарыя. У трох кантрольных матчах ён адыграў звышнадзейна, падпісаў кантракт і з першых хвілін чэмпіянату быў кінуты ў бой. Несумненна, траўмы трох цэнтральных абаронцаў паспрыялі яго хуткаму трапленню ў аснову, а вось як ён скарыстаецца гэтым шанцам, пакажа час. Першы афіцыйны матч за «Нёман» Кантарыя правёў на выдатна – адпрацаваўшы чыста і надзейна. Працягнем сачыць за яго гульнёй.

З тройкі паўабаронцаў Якімаў – Савасцьянаў – Жукоўскі, вылучым гульню апошняга. Жукоўскі актыўна шукаў адрасат для працягу атакі, а пры зручным выпадку пагражаў браме самастойна. У самым пачатку сустрэчы яго магутны ўдар з лініі штрафной быў заблакаваны абаронцам (5'). Менавіта з яго перадачы Савіцкі расстрэльваў Сямука ў першым тайме (37'), а пасля яго далёкага ўдару мяч ад Ндоя адскочыў да Савіцкага ў пачатку другога (56'). 

У абодвух эпізодах мяч у сетку так і не трапіў. У першым – надзейна згуляў Сямук, перавядучы кулакамі мяч на кутавы а ў другім – Савіцкі прабіў слаба і недакладна. Савасцьянаў запомніўся некалькімі абвастраючымі далёкімі перадачамі, якія цалкам маглі стаць галявымі. Абодва разы мяч даходзіў да адрасата, аднак абаронцы «Славіі» прабіць па браме не дазволілі. Хоць, як нам здаецца, дзейнічалі яны не без парушэння правілаў. Лакціёнаў пры выхадзе на ўдарную пазіцыю наогул атрымаў нагой па твары (29'). Паўнавартасна выбіць мяч з-пад ног нападніка ў Ндоя не атрымалася. Нага сенегальца пайшла ўверх і сустрэлася з тварам украінца. Чым бы скончыўся гэты эпізод, не здарся гэтага ўдару, сказаць цяжка. Можа забіць бы і не ўдалося, але прабіць па браме ўжо сапраўды атрымалася б. Адразу ж пасля перапынку Савасцьянаў дыяганаллю знайшоў у штрафной Савіцкага (47'), які ў дотык пракінуў сабе пад удар, але так і не дацягнуўся да мяча. Рукамі яго вядома прытрымлівалі, аднак ці цягнула гэта парушэнне на пенальці? Суддзя Дзмітрыеў крыміналу ў дзеяннях гульцоў абароны ў абодвух эпізодах не ўгледзеў. 

Акрамя апісаных вышэй небяспечных момантаў была яшчэ пара-тройка вострых эпізодаў годных увагі. У пачатку матча адна з хуткіх нападаў гродзенцаў завяршылася слабым прастрэл Лакціёнава – брамнік «Славіі» у падзенні накрыў мяч (13'), пасля перадачы Яроцкага ў штрафную мяч адскочыў да Савіцкага, але той з 14-ці метраў левай нагой не трапіў у правы ад брамніка кут брамы (39'), у канцоўцы тайма Лакціёнаў ледзь-ледзь не паспеў на прастрэл Савіцкага (41').

Пасля перапынку жоўта-зялёныя працягвалі пагражаць браме «Славіі». Мяч пасля навесу Абуны цалкам мог апынуцца ў сетцы брамы, не перакладзены яго рукой за лінію брамы Сямук (73'), а наймоцнаму ўдару Рудзіка з 24-х метраў зусім ледзь-ледзь не хапіла дакладнасці – мяч праляцеў крыху вышэй за перакладзіну (81') .

З стваральных дзеянняў суперніка запомніўся толькі сольны праход Чалядка, які скончыўся для яго непрыемнасцю. Павел абыграў на флангу Абуну, пракінуў мяч паміж ног Зубкова, уварваўся ў штрафную, але мяч адпусціў далёка. Бачачы, што да яго ён не паспявае, вырашыў упасці. Суддзя на такія дзеянні гульца «Славіі» не купіўся і палез у кішэню за жоўтай карткай. На жаль, Павел няўдала прызямліўся і атрымаў вельмі моцны вывіх пляча. Працягнуць гульню ён ужо так і не змог.

У выніку, абедзве каманды пачалі сезон з нічыйнага выніку. Зыходзячы з характару гульні, для гасцей гэта ачко, хутчэй за ўсё набытай. Гродзенцы ж могуць спадзявацца на нешанцаванне і казаць аб двух страчаных на старце ачках.

Лепшымі гульцамі матчу былі названыя: Гіоргі Кантарыя ( «Нёман») і Руслан Хадаркевіч ( «Славія»).  

  • Вынікі галасавання

    Назаві лепшага гульца «Нёмана» у матчы супраць «Славіі»

    • Курганскі Сяргей
      2%
    • Пол Ралан Бебе Кінге
      5%
    • Кантарыя Гіоргі
      61%
    • Зубкоў Руслан
      1%
    • Абуна Ндзана Жан-Патрык
      10%
    • Якімаў Андрэй
      1%
    • Савасцьянаў Яўген
      1%
    • Савіцкі Павел
      8%
    • Жукоўскі Валерый
      2%
    • Яроцкі Яраслаў
      3%
    • Лакціёнаў Раман
      3%
    • Бомбель Артур
      1%
    • Рудзік Філіп
      0%

Многа фотаздымкаў на нашай старонцы vk

 

Раман ЛАКЦІЁНАЎ: 

 Якія твае адчуванні пасля першай гульні за гарадзенскі Нёман? 
— Першапачаткова было нейкае хваляванне, аднак калі прагучаў стартавы свісток, мы пра ўсё забыліся і цалкам сканцэнтраваліся на футболе. Вядома, калі глядзець на гульню ў цэлым, то я лічу, што мы сёння ўсё ж страцілі два ачкі. Але гэта была наша першая афіцыйная гульня. Плюс, сваю справу зрабіла якасць газона. Тым не менш, нам трэба было рэалізоўваць свае моманты, якіх хапала. Мяркую, што ў наступных матчах мы ўсе выправім. 

— Нічыя ў сённяшнім матчы можа быць занесена камандзе ў актыў? 
— Думаю, што не. Мы вельмі хацелі пачаць чэмпіянат з перамогі. Тым больш, што стартавалі дома, пры родных заўзятарах. Каманда граматна адпрацавала ў абароне і практычна нічога не дазволіла суперніку стварыць у сваіх варот. Усё што нам было трэба, гэта рэалізаваць свае моманты. Але гэта ўжо пытанні да нас, да лініі атакі. Лічу, што сёння мы цалкам перайгралі Славію, вось толькі не атрымалася забіць. Таму, занасіць у актыў пакуль няма чаго.

Сяргей КУРГАНСКІ: 

— Сяргей, віншуем са стартам сезона! Як пракаментуеш вынік сённяшняй сустрэчы? 
 Выйшлі на матч з добрым настроем, тым больш, што на трыбунах сабралася вялікая колькасць заўзятараў. Мяне гэта трохі ўразіла. Ўсім кажу за гэта вялікі дзякуй! Усім тым, хто сёння прыйшоў на стадыён і падтрымліваў нас на працягу ўсяго матчу! На жаль, не атрымалася іх парадаваць, не атрымалася перамагчы ў стартавым туры. У Нёмана былі моманты, але нам крыху не пашанцавала ... 

 «Сухі» матч трохі палепшыў твой настрой? 
 У першую чаргу зараз настрой прыпадняты ад таго, што пачаўся новы сезон. Аднак, вышэй за ўсё заўсёды стаіць вынік каманды. Калі не атрымліваецца перамагаць, то «сухія» матчы не дастаўляюць таго задавальнення і адыходзяць на другі план. Асноўная мэта ўсёй каманды, як і мая ў прыватнасці - гэта перамога ў кожным матчы. Лічу, што вынік сённяшняй сустрэчы мог бы быць і лепш.

Руслан ЗУБКОЎ: 

— Сёння ты правёў сваю першую афіцыйную гульню за наш клуб. Якія адчуванні ад каманды, ад сённяшняга стадыёна? 
— Мне ўсё падабаецца: і горад, і каманда, і сённяшняя атмасфера на стадыёне. Падтрымка трыбун нас усіх вельмі парадавала. Калі шчыра, то я не чакаў такога. Адзінае, што пакінула не вельмі прыемнае адчуванне - гэта газон. Яго якасць трохі падвяла, і, як мне здаецца, паўплывала на сённяшні вынік. 

— Заўзятары сёння сапраўды парадавалі. Аднак, мы сёння не падарылі ім перамогу. Як думаеш, на наступны хатні матч прыйдзе столькі ж людзей ці не? Ці моцна знервуецца каманда, калі шэрагі заўзятараў парадзеюць? 
— Калі згуляем годна выязны матч і прывязем у Гродна тры ачкі - тады, я спадзяюся, за наведванне матчу са Слуцкам можна не хвалявацца. Памяншэнне колькасці заўзятараў адбудзецца толькі ў тым выпадку, калі мы не будзем перамагаць. Пастараемся зрабіць усё, што ад нас залежыць, каб перамог было як мага больш. Я ўпэўнены, што сваёй гульнёй мы вернем людзей на стадыён. 

 А чаго не хапіла камандзе для перамогі сёння? 
— Думаю, што сёння для перамогі нам не хапіла майстэрства ў атакуючых дзеяннях. Як вынік, Славія ачко набыла, а мы два ачкі страцілі. Цяпер усе думкі аб наступным матчы, у якім нам трэба абавязкова перамагаць.

Мінск 2-2 Дынама-Брэст
Нафтан 0-1 Слуцк
Гарадзея 0-1 Шахцёр
Тарпеда-БелАЗ 2-1 Іслач
Дняпро 0-3 Дынама-Мінск
Гомель 1-1 БАТЭ
Крумкачы 1-0 Віцебск