«Нёман» U-17: вынікі восеньскага адрэзка Вярнуцца да спісу

Падвядзем вынікі чарговай нашай юнацкай каманды. Сёння палічым паказчыкі «Нёмана» U-17 (2000 год нараджэння).

У мінулым сезоне гэтая каманда заняла 8-е выніковае месца ў групе «А», апярэдзіўшы толькі дзве каманды: «Слуцк» і мікашэвіцкі «Граніт». Вышэй гродзенцаў ў 2015 годзе фінішавалі «Белкард», «Гарадзея», «Шахцёр», РГУОР, «Дынама-Брэст», «Дынама-Мінск» і «Мінск».

СЕЗОН 2016/17

Трэнерскі штаб каманды «Нёман» U-17: галоўны трэнер – Марат Белезяка.

Лічбавыя паказчыкі каманды ў першай палове першынства: +5=1-3, рознасць мячоў 23/11. Жоўта-зялёныя саступілі ўсім тром лідэрам сваёй групы і не забілі ў гэтых гульнях ніводнага мяча.

Дома нашы хлопцы правялі 4 матчы (у табліцы вылучаныя болдам, у якіх набралі 10 ачкоў: +3=1-0, рознасць мячоў 20/03. На выездзе гродзенцы згулялі горш, набраўшы ў 5 матчах толькі 6 ачкоў: +2=0-3, мячы 3-8

ТУРНІРНАЕ СТАНОВІШЧА

На зімовы перапынак нашы юнакі сышлі займаючы чацвёртае месца ў сваёй групе. Адрыў ад каманд невялікі, таму ўся барацьба за месца ў чацьвёрку мацнейшых яшчэ наперадзе. Нагадаем, што па рэгламенце спаборніцтваў, восем лепшых каманд з двух груп працягнуць на другім этапе барацьбу за медалі першынства.

U-17. Першынства Беларусі 2016/17. Група «А»
# каманда г мячы а лік
1 Мінск 9 41 - 4 27 0-1
2 Дынама-Брэст 9 52 - 9 21 0-6
3 РЦАР БДУ 8 25 - 9 16 0-1
4 Нёман 9 23 - 11 16  
5 Шахцёр 8 19 - 10 13 1-0
6 РГУОР 9 17 - 13 12 3-2
7 Іслач 9 16 - 15 12 1-1
8 Гарадзея 9 13 - 23 7 2-0
9 Слуцк 9 6- 44 3 8-0
10 Граніт-Мікашэвічы 9 6 - 80 0 8-0

Подрабязная табліца першай паловы групавога этапа

U-17. Першынства Беларусі 2016/17. Група «Б»
# каманда г мячы а лік
1 Дынама-Мінск 8 35 - 1 24 -
2 Гомель 8 28 - 4 20 -
3 БАТЭ 9 25 - 8 20 -
4 Белшына 9 9 - 11 11 -
5 Віцебск 9 9 - 14 11 -
6 Тарпеда-БелАЗ 9 10 - 15 10 -
7 Славія-Мазыр 9 11 - 16 9 -
8 Нафтан 9 5 - 29 9 -
9 Крумкачы 9 8 - 25 7 -
10 Дняпро (Магілёў) 9 8 - 25 6 -

ІНДЫВІДУАЛЬНЫЯ ПАКАЗЧЫКІ

У восеньскай частЦЫ першынства былі задзейнічаны 23 гульцы з 26 заяўленых: 2 брамніка, 6 абаронцаў, 13 паўабаронцаў і 2 нападніка.

Поўныя статыстычныя дадзеныя па кожнаму гульцу каманды (закладка «Статыстыка»)

КАПІТАН
Капітанам каманды былі тры гульцы. Пяць матчаў з павязкай на руцэ правёў Дзмітрый Вашкевіч, тры матчы – Максім Сегень, 1 матч – Ежы Маркевіч.

ЛІДЭРЫ
Ва ўсіх дзевяці матчах прымалі ўдзел пяць гульцоў: Ежы Маркевіч (709 хвілін, або 98,47% ад гульнявога часу), Арцём Толкін (701/97,36%), Максім Сегень (697/96,81%), Дзяніс Дворак ( 646/89,72%), Ягор Міхей (499/69,31%). Ніхто з гульцоў не правёў гэты гульнявы адрэзак без замен.

БРАМНІКІ
У дзевяці сустрэчах было задзейнічана два брамніка. Мікіта Баярчук адыграў у 4 матчах (220 хвілін, 30,56% гульнявога часу; 2 гульні на нуль, 3 прапушчаных мяча, 110'00'' умоўны інтэрвал паміж галамі), а Мікіта Орсік правёў 7 матчаў (500 хвілін, 69,44 % гульнявога часу; 3 гульні на нуль, 8 прапушчаных мячоў, 62'30'' умоўны інтэрвал паміж галамі).

ГАЛЫ
23 забітых мяча на рахунку 12 гульцоў. Лепшым бамбардзірам каманды з'яўляецца Данііл Копач, які забіў 5 мячоў. Па 4 мячы забілі – Дзмітрый Вашкевіч (2 з пенальці) і Максім Сегень, 2 – Арцём Толкін, па 1 – Мікіта Боярчук (пенальці), Ежы Маркевіч, Андрэй Богдан, Максім Клунок, Аляксандр Мялік, Мікіта Асмалоўскі, Андрэй Трюхан і Эдгар Чарняк.

ПАСЫ
16 дзейсных перадач запісалі на свой рахунак 9 гульцоў. Лідэрам у гэтай намінацыі з'яўляецца Ежы Маркевіч – 6 галявых пасаў. Тры разы асыставаў сваім партнёрам Аляксандр Буряк. Астатнія сем гульцоў зрабілі па адной такой перадачы.

ПЕНАЛЬЦІ
Пенальці ў браму суперніка прызначаліся тры разы. Усе тры спробы аказаліся выніковымі. Два разы з адзінаццаціметровай адзнакі дакладна прабіў Дзмітрый Вашкевіч, адзін раз брамнік Мікіта Баярчук. У нашую браму пенальці быў прызначаны адзін раз у матчы з мінскім РГУОР і быў рэалізаваны (брамнік – Мікіта Орсік).

ГРУБАСЦЬ
У дзевяці матчах жоўта-зялёныя зарабілі 20 папярэджанняў, адно з якіх было для гульца нашай каманды другім у матчы. Шэсць разоў перад сабой бачыў жоўтую картку Дзмітрый Вашкевіч, 3 жоўтых і адно паўторнае папярэджанне зарабіў Максім Клунок, тры гарчычніка дасталася Ежы Маркевічу, дзве – Артурасу Лауцюсу. Пяць гульцоў зарабілі па адным папярэджанні.