Адступаць няма куды – ззаду Гродна Вярнуцца да спісу

Другі год запар наша каманда пачынае турнір даволі слаба. І калі ў мінулым сезоне пасля першых двух тураў было 2 ачкі і 5-ае месца ў табліцы, то ў гэтым – толькі адно ачко і 10-е месца.

У нашых супернікаў справы з наборам ачкоў ідуць лепш. У першых двух турах, якія каманда правяла на выездзе, былі заробленыя тры ачкі. «Мінску» віцябляне саступілі, а вось у Бабруйску перайгралі мясцовую «Белшыну». Абодва матчы скончыліся з аднолькавым лікам 1:0. Дарэчы, для галоўнага трэнера бабруйчан расіяніна Уладзіміра Ежурава, гэты матч стаў апошнім. Сяргей Ясінскі зняў, хутчэй за ўсё, самы хуткі «скальп» са свайго калегі ў гісторыі беларускага футбола. Ежураў сышоў у адстаўку ўжо пасля другога тура чэмпіянату.

Трэці запар матч на выездзе стане для віцебскай дружыны, мабыць, самым цяжкім. Гэтаму ёсць некалькі прычын. Першае – каманда з Віцебска трэці тыдзень праводзіць у раз'ездах, што, несумненна, не спрыяе паляпшэнню гульні. Другое – папярэдні матч «Віцебск» правёў у Бабруйску ў панядзелак, а ў чацвер ўжо з самай раніцы выязджаць у Гродна, таму як гульня ўжо ў пятніцу. Паміж гульнямі 4 дні. Гэта не мала, але гэта нязвыкла для нашых футбольных шырот. Да таго ж у нашай каманды на падрыхтоўку да матчу на 2 дні больш. І самае галоўнае: гаспадары зараз загнаныя ў кут, а значыць – вельмі небяспечныя. Параза «Крумкачам» паставіла каманду ў цяжкае становішча, абураюцца ўсё. Адступаць няма куды – ззаду Гродна...

Поўнае прэв'ю на старонках матчу «Нёман» - «Віцебск»

  • Вынікі галасавання

    «Нёман» - «Віцебск»: угадай вынік матчу

    • першая перамога «Нёмана»
      68%
    • нічыя
      16%
    • перамога гасцей
      16%