Парадкавы нумар 34 Вярнуцца да спісу
Звычайна, прадстаўляючы нашага чарговага суперніка, мы расказваем пра тое, як складваліся нашы адносіны раней, гаворым мовай лічбаў. У дадзеным выпадку, насупраць гэтага пункта прэв'ю пакуль стаіць прочырк. І такіх выпадкаў у гэтым чэмпіянаце будзе аж тры! Сёння першы з іх.
Да «Крумкачоў» у нас было 33 першых «спаткання» у лізе, адпаведна, у суботу гэта здарыцца ў 34-ы раз (усе нашыя супернікі на адной старонцы) Шмат гэта ці не за 26 гадоў чэмпіянату, судзіць вам. Давайце ўспомнім, якімі былі папярэднія нашы матчы-знаёмствы.
Зразумела, што самым буяным перыядам, у плане ўстановы новых адносін у суверэннай футбольнай гісторыі, стаў самы першы чэмпіянат, які прайшоў у адзін круг. Яго вынік: 15 такіх матчаў і ні адной нічыі (+ 9=0-6, мячы 21-17).
1992 (15): 18.04. Абутнік (Ліда) – 1:0 (дома), 25.04. Трактар (Бабруйск) – 0:1 (у гасцях), 29.04. СКБ-Лакаматыў (Віцебск) – 4:1 (дома), 02.05. Дынама (Мінск) – 0:6 (у гасцях), 06.05. Шахцёр (Салігорск) – 3:0 (дома), 09.05. Днепр (Магілёў) – 0:2 (у гасцях), 16.05. Металург (Маладзечна) – 1:0 (дома), 23.05. БелАЗ (Жодзіна) – 0:2 (у гасцях), 30.05. Дынама (Брэст) – 1:0 (дома), 03.06. Тарпеда (Мінск) – 2:0 (дома), 01.06. Ведрыч (Рэчыца) – 0:1 (у гасцях), 10.06. Гомсельмаш (Гомель) – 5:0 (дома), 13.06. Тарпеда (Магілёў) – 1:0 (у гасцях), 17.06. КІМ (Віцебск) – 3:2 (дома), 20.06. Будаўнік (Старыя Дарогі) – 0:2 (у гасцях)
У першае дзесяцігоддзе практычна ў кожным чэмпіянаце з'яўляліся новыя каманды. Да 2000 года дадалося яшчэ 9 такіх матчаў, праўда, гэты перыяд такім жа паспяховым не назавеш – толькі 2 перамогі (+ 2=2-5, мячы 7-19)
1992/93 (1): 06.08. Беларусь (Мінск) – 0:0 (у гасцях)
1993/94 (1): 27.08. Шыннік (Бабруйск) – 2:1 (дома)
1995 (2): 10.07. МПКЦ (Мазыр) – 0:7 (у гасцях), 25.07. Атака-Аўра (Мінск) – 0:4 (дома)
1996 (1): 21.04. Нафтан (Наваполацк) – 0:3 (дома)
1997 (2): 21.04. Трансмаш (Магілёў) – 3:0 (у гасцях), 25.06. Камунальнік (Слонім) – 1:1 (у гасцях)
1998 (1): 09.05. БАТЭ (Барысаў) – 0:3 (у гасцях)
1999 (1): 15.05. Свіслач-Дах (Асіповічы) – 1:0 (у гасцях)
Да цяперашняга чэмпіянату ў гэты спіс былі ўнесены яшчэ 9 матчаў-знаёмстваў. Апошнія два для нас былі няўдалымі, а ў цэлым статыстыка апошняга перыяду выглядае станоўча: + 5=2-2 (мячы 14-07).
2002 (1): 04.06. Зорка-БДУ (Мінск) – 2:0 (у гасцях)
2003 (2): 18.04. Лакаматыў (Мінск) – 1:1 (у гасцях), 01.06. Дарыда (Мінскі раён) – 1:0 (дома)
2004 (1): 29.06. МТЗ-РЫПА (Мінск) – 2:0 (у гасцях)
2007 (2): 27.04. Смаргонь (Смаргонь) – 0:0 (у гасцях), 04.07. Мінск (Мінск) – 3:1 (дома)
2008 (2): 04.05. Савіт (Магілёў) – 5:3 (у гасцях), 19.07. Граніт (Мікашэвічы) – 0:1 (дома)
2014 (1): 29.03. Слуцк (Слуцк) – 0:1 (дома)
Гэты год дадасць у гэты спіс адразу тры запісы. Столькі пачаткоўцаў, колькі выйшла на старт у Вышэйшай Лізе ў сезоне 2016 года, яшчэ не было. Калі не браць у разлік самы першы чэмпіянат Беларусі, вядома.
Такім чынам, агульныя лічбы ў зрэзе афіцыйных матчаў-знаёмстваў выглядаюць так: +16=4-13, мячы 42-43. У красавіку мы згулялі сем такіх матчаў (+3=2-2), а супраць мінскіх каманд -8 (+ 4=2-2). Прычым у сталіцы прайгралі толькі менскаму «Дынама». Хутка яшчэ адзін такі матч стане гісторыяй.
-
Вынікі галасавання
«Крумкачы» - «Нёман»: угадай вынік матчу
-
перамога мінчан8%
-
міравая21%
-
зноў «Нёман» лепей за ўсіх71%
-
УЗЛЁТ
Афіцыйным годам нараджэння клуба лічыцца 2014 год, хоць ён быў знаёмы прыхільнікам МЛФ з 2011 года. Ўзлёт «крумкачоў» пачаўся з Другой Лігі, у якую было вырашана заявіцца ў сезоне 2014 года. Трэці па сіле дывізіён быў пакораны адразу – каманда нечакана для ўсіх стала другой. Такая ж неверагодная гісторыя здарылася і на наступны год. Зоркі спрыялі, і ўсё склалася адно да аднаго: пашырэнне Вышэйшай Лігі, цяжкасці асноўных прэтэндэнтаў і поспех «крумкачоў». Трэцяе месца, на якое ўзлезла каманда было прахадным. Прывітанне, Вышэйшая Ліга!
У свой час гэтак удалы старт атрымаўся тром камандам: «Дарыдзе», «Савіту» і БАТЭ. Каманд са Ждановічаў і Магілёва больш не існуе, а БАТЭ вядомае ўсяму свету. Які прызначаны лёс «Крумкач», аднаму Богу вядома.
ЗАЯЎКА
Доўга распісваць аб заяўцы «Крумкачоў» на сезон не мае сэнсу. Дастаткова ведаць, што ў складзе «крумкачоў» 7 замежнікаў, трое з якіх выступаюць за зборныя сваіх краін: Дуйшабекаў і Умараў – за Кыргызстан, Сімба – за зборную Сьера-Леонэ. Дуйшабекаў, дарэчы, учора забіў пераможны мяч у гульні дублюючых складаў каманд.
Ёсць у складзе суперніка і дасведчаны гулец. Перад самым стартам чэмпіянату кантракт з клубам падпісаў Вячаслаў Глеб.
Агульны найгрыш «крумкачоў» у першым дывізіёне Беларусі складае 418 матчаў. Тройка лідэраў выглядае наступным чынам: Глеб – 178, Шчагрыковіч – 56, Кошэль – 42.
Галоў на вышэйшым узроўні забіта на ўсіх 59. Амаль усе прыпадаюць на Глеба, які засмучаў суперніка 49 разоў. На другім месцы размясціўся Кошэль – 7 забітых мячоў. Тры гульца вызначыліся па адным разе: Шчагрыковіч, Санец і Шыкаўка. Прычым толькі апошні з іх забіў гол, выступаючы за «Крумкачоў». Гістарычны для «крумкачоў» мяч Шыкаўка забіў у браму «Белшыны».
Падагульнім напісанае вышэй. Хоць і здаецца на першы погляд, што сёння трэба будзе экзаменаваць пачаткоўца лігі, з высновамі спяшацца не варта. Каманда Алега Дулуба, які ў 2013 годзе непрацяглы час дапамагаў Саладоўнікаву ў якасці трэнера-аналітыка, далёка не тая, якой сябе пазіцыянуе, і якой яе прывыклі бачыць заўзятары. Будзе цяжка, тым больш, што Алег Анатольевіч выдатна азнаёмлены з тактычнымі схемамі «Нёмана».
№ | гульцы | краіна | дн | гульні | хв | г+п | жч | папярэдні клуб |
брамнікі | ||||||||
1 | Андрэй Федарэнка | Украіна | 09.01.1984 | 1 / 0 | 90 | -1 | Эльгарна (Хернесанд, Швецыя) / Д5 | |
69 | Яўгеній Касцюкевіч | 19.12.1989 | 0 | 0 | 0 | |||
16 | Антон Шунто | 31.05.1988 | 0 | 0 | 0 | |||
абаронцы | ||||||||
5 | Аляксей Васілеўскі | 02.06.1993 | 1 | 90 | Шахцёр (Салігорск) / Д1 | |||
3 | Раман Гаеў | 20.01.1989 | 1 | 90 | ||||
73 | Міхаіл Калугін | Украіна | 20.11.1994 | 1 | 90 | Буковіна (Чарнаўцы, Украіна) / Д3 | ||
88 | Дзмітрый Яшын | Расія | 25.04.1993 | Терек (Грозны, Расія) / Д1 | ||||
4 | Акрамжон Умараў | Кыргызстан | 07.02.1994 | Абдыш-Ата (Кант, Кыргызстан) / Д1 | ||||
паўабаронцы | ||||||||
10 | Філіп Иваноў | 21.07.1990 | 1 | 89 | ||||
22 | Сяргей Шчагрыковіч | 19.12.1990 | 1 | 90 | 0+1 | 1 | Славія-Мазыр (Мазыр) / Д1 | |
7 | Сяргей Корсак | 24.02.1989 | 1 | 16 | ||||
9 | Аляксандр Бацішчаў | Украіна | 14.09.1991 | 1 | 90 | Белшына (Бабруйск) / Д1 | ||
23 | Яўгеній Шыкаўка | 15.10.1992 | 1 | 90 | 1+0 | |||
8 | Ягор Сямёнаў | 06.01.1988 | 1 | 0 | Смалевічы СТІ (Смалевічы) / Д2 | |||
17 | Аляксандр Скшынецкі | 28.02.1990 | 1 | 90 | ||||
19 | Максім Талейка | 20.02.1993 | 1 | 45 | ||||
18 | Давид Сімбо | Сьерра-Леоне | 28.09.1989 | Наджран (Саўдаўская Аравія) / Д1 | ||||
20 | Бахціяр Дуйшабекаў | Кыргызстан | 03.06.1995 | Абдыш-Ата (Кант, Кыргызстан) / Д1 | ||||
27 | Аляксей Рудзянок | 25.02.1993 | Клецк (Клецк) / Д3 | |||||
нападнікі | ||||||||
99 | Вячаслаў Глеб | 12.02.1983 | 1 | 45 | Тарпеда-БелАЗ (Жодзіна) / Д1 | |||
66 | Сяргей Кошэль | 14.03.1986 | 1 | 73 | ||||
11 | Уладзімір Карп | 09.10.1994 | ||||||
29 | Максім Санец | 04.04.1997 | Гомель (Гомель) / Д2 |