Мы чакаем цябе!

Мы вельмі хочам, каб ахвотных займацца футболам сярод нашых дзяцей было як мага больш. Здаровы лад жыцця, выхаванне характару і мужнасці, пачуцця дружбы, пачуцця калектыву, дакладнае разуменне таго, што такое ўзаемадапамога, самадысцыпліна і мэтанакіраванасць – гэта тое, што спатрэбіцца Вашаму сыну ў жыцці, нават калі яму не ўдасца стаць футбалістам.

Патрапіць у СДЮШАР па футболе СУ ГФК «Нёман», якая стала спадчынніцай гродзенскай СДЮШАР-6, што на працягу некалькіх дзесяцігоддзяў выхоўвае ў маладых хлопцах пачуццё адзінства і навучае футболу, можна трыма рознымі спосабамі.

ПЕРШЫ СПОСАБ – КЛАСІЧНЫ

Кожны год школа праводзіць адбор хлопцаў трох узростаў. У гэтым навучальным сезоне 2015/16 гг., які стартаваў у верасні, мы чакаем у госці хлапчукоў, якія нарадзіліся ў 2007, 2008 і 2009 годзе (Восень-2015).

Бацькі прыводзяць дзяцей на прагляд у футбольную школу, а далей нашы трэнеры вызначаюць, наколькі ўдалым было Ваша рашэнне паспрабаваць свае сілы ў футболе.

ДРУГІ СПОСАБ – ПЛАТНЫ

З гэтага года прынята рашэнне арганізаваць платныя групы для займання футболам. Для гэтай катэгорыі эксперыментальна ўстаноўлены больш шырокі ўзроставы дыяпазон. Усе ахвотныя, у каго хлапчукі нарадзіліся ў 2005, 2006, 2007, 2008, 2009 і 2010 гадах, не трэніраваліся альбо не прайшлі адбор у футбольнай школе раней, змогуць займацца футболам на платнай аснове. Падрабязней пра гэта тут 

ТРЭЦІ СПОСАБ – АДБОР ТАЛЕНТАЎ

Так выйшла, што вашаму дзіцяці яшчэ няма 16 гадоў і ён па розных прычынах не скарыстаўся магчымасцю пайсці калісьці ў футбольную школу з дзецьмі свайго ўзросту. Аднак увесь гэты час ён любіў футбол, не пераставаючы гуляў у яго, а сябры ў двары празвалі яго Месі... Вам і Вашаму сыну здаецца, што з гэтага напэўна нешта можа атрымацца.

Некалькі разоў у год дзверы нашай школы будуць адкрытыя для таленавітых самавукаў! Сачыце за навінамі ці тэлефануйце ў школу і пытайцеся, калі пройдзе першы такі агляд незаўважаных талентаў!

КАНТАКТЫ

СДЮШАР «Нёман» знаходзіцца па адрасе: г. Гродна, вул. Лермантава, 45 (Каложскі парк).

Тэлефоны для даведак бацькам будучых футбалістаў: гарадскі +375 152 741023, +375 152 741024; МТС +375 29 7863753.