Гуляем за Беларусь! Вярнуцца да спісу
27 траўня на базе Цэнтра творчасці дзяцей і моладзі «Спектр» адбылося закрыццё комплекснай спартакіяды «Гуляем за Беларусь!». Арганізатары турніру з дапамогай анкетавання даведаліся ў пераможцаў, каго б хацелі рабяты бачыць на ўзнагароджанні. Аказалася, што яны хочуць, каб да іх прыйшлі футбалісты гродзенскага клуба.
Футбольны клуб «Нёман» атрымаў запрашэнне і дэлегаваў на ўзнагароджанні пераможцаў аднаго з самых масавых і відовішчных мерапрыемстваў фізкультурна-спартыўнага профілю чацвярых сваіх прадстаўнікоў. Гасцямі закрыцця комплекснай спартакіяды сталі Бомбель, Курганскі, Надзіеўскі і Кавалёнак.
