«Нёман» — «Слуцк»: матчдзень Вярнуцца да спісу

Перад трэцім турам абедзве каманды знаходзяцца ў верхняй частцы табліцы. Нашы госці ў першых двух матчах атрымалі дзве перамогі і едуць у Гродна ў якасці лідэра чэмпіянату. У стартавым туры «Слуцк» у гасцях перайграў наваполацкі «Нафтан» з лікам 0:1, а затым дома разграміў 4:1 жодзінскае «Тарпеда-БелАЗ». Гродзенцы адстаюць ад случчакоў на два ачкі (нічыя дома са «Славіяй-Мазыр» 0:0, гасцявая перамога над «Іслаччу» 0:1) і пасля двух гульнявых дзён займаюць пятае месца ў турнірнай табліцы.

Матчы гэтых двух супернікаў носяць вельмі ўпарты характар. У васьмі папярэдніх сустрэчах каманды на дваіх сцямілі толькі 9 забітых мячоў: +2=4-2, рознасць мячоў 4-5. У чатырох з іх гледачы сышлі дадому так і не ўбачыўшы галоў. Апошні гол у гэтым супрацьстаянні здарыўся крыху менш за два гады таму, калі ў Гродна гаспадары былі літаральна накаўтаваў суперніка, прапусціўшы чатыры мячы без адказу. З тых часоў каманды распісалі тры безгалявыя нічыі.

Больш падрабязна пра супрацьстаянне «Нёмана» і «Слуцка»

МЕСЦА І ЧАС

Матч пройдзе на стадыёне ЦСК «Нёман», пачатак сустрэчы ў 16:00. Кошт квітка – 4 рублі (дзіцячы – 1,5 рублі).

Відэатрансляцыю матчу можна будзе глядзець тут ці на старонцы матча.

• Вынікі галасавання

  «Нёман» — «Слуцк»: прадкажы вынік сустрэчы

  • перамога за Гродна
    74%
  • нічыйны вынік
    12%
  • перамога за Слуцкам
    14%

СУДЗЕЙСКАЯ БРЫГАДА

Мінскі арбітр Сяргей Гараюцін правядзе сваю першую сустрэчу ў Вышэйшай Лізе ў якасці галоўнага арбітра матча. 

Галоўны суддзя: Гараюцін Сяргей (Мінск).
Памочнікі суддзі: Гусеў Антон (Мінск), Спургяш Іван (Маладзечна).
Рэзервовы суддзя: Кунай Артур (Брэст).
Інспектар матча: Сярожкін Яўген (Магілёў).

МАТЧ ДУБЛЯ

Свой матч правялі дублюючыя склады. На працягу ўсёй сустрэчы гродзенцы мелі адчувальнаю перавагу, аднак забіць атрымалася толькі адзін раз. У пачатку другога тайма жоўта-зялёныя ўсё ж змаглі заштурхаць мяч у браму суперніка. Абаронца Хвалько падключыўся да розыгрышу кутавога, выйграў пазіцыю ў суперніка і галавой нанёс удар па браме случчакоў. Мяч трапіў у ашэстак і адскочыў у штрафную, дзе за яго ўдала з абаронцамі гасьцей пазмагаліся Зубрыцкі і Журневіч. Апошні літаральна з лініі брамы дабіў мяч у сетку. Варта адзначыць, што ў мінулым туры гол Журневіча гэтак жа апынуўся адзіным у матчы, а значыць таксама пераможным. На старце сезона Васіль гуляе напорыста і ў кожным матчы мае па некалькі выдатных момантаў для ўзяцця брамы.

СТАРТАВЫЯ СКЛАДЫ

У папярэднім туры абедзве каманды дабіліся перамог, таму, рызыкнем выказаць здагадку: змяняць што-небудзь трэнеры стануць толькі пры наяўнасці новых траўміраваных. У адваротным выпадку магчымыя толькі ракіроўкі гульцоў асновы з гульцамі лаўкі запасных.

У гродзенцаў у лазарэце пакуль застаюцца Дзмітрый Верхаўцоў, Арцём Канцавы і Андрэй Горбач, а медчастка слуцкай каманды і зусім пустуе.

НЁМАН (Гродна) — СЛУЦК (Слуцк) – 2 : 1 (1 : 1)

НЁМАН: Курганскі – Бебе, Кантарыя, Зубкоў, Абуна – Якімаў, Савасцьянаў - (к) Савіцкі, Жукоўскі, Яроцкі – Лакціёнаў. Запасныя: Жураў – Анюкевіч, Климовіч, Яблонскі, Хлебасолаў, Бомбель, Рудзік.

СЛУЦК: Панкратаў – Залескі, Каршакевіч, Образаў, Шчагрыковіч С. – Сафонаў, Ауіе - Юсаў, Кібук, (к) Бабко – Себаі. Запасныя: Дудар – Быліна, Шчагрыковіч Д., Рушніцкі, Куаджа,  Яцкевіч, Трачынскі.

Галы:

1:0 — Р.Лакціёнаў  (8, пас – В.Жукоўскі),

1:1 — В.Кмбук (32),

2:1 — Ф.Рудзік (88)

Поўная версія пратакола даступная на старонках матча «Нёман» — «Слуцк»

АГЛЯД

ФОТАЗДЫМКІ