Белазавец-2017 Вярнуцца да спісу
Учора ў Жодзіна стартаваў перадсезонны турнір «Белазавец-2017», які праходзіць ужо ў другі раз. У параўнанні з мінулым сезонам склад удзельнікаў мінімальна змяніўся – замест наваполацкага «Нафтана» арганізатары турніру запрасілі нашу каманду. Акрамя жодзінскага «Тарпеда-БелАЗ» і гродзенскага «Нёмана», за перамогу ў міні-турніры пазмагаюцца «Іслач» з Мінскага раёна і прадстаўнік Першай Лігі (Д2) смалявіцкая каманда «Смалявічы СТІ». Менавіта яны ўчора і згулялі ў стартавым матчы турніру. Малодшыя па рангу ўпэўнена перайгралі «ваўкоў» з лікам 2:0. У складзе смалявіцкай каманды голам адзначыўся Сяргей Кавалюк.
Нашай камандзе свой стартавы матч трэба будзе згуляць сёння ўжо праз пяць гадзін, таму ў Жодзіна гродзенцы выехалі рана раніцай. У выязным складзе значыцца 21 футбаліст: тры брамніка – Курганскі, Жураў і Шышлоў, сем абаронцаў – Анюкевіч, Дземідовіч, Хвалько, Горбач, Забелін, Яблонскі і Квенцар, восем паўабаронцаў – Сенкевіч, Савасцьянаў, Зубкоў, Яроцкі, Жукоўскі, Савіцкі, Цеслюкевіч, Бомбель, і тры нападніка –Лакціёнаў, Журневіч і Кавалёнак. Па розных прычынах не змогуць згуляць у турніры шэсць гульцоў: прыхварэў Клімовіч, Аляксей Носко, Арцём Канцавы і Якімаў, Бебе толькі нядаўна прыляцеў і пакуль трэніруецца па індывідуальнай праграме, а Лешка ўчора на трэніроўцы атрымаў траўму.
З пяцёркі якія знаходзіліся на праглядзе легіянераў ў турніры возьмуць удзел толькі два ўкраінцы – Зубкоў і Лакціёнаў. Расіянін Нікулін, а таксама іншыя два ўкраінцы – Дзямідаў і Ралючэнка, ужо пакінулі размяшчэнне каманды. Цалкам магчыма, што па ходзе турніру ў складзе гродзенцаў будуць з'яўляцца новыя гульцы.
БЕЛАЗАВЕЦ-2017
| # | каманды | 1 | 2 | 3 | 4 | мячы | а |
|---|---|---|---|---|---|---|---|
| 1 | Смалявічы СТІ (Смалявічы) | Х | -:- | -:- | 2:0 | 2 – 0 | 3 |
| 2 | Нёман (Гродна) | -:- | Х | 0:1 | -:- | 0 – 1 | 0 |
| 3 | Тарпеда-БелАЗ (Жодзіна) | -:- | 1:0 | Х | -:- | 1 – 0 | 3 |
| 4 | Іслач (Мінскі раён) | 0:2 | -:- | -:- | Х | 0 – 2 | 0 |
08.02.2017, 15:00. Іслач – Смалявічы СТІ - 0:2 (ххх – І.Варанкоў 3, С.Кавалюк 25)
09.02.2017, 15:00. Нёман – Тарпеда-БелАЗ 0:1 - 0:1 (ххх – М. Імярэкаў 44)
10.02.2017, 12:30. Нёман – Іслач - -:- (ххх – ххх)
10.02.2017, 15:00. Тарпеда-БелАЗ – Смалявічы СТІ - -:- (ххх – ххх)
11.02.2017, 12:30. Нёман – Смалявічы СТІ - -:- (ххх – ххх)
11.02.2017, 15:00. Тарпеда-БелАЗ – Іслач - -:- (ххх – ххх)
БЕЛАЗАВЕЦ-2016
У першым розыгрышы гэтага турніра жодзінцы атрымалі тры перамогі ў трох матчах і сталі яго пераможцам. Лепшым бамбардзірам турніру стаў нападнік «Тарпеда-БелАЗ» Вадзім Дземідовіч, які вызначыўся ў кожнай з трох сустрэч сваёй каманды. Лепшымі гульцамі ў складзе каманд былі прызнаныя: «Тарпеда-БелАЗ» – Ягор Хаткевіч, «Нафтан» – Яўген Лебедзеў, «Іслач» – Уладзіслаў Ясюкевіч, «Смалявічы» - Арам Абд Аль-Маджыд.
| # | каманды | 1 | 2 | 3 | 4 | мячы | а |
|---|---|---|---|---|---|---|---|
| 1 | Тарпеда-БелАЗ (Жодзіна) | Х | 3:0 | 1:0 | 2:1 | 6 – 1 | 9 |
| 2 | Смалявічы СТІ (Смалявічы) | 0:3 | Х | 3:2 | 1:1 | 4 – 6 | 4 |
| 3 | Нафтан (Наваполацк) | 0:1 | 2:3 | Х | 5:1 | 7 – 5 | 3 |
| 4 | Іслач (Мінскі раён) | 1:2 | 1:1 | 1:5 | Х | 3 – 8 | 1 |
17.02.2016, 12:30. Тарпеда-БелАЗ – Смалявічы СТІ - 3:0 (В.Дземідовіч 13, П.Чалядка 32, Г.Блізнюк 35 – ххх)
17.02.2016, 15:00. Іслач – Нафтан - 1:5 (І.Бараздін 74 – Я.Лебедзеў 28, і.Зюлеў 29, А.Сучкоў 33, М.Шугункоў 75, Я.Якімаў 81)
18.02.2016, 12:30. Тарпеда-БелАЗ – Іслач - 2:1 (В.Дземідовіч 36, Ан.Салавей 80 – К.Белоў 29)
18.02.2016, 15:00. Смалявічы СТІ – Нафтан - 3:2 (А.Абд Аль-Маджыд 18, 44-пен, А.Кульбако 61 – Я.Лебедзеў 20, Я.Якімаў 81-пен)
19.02.2016, 12:30. Іслач – Смалявічы СТІ - 1:1 (В.Ясюкевіч 66 – Л.Ханкевіч 12)
19.02.2016, 15:00. Тарпеда-БелАЗ – Нафтан - 1:0 (В.Дземідовіч 22 – ххх)
