U-11. Следам за «Уімблдонам» Вярнуцца да спісу
У канцы мінулага года нашы юнацкія каманды прынялі ўдзел у некалькіх міжнародных турнірах. У апошніх чыслах лістапада хлопцы 2005 і 2006 гадоў нараджэння адправіліся ў Літву, дзе годна прадставілі нашу школу на турніры Kedainiai Arena Cup 2016 (26-28 лістапада).
У турніры сярод хлопчыкаў 2005 года нараджэння прынялі ўдзел 14 каманд з 5 краін, якія на першым этапе былі разбітыя на дзве групы. Наша школа была прадстаўлена адразу двума складамі (трэнеры Дзяніс Барычэўскі і Віктар Біндзей): у першую групу адправіўся другі склад гродзенцаў, а ў другую групу трапіў першы склад.
Наш другі склад набраў у групе 5 ачкоў з 18 магчымых, што дазволіла заняць 5-е выніковае месца. Нашы хлопцы прайгралі тры матчы. Двойчы жоўта-зялёныя буйна прайгралі лідэрам групы – лонданскаму «Уімблдону» 1:4 і талінскаму «Ірбісу» 0:3, а таксама мінімальна саступілі гаспадарам турніру 0:1. Перайграць атрымалася толькі «Алімпас» з Каўнаса 2:1, два астатніх паядынку завяршыліся ўнічыю: з латышскім «Олайне» з аднайменнага горада хлапчукі згулялі 2:2, а з вільнюскім «Жальгірысам» 1:1.
Першы склад згуляў больш упэўнена. Ужо за гульню да заканчэння групавога этапу хлопцы гарантавалі сабе першае месца ў групе. У трох каманд, якія размясціліся ў верхняй частцы табліцы было па 12 ачкоў. Гродзенцы стаялі вышэй супернікаў, таму што ў асабістых сустрэчах былі мацней. Латвійскі «Вентспілс» хлапчукі абыгралі з лікам 2:0, а лонданскую «10-ю Акадэмію» разнеслі 5:0. Таксама ў сухую былі абыграны літоўскія школы «Жайбас» 1:0 і «Іонавас» 2:0. Нашы хлопцы прайгралі латвійскай «Марупе» 0:2, ды ў нічога ўжо ня значным матчы літоўскаму «Гірёнусу» 0:1.
У стыкавых матчах нашым хлопцам трэба было вырашаць розныя задачы. Калі другому складу трэба было пазмагацца за выніковае 9-е месца, то першы склад прабіўся ў фінал і чакаў сустрэчы з «Уімблдонам». На жаль, у вырашальных матчах абедзве нашы каманды спасцігла няўдача. «Нёман»-Б мінімальна прайграў «Жайбасу» 1:2, а першы склад саступіў першае месца ангельцам толькі ў серыі сяміметровых (0:0, па пенальці 0:1).
Праз два тыдні нашай каманда 2005 года нараджэння трэба будзе прыняць удзел у міжнародным турніры «Кубак муніцыпалітэта горада Марыямпаль» (Літва).
СКЛАДЫ
Выязны склад (Нёман-А): брамнік Уладзіслаў Спас, палявыя гульцы Андрэй Чарняк, Ілля Лебедзеў, Марат Васількевіч, Андрэй Рускіх, Максім Кацынель, Ілля Зяленскі.
Выязны склад (Нёман-Б): палявыя гульцы Станіслаў Холад, Яўген Янчанка, Мацвей Коцін, Радзівон Юрчэўскі, Максім Лабанаў, Уладзіслаў Семчук, Максім Гук, Раман Сінкевіч, Мікіта Доста, Данііл Гардзейка.
КВАЛІФІКАЦЫЯ
| # | каманды | 1 | 2 | 3 | 4 | 5 | 6 | 7 | мячы | а |
|---|---|---|---|---|---|---|---|---|---|---|
| 1 | Уімблдон (Лондан, Англія) | Х | 1:1 | 1:0 | 3:0 | 4:1 | 3:1 | 4:0 | 16 – 3 | 16 |
| 2 | Ірбіс (Таллінн, Эстонія) | 1:1 | Х | 2:1 | 1:0 | 3:0 | 2:0 | 2:1 | 11 – 3 | 16 |
| 3 | Олайнэ (Олайнэ, Латвія) | 0:1 | 1:2 | Х | 0:0 | 2:2 | 1:0 | 2:1 | 6 – 6 | 8 |
| 4 | Невежыс (Кедайняй, Літва) | 0:3 | 0:1 | 0:0 | Х | 1:0 | 1:4 | 6:0 | 8 – 8 | 7 |
| 5 | Нёман-Б (Гродна, Беларусь) | 1:4 | 0:3 | 2:2 | 0:1 | Х | 1:1 | 2:1 | 6 – 12 | 5 |
| 6 | Жальгірыс (Каўнас, Літва) | 1:3 | 0:2 | 0:1 | 4:1 | 1:1 | Х | 0:1 | 6 – 9 | 4 |
| 7 | Алімпас (Каўнас, Літва) | 0:4 | 1:2 | 1:2 | 0:6 | 1:2 | 1:0 | Х | 4 – 16 | 3 |
| # | каманды | 1 | 2 | 3 | 4 | 5 | 6 | 7 | мячы | а |
|---|---|---|---|---|---|---|---|---|---|---|
| 1 | Нёман-А (Гродна, Беларусь) | Х | 5:0 | 2:0 | 0:1 | 1:0 | 0:2 | 2:0 | 10 – 3 | 12 |
| 2 | 10 Акадэмія (Лондан, Англія) | 0:5 | Х | 3:1 | 0:2 | 2:1 | 1:0 | 1:0 | 7 – 9 | 12 |
| 3 | Вентспілс (Вентспілс, Латвія) | 0:2 | 1:3 | Х | 2:0 | 3:1 | 2:0 | 1:0 | 9 – 6 | 12 |
| 4 | Гірёнус (Літва) | 1:0 | 2:0 | 0:2 | Х | 0:5 | 0:0 | 1:0 | 4 – 7 | 10 |
| 5 | Жайбас (Вільнюс, Літва) | 0:1 | 1:2 | 1:3 | 5:0 | Х | 0:0 | 2:0 | 9 – 6 | 7 |
| 6 | Марупе (Рыга, Латвія) | 2:0 | 0:1 | 0:2 | 0:0 | 0:0 | Х | 0:0 | 2 – 3 | 6 |
| 7 | Іонавос (Іонава, Літва) | 0:2 | 0:1 | 0:1 | 0:1 | 0:2 | 0:0 | Х | 0 – 7 | 1 |
СТЫКАВЫЯ МАТЧЫ
Матчы за 13-е месца. Алімпас (Каўнас, Літва) – Іонавос (Іонава, Літва) - -:-
Матчы за 11-е месца. Жальгірыс (Каўнас, Літва) – Марупе (Рыга, Латвія) - -:-
Матчы за 9-е месца. Нёман-Б (Гродна, Беларусь) – Жайбас (Вільнюс, Літва) - 1:2
Матчы за 7-е месца. Невежыс (Кедайняй, Літва) – Гірёнус (Літва) - -:-
Матчы за 5-е месца. Олайнэ (Олайнэ, Літва) – Вентспілс (Вентспілс, Латвія) - 0:1
Матчы за 3-е месца. Ірбіс (Таллінн, Эстонія) – 10 Акадэмія (Лондан, Англія) - 1:0
Матчы за 1-е месца. Уімблдон (Лондан, Англія) – Нёман-А (Гродна, Беларусь) - 0:0 (пен 1-0)
Выніковае становішча каманд:
1. Уімблдон (Лондан, Англія)
2. Нёман - А (Гродна, Беларусь)
3. Ірбіс (Таллінн, Эстонія)
4. 10 Акадэмія (Лондан, Англія)
5. Вентспілс (Вентспілс, Латвія)
6. Олайнэ (Олайнэ, Літва)
7. Невежыс (Кедайняй, Літва)
8. Гірёнус (Літва)
9. Жайбас (Вільнюс, Літва)
10. Нёман-Б (Гродна, Беларусь)
11. Марупе (Рыга, Латвія)
12. Жальгірыс (Каўнас, Літва)
13. Іонавос (Іонава, Літва)
14. Алімпас (Каўнас, Літва)
ЛЕПШЫЯ ГУЛЬЦЫ ТУРНІРА
Бамбардыр: Том Уілсон (Уімблдон)
Лепшы брамнік турніра: Ілля Баркановас (Ірбіс)
Лепшы абаронцы турніра: Максім Кацынель (Нёман-А, Гродна)
Лепшы нападнік турніра: Генры Расс (Уімблдон)
