З Наступаючым Новым Годам! Вярнуцца да спісу

Згодна з усходнімі паданнямі Певень лічыцца самым яркім і вытанчаным знакам. Ён тэмпераменты, валодае моцным норавам і складаным характарам. Дзелавіты і няўрымслівы Певень любіць кампліменты і хвалу, а таксама прагне нашай увагі.

Каб хоць неяк уявіць, чаго можна чакаць нам ад года Пеўня, зазірнем у мінулае і паспрабуем знайсці заканамернасць.

  • 1945 (Драўляны Певень) — у пачатку траўня Германія падпісала акт аб безагаворачнай капітуляцыі, а ў пачатку верасня завяршылася Другая сусветная вайна. Гродна ўжо год як прыходзіў у сябе пасля цяжкіх выпрабаванняў, жыццё вярталася і на футбольныя палі. У першым пасляваенным чэмпіянаце рэспублікі прымалі ўдзел 7 каманд, сярод якіх была і наша гродзенскае «Дынама». Па выніках турніру на п'едэстале гонару размясціліся тры дынамаўскіх калектыва: першае месца дасталася менчукам, другое – берасцейцам, трэцяе – гродзенцам;
  • 1957 (Вогенны Певень) — гродзенская каманда ўпершыню атрымала назву «Нёман» перад пачаткам першынства БССР, аднак у многіх крыніцах было пакінута ранейшая назва каманды – зборная горада. Па выніках першага этапу каманда фінішавала першай у трэцяй зоне, але ў выніку заняла толькі 6-е месца;
  • 1969 (Земяны Певень) — свой другі і апошні сезон у другім па сіле дывізіёне СССР «Нёман» правёў сярод сярэднеазіяцкіх і каўказскіх каманд. Выніковае 14-е месца не было апошнім у зоне – усяго быў 21 удзельнік, аднак гродзенцы па дадатковых паказчыках саступілі другому прадстаўніку ад БССР – брэсцкаму «Спартаку», і згулялі пераходныя матчы з «Гомсельмашам». Дзве нічыі – 0:0 у Гомелі, а таксама 3:3 дома, азначалі для Гродна паніжэнне ў класе, аднак на будучы сезон у савецкім футболе адбыліся вялікія перамены і ўсе тры каманды з БССР дружна былі перамешчаныя ў трэці дывізіён;
  • 1981 (Металічны Певень) — пасля хвацкага першынства 1980 года, у якім «Хімік» спыніўся за крок ад выхаду ў Першую лігу чэмпіянату СССР, сезон 1981 года можна было лічыць няўдалым. Па выніках першага этапу гродзенцы фінішавалі трэцімі, а пасля фінальнага этапу – стаў чацвёртай у Восьмай групе;
  • 1993 (Вадзяны Певень) — фінішны спурт з пяці перамог запар не дапамог гродзенцам уклініцца ў прызавую тройку другога чэмпіянату Беларусі. Да бронзы не хапіла аднаго бала, а да срэбра – два. Аднак ужо праз пяць дзён пасля заканчэння турніру «Нёман» стаў уладальнікам Кубка Беларусі, адолеўшы ў фінале «Ведрыч» з лікам 2:1. Па выніках першага круга які стартаваў у гэтым жа годзе чэмпіянату сезону 1993/94 года гродзенцы размясціліся на 14-й пазіцыі;
  • 2005 (Драўляны Певень) — у пачатку года гродзенцы дайшлі да паўфіналу Кубка розыгрышу 2004/2005, дзе саступілі мінскаму МТЗ-РІПА. Ужо ў верасні вылецелі з наступнага кубкавага розыгрышу, прайграўшы мінскай «Зорке-БДУ», а ў чэмпіянаце краіны занялі 12-е выніковае месца.

У 1945 годзе аднавіўся розыгрыш чэмпіянатаў БССР, а роўна 60 гадоў таму, у год вогненнага Пеўня, гродзенская каманда ўпершыню выйшла на поле пад назвай «Нёман». У 1969 наша каманда ў апошні раз спрабавала скарыць другі па сіле дывізіён СССР, а ў 1993 годзе быў заваяваны адзіны на дадзены момант суверэнны трафей – Кубак Беларусі. Як бачыце, для гродзенскага футбола ніякай заканамернасці ў гады Пеўня не прасочваецца. Аднак ўдалы 1993 год усё ж ўсяляе надзею на станоўчы вынік.

Дарагія сябры! Беларусы і гродзенцы, спонсары і партнёры, ветэраны футбола і дзейсныя футбалісты, трэнеры і работнікі клуба, заўзятары і фанаты, аматары футбола і не вельмі! Футбольны клуб «Нёман» віншуе ўсіх вас з надыходзячымі святамі і жадае ў новым 2017 годзе толькі перамог. Няхай вас атачаюць верныя сябры, любоў, поспех, шанцаванне і здароўе суправаджаюць вас па жыцці, у сям'і ўсё ладзіцца, а праца спорыцца. 

Дзякуй усім, хто на працягу ўсяго гэтага года сачыў за намі і перажыў разам з намі гэты цяжкі сезон. Асаблівую падзяку выказваем нашым партнёрам - Ваша дапамога неацэнная. Шкада, што не ўсіх паспелі павіншаваць асабіста...

Мы верым, што наперадзе нас чакаюць лепшыя часы.

Чакаем усіх гродзенцаў і гасцей нашага горада на гульнях нашага клуба ў сезоне новага 2017 года!