Юнацкая зборная Беларусі згуляе ў Нідэрландах Вярнуцца да спісу

Учора ў швейцарскім Ньёне адбылося лёсаванне элітнага раўнда адборачнага цыклу юнацкага чэмпіянату Еўропы па футболе (U-17), фінальная частка якога пройдзе вясной 2017 года ў Харватыі. Наша зборная (трэнер – Кірыл Альшэўскі) трапіла ў пятую групу, дзе яе супернікамі сталі юнацкія каманды Італіі, Бельгіі і Нідэрландаў. У фінальную частку чэмпіянату, якая пройдзе ў Харватыі з 3 па 19 траўня 2017 года, трапяць пераможцы васьмі элітных груп, а таксама сем лепшых другіх зборных. Наша група згуляе ў Нідэрландах з 14 па 19 сакавіка 2017 года. 

На першы погляд, для тых хто не сочыць за юнацкай зборнай, можа здацца, што ў гэтай камандзе няма прадстаўнікоў Гродзеншчыны. Аднак, гэта зусім не так. трое гродзенцаў — Раман Вегеря (першы трэнер С.Кукалевіч), Максім Мякіш і Яўген Сакута (абодва – першы трэнер М.Белезяка) былі забраныя ў мінскі РГУАР, на базе якога і створана юнацкая зборная, на пачатку 2015 года, а выхаванец смаргонскага футбола Дзяніс Гружэўскі (першы трэнер В.Гаўрылкевіч), транзітам праз нашу юнацкую каманду, трапіў у РГУАР крыху пазней.

31.10.2016. Пасля матча з Бельгіяй. Злева направа: Д.Гружэўскі Р.Вегеря, М.Мякіш і Я.Сакута

У 1-м кваліфікацыйным раўндзе ў барацьбу за трафей ўключыліся 52 каманды, якія былі падзеленыя на 13 груп. Беларусы гулялі на Кіпры і фінішавалі ў сваёй групе ўслед за гаспадарамі, апярэдзіўшы юнацкія зборныя Бельгіі і Гібралтара. Сакута і Вегеря і капітан зборнай Мякіш, згулялі ва ўсіх трох матчах, а Гружэўскі правёў толькі стартавы паядынак супраць кіпрыётаў. 

СТАТЫСТЫКА ТУРНІРА

Юнацкі Чэмпіянат Еўропы 2016/17 да 17 года. 1-ы кваліфікацыйны раунд. Група 11
  КАМАНДЫ 1 2 3 4 в н п мячы а
1 Кіпр Х 1:0 1:0 2:0 3 0 0 4 – 0 9
2 Беларусь 0:1 Х 0:0 3:1 1 1 1 3 – 2 4
3 Бельгія 0:1 0:0 Х 2:0 1 1 1 2 – 1 4
4 Гібралтар 0:2 1:3 0:2 Х 0 0 3 1 – 7 0

БЕЛАРУСЬ U-17 — КІПР U-17 - 0 : 1 (0 : 0)

БЕЛАРУСЬ: Самовіч – Гружэўскі (Музычэнка, 69), Мірошнікаў, Лаўрык, Глінскі, (к) Мякіш (Немірка, 61), Кірыленка, Сакута, Васілевіч, Аўраменка (Вегеря, 41), Горбач.

Гол: 0:1 — Раўнас (55). Папярэджанні: Глінскі, Сакута — Міхаіл.

БЕЛАРУСЬ U-17 — ГІБРАЛТАР U-17 - 3 : 1 (0 : 0)

БЕЛАРУСЬ: Самовіч – Мірашнікоў, Глінскі, (к) Мякіш (Лаўрык, 62), Сакута, Вегеря, Музычэнка (Кірыленка, 71), Немірко, Барсукоў, Пятрэнка, Мацяш (Горбач, 57).

Галы: 1:0 — Монтовіо (33, аўтагол), 1:1 — Брітто (43, з пенальтці / за фол Пятрэнка), 2:1 — Музычэнка (52, пас – Мацяш), 3:1 — Горбач (78, пас – Пятрэнка). Папярэджанні: Мякіш, Вегеря, Кірыленка — Брітто.

БЕЛАРУСЬ U-17 — БЕЛЬГІЯ U-17 - 0 : 0

БЕЛАРУСЬ: Самовіч – Мірошнікаў, Лаўрык, Глінскі, (к) Мякіш, Сакута, Горбач, Музычэнка (Кірыленка, 48), Немірко (Вегеря, 79), Барсукоў, Пятрэнка (Васілевіч, 54).