Футбол – дзецям! Вярнуцца да спісу
Паважаныя аматары футбола, заўзятары і фанаты! Футбольны клуб «Нёман», сумесна з Асацыяцыяй «Беларуская федэрацыя футбола», а таксама з усімі астатнімі клубамі Вышэйшай Лігі, аб'яўляе аб правядзенні дабрачыннай акцыі «Футбол – дзецям», якая пройдзе ў рамках правядзення матчу апошняга 30-га тура нацыянальнага чэмпіянату Рэспублікі Беларусь па футболе.
Далучайцеся да нас, давайце рабіць дабро разам!
Мы запрашаем прыняць удзел у акцыі «Футбол – дзецям», у рамках якой, кожны жадаючы можа зрабіць дзіця з дзіцячага дома крышачку больш шчаслівым.
Прыходзьце на апошнюю гульню гродзенскага клуба і прыносьце з сабой любыя цацкі (канцылярскія тавары, спартыўны інвентар і г.д.), а мы затым даставім падарунак да адрасата і зробім дзеткам свята.
Упэўненыя, што ў шмат каго у вас дома засталіся цацкі, якія ўжо не патрэбныя вашым дзецям. Давайце працягнем іхні век, і, тым самым, парадуем імі іншых дзяцей. Вядома ж, у дзіцячым садку будуць рады і новым, спецыяльна набытым для гэтага цацкам!
Прыносьце ўсё, што можаце! Галоўнае, каб ваш падарунак быў бяспечным, а таксама ў выдатным стане.
Пункт збору цацак будзе арганізаваны на тэрыторыі ЦСК «Нёман», каля ўваходу на 19-ы сектар.
Дадзеная акцыя пройдзе ўпершыню адразу на васьмі стадыёнах нашай краіны. Прыёмныя пункты цацак і розных карысных падарункаў будуць арганізаваны таксама ў Барысаве (стадыён «Барысаў-Арэна»), Жодзіна (стадыён «Тарпеда»), Мазыры (стадыён «Юнацтва»), Бабруйску (стадыён «Спартак»), Брэсце (Стадыён ОСК «Брэсцкі») і Мінску (стадыёны ФК «Мінск» і КФП ФК «Мінск»).
