Юнацкае першынство Вярнуцца да спісу

Сёння і заўтра свае апошнія афіцыйныя матчы ў гэтым годзе згуляюць чатыры юнацкія каманды нашай школы.

Першымі на футбольныя канікулы сыдуць старэйшыя хлопцы. У апошнім матчы першага круга гродзенскія каманды (U-19 і U-17) дома прымаюць аднагодкаў з «Іслачы».

Заключныя матчы першага круга ў двух малодшых узростах пройдуць заўтра. Нашы абедзве каманды (U-16 і U-15) таксама завершаць першы круг хатнім матчам, толькі ўжо супраць «Гарадзеі».

Коратка паведамім аб папярэдніх матчах нашых дзіцячых каманд (спасылкі вядуць на пратаколы матчаў).

U15 / U16. НЁМАН — БЕЛКАРД, РЦАР БДУ — НЁМАН 

Самыя малодшыя нашы хлопцы (трэнер - Артур Крыванос) выйгралі сваіх зумлякоў з «Белкарда» з лікам 2:0 (галы забілі Антон Сучкоў і Максім Краўцоў), аднак у гасцявым матчы ва ўпартай барацьбе суступілі мінскаму РЦАРу. Гродзенцы адкрылі лік у першым тайме, аднак у другім выпусцілі не толькі перамогу, але і нічыю - 1:2 (Максім Краўцоў). За тур да фінішу першага круга наша каманда займае 4-ы радок у турнірнай табліцы.

Наступны ўзрост (трэнер - Віктар Юйко) сыграў лепш. Хлапчукі перамаглі «Белкард» 2:1 (Мікіта Кануннікаў і Яўген Семянчук), а затым буйна перайгралі РЦАР БДУ 4:0 (Арсеній Якавенка, Ягор Шымуль, Мікіта Хох, Ягор Мілашэўскі). Перад заўтрашнім матчам гродзенцы на адно ачко адстаюць ад «Гарадзеі» і займаюць 4-е месца. У выпадку перамогі над гарадзейцамі нашы хлопцы перад перапынкам паднімуцца на трэцяе месца ў сваёй падгрупе.

U17 / U19. НЁМАН — ГРАНІТ, ДЫНАМА-БРЭСТ — НЁМАН 

Каманда Марата Белезяко правяла цалкам два розных матча. Калі ў першай сустрэчы супраць мікашэвіцкага каманды ў нашых хлопцаў проблем не ўзнікала - больш чым упэўненая перамога 8:0 (Максім Сегень 39, Арцём Толкін 54, 58, Данііл Копач 60, 71, 74, Ежы Маркевіч 67, Мікіта Баярчук), дык у матчы супраць брэсцскага «Дынама» разграмілі ўжо нас - 0:6. Нягледзячы на такі вынік, каманда нашай СДЮШАР размясцілася на трэцім радку табліцы.

Самыя старэйшыя нашы прадстаўнікі (трэнер - Іван Белава) атрымалі ў гэтых матчах дзве перамогі. Гранітаўцаў разнеслі ў пух і прах 11:0 (Эдгар Лех - 2 мяча, Кірыл Пілец - 2, Максім Грыгор'еў - 3, Кірыл Капко, Ягор Васільчук, Мікіта Кулічкоў), а з Брэстам разабраліся сціпла - 2:0 (Кірыл Пілец, Максім Грыгор'еў). За тур да заканчэння першай частцы турніру, гродзенцы займаюць трэцяе месца, аднак там яшчэ многа матчаў, якія трэба згуляць.