Савіцкі зможа гуляць за зборную Беларусі Вярнуцца да спісу
У кастрычніку нацыянальнай зборнай Беларусі трэба будзе правесці два матчы кваліфікацыі Чэмпіянату Свету ФІФА 2018. 7 кастрычніка «белы крылы» згуляюць у Ратэрдаме супраць «аранжавых», а 10 кастрычніка наша каманда ў Барысаве сустрэнецца з Люксембургам.
Канчатковы спіс з 23 гульцоў галоўны трэнер зборнай Беларусі назаве праз тры дні, 26 верасня. Пакуль жа Аляксандр Хацкевіч абвясціў папярэдні пашыраны склад з 29 гульцоў, у лік якіх патрапіў гулец гродзенскага «Нёмана» Павал Савіцкі.
Нагадаем, што Савіцкі зусім нядаўна браму галандскай зборнай ужо прабіваў, прычым зрабіў гэта двойчы. Праўда, дублем паўабаронца вызначыўся ў адборачным матчы моладзевых каманд.
На сённяшні дзень у актыве Савіцкага ёсць тры гульні за нацыянальную зборную, у якую ён выклікаўся яшчэ ранейшым трэнерскім штабам пад кіраўніцтвам Георгія Кандрацьева. Таварыскі матч супраць зборнай Ірана (0:0), які, быў згуляны 18 тращня 2014 года, стаў для Паўла дэбютным. У аўстрыйскім Капфенбергу паўабаронца выйшаў на 66-й хвіліне, замяніўшы Сяргея Балановіча. Праз тры дні ў матчы з Ліхтэнштэйнам Савіцкі з'явіўся на поле адразу пасля перапынку, толькі ўжо замест Радзівонава. Атрымаўшы месца нападніка Савіцкі правёў сустрэчу нашмат вастрэй і прадуктыўней, забіўшы ў браму суперніка два мячы. Апошні матч у футболцы зборнай Павел правёў 9 кастрычніка 2014 года, згуляўшы свой першы афіцыйны матч за зборную сваёй краіны. Паўабаронца зноў выйшаў толькі на замену, з'явіўшыся на полі на 87-й хвіліне матчу, калі зборная ўжо прайгравала Украіне адзін мяч. З моманту апошняй гульні за зборную прайшло ўжо амаль два гады.
Галоўны трэнер ўключыў у пашыраны спіс 29 футбалістаў:
Брамнікі: Андрэй Гарбуноў («Атрамітас», Афіны, Грэцыя), Сяргей Чэрнік («Нансі», Францыя), Аляксандр Гутар («Арэнбург», Расія), Андрэй Клімовіч («Мінск»).
Абаронцы: Дзяніс Палякоў, Максім Валадзько (абодва — БАТЭ, Барысаў), Ігар Шытаў («Астана», Казахстан), Аляксандр Мартынавіч («Краснадар», Расія), Яўген Клаполцкі («Тарпеда-БелАЗ», Жодзіна), Сяргей Паліцевіч («Генчларбірлігі», Анкара, Турцыя), Раман Бегуноў («Дынама-Мінск»), Ягор Філіпенка («Маккабі», Тэль-Авіў, Ізраіль), Міхаіл Сівакоў («Заря», Луганск, Украіна), Максім Бардачоў («Томь», Расія).
Паўабаронцы: Павел Савіцкі («Нёман», Гродна), Сяргей Кісляк («Газіантепспор», Турцыя), Станіслаў Драгун («Дынама», Масква, Расія), Ігар Стасевіч, Аляксей Рыос (абодва — БАТЭ, Барысаў), Павел Няхайчык («Арэнбург», Расія), Сяргей Крывец («Вісла», Плоцк, Польшча), Сяргей Балановіч («Амкар», Пермь, Расія), Іван Маеўскі («Анжы», Махачкала, Расія), Мікіта Корзун («Дынама», Кіеў, Украіна), Цімафей Калачоў («Растоў», Расія).
Нападнікі: Сяргей Карніленка («Крылы Саветаў», Самара, Расія), Мікалай Сігневіч, Михаіл Гардзейчук (абодва — БАТЭ, Барысаў), Руслан Цевераў («Шахцёр», Салігорск).
