Выклік у маладзёжную зборную Вярнуцца да спісу
Адразу ж пасля нядзельнага матчу супраць «Крумкачоў» чатыры гульца «Нёмана» адправяцца ў Мінск, дзе будуць рыхтавацца да матчу супраць маладзёжнай зборнай Малдовы.
З 8 па 11 жніўня ў Мінску пройдзе збор маладзёжнай зборнай Беларусі U-21, у час якога наша каманда згуляе супраць зборнай Малдовы U-21. Галоўны трэнер маладзёжкі Ігар Кавалевіч выклікаў на гэты збор 20 футбалістаў, сярод якіх ёсць 4 гульца гродзенскага «Нёмана» – Аляксандр Пазняк, Аляксандр Паўлавец, Яраслаў Яроцкі і Павел Савіцкі, а таксама аддадзены ў арэнду «Граніту» Уладзіслаў Васілючак.
Да матчу з Малдаванамі будуць рыхтавацца:
брамнікі: Уладзіслаў Васілючак («Граніт», Макашэвічы), Дзяніс Шчарбіцкі (БАТЭ, Барысаў).
абаронцы: Аляксандр Пазняк і Аляксандр Паўлавец (абодва – «Нёман» Гродна), Ігар Тыманюк і Павел Назаранко (абодва – «Дынама-Брэст»), Дзмітрый Барысаў («Нафтан» Наваполацк), Дзмітрый Байдук («Смалявічы-СТІ»), Сямён Шэсцілоўскі («Гарадзея»), Аляксей Залескі («Слуцк»);
паўабаронцы: Яраслаў Яроцкі («Нёман» Гродна), Яўген Яблонскі (БАТЭ Барысаў), Юрый Паўлюкавец («Тарпеда-БелАЗ» Жодзіно), Аляксандр Янчанка («Гомель»), Уладзіслаў Жук («Славія-Мазыр»), Яўген Бярозкін («Нафтан» Наваполацк), Міхаіл Бабічаў («Віцебск»);
нападнікі: Павел Савіцкі («Нёман» Гродна), Максім Санец («Крумкачы» Мінск), Руслан Цевераў («Шахцёр» Салігорск).
Матч супраць Малдовы U-21 адбудзецца 10 жніўня і прайдзе на стадыёне футбольнага клуба «Мінск». Пачатак сустрэчы ў 19:00.
