Пяты гулец моладзевай зборнай Вярнуцца да спісу

Яшчэ ўчора імя Аляксандра Паўлаўца значылася ў пратаколе матчу Лігі Еўропы паміж жодзінскім «Тарпеда-БелАЗ» і венскім «Рапідам», а сёння ён ужо стаў гульцом гродзенскага «Нёмана».

Літаральна некалькі хвілін таму ўсе фармальнасці з дакументамі былі выкананыя і абаронца мае поўнае права выступаць за наш клуб. Аляксандр перайшоў у склад жоўта-зялёных на правах арэнды, якая працягнецца да канца гэтага сезона. Паўлавец, гэтак жа як і Пазняк, Савіцкі, Клімовіч і Яроцкі, з'яўляецца гульцом моладзевай зборнай Беларусі.

Цэнтральны абаронца з 2013 года на працягу двух гадоў выступаў за дублюючы склад барысаўскага БАТЭ. У сакавіку 2015 года быў аддадзены ў арэнду «Тарпеда-БелАЗ», а па завяршэнні сезона канчаткова перайшоў у склад аўтазаводцаў.

Падрабязная інфармацыя аб нашым гульцу ў любы момант даступная ў раздзеле ЖЗЛ. Жоўта-зялёныя людзі: Аляксандр Паўлавец.

Упэўненай гульні каля сваёй брамы, Аляксандр!