Аформілі афіцыйна Вярнуцца да спісу
Сёння абодва прадстаўніка моладзевай зборнай Беларусі афіцыйна сталі гульцамі гродзенскага клуба. Анансаваныя раней кантракты былі падпісаныя ў другой палове дня. Першым свой подпіс паставіў гулец барысаўскага БАТЭ Уладзіслаў Клімовіч, другі - гулец мінскага «Дынама» Яраслаў Яроцкі.
Абодва футбаліста з вялікім жаданнем адгукнуліся на прапанову галоўнага трэнера гродзенцаў Ігара Кавалевіча і на правах арэнды будуць выступаць за жоўта-зялёных да канца гэтага сезона.
Адразу ж пасля падпісання дакументаў гульцы павінны былі сфатаграфавацца з майкай клуба, аднак для Клімовіча, які атрымаў траўму ў матчы з «Гарадзеяй», гэтая працэдура была цяжкавыканальнай. На дапамогу нападніку прыйшоў партнёр па маладзёжцы, а цяпер яшчэ і па гродзенскім клубу Яраслаў Яроцкі.
Падрабязная інфармацыя аб нашым гульцу ў любы момант даступная ў раздзеле ЖЗЛ. Жоўта-зялёныя людзі: Уладзіслаў Клімовіч.
Падрабязная інфармацыя аб нашым гульцу ў любы момант даступная ў раздзеле ЖЗЛ. Жоўта-зялёныя людзі: Яраслаў Яроцкі.
Узаемадапамога вышэй за ўсё. Так трымаць, хлопцы!
