«Нафтан» — «Нёман» 2:0 Вярнуцца да спісу

Сёння ў Наваполацку вызначыцца каманда, якая на межкругавы перапынак сыдзе ў рангу аўтсайдэра. Перамога гаспадароў або нічыя пакіне апошні радок турнірнай табліцы за гродзенскім «Нёманам», а ў выпадку вікторыі гасцей каманды памяняюцца месцамі.

У мінулым туры «Нафтан» мінімальна саступіў у Бабруйску, прапусціўшы мяч са штрафнога, а гродзенцы дома не змаглі перайграць яшчэ аднаго суседа па турнірнай табліцы «Слуцк», згуляўшы з імі унічыю 0:0. У асноўным, усе няўдачы ў каманд звязаныя з бяззубай гульнёй каля брамы суперніка. Атака «Нёмана» сцяміла у 14 матчах 7 забітых галоў, атака «Нафтана» - 10.

Глядзім футбол і галасуем за лепшага гульца ў складзе нашай каманды.

У нас змены ў стартавым складзе. Адбыўшы матч дыскваліфікацыі капітан Сасноўскі і зноў заняў сваё месца ў цэнтральнай зоне абароны. Ачунялы Васькощ будзе звыкла баразніць па правым краі, а ў атацы з першых хвілін выйдзе Дзмітрый Кавалёнак.

Апошні раз у гульні чэмпіянату Кавалёнак выходзіў у стартавым складзе 23 траўня 2015 года ў гасцявым матчы супраць «Мінска». Пажадаем Дзіме поспехаў каля брамы суперніка!

А вось яшчэ адзін цікавы факт. Андрэй Горбач сёння правядзе свой 150 матч за гарадзенскі «Нёман» ў чэмпіянаце Беларусі (усе гульцы клуба).

НАФТАН (Наваполацк) — НЁМАН (Гродна) – 2 : 0 (1 : 0)

Нафтан: Доўгяла - Гарбачоў, Барысаў, Гунчак, Кандрацьеў - Якімаў, Лебедзеў Я. - Зюлеў, Бярозкін, (к) Сучкоў - Цевераў. Запасныя: Сцяпанаў - Шкабара, Кравецкі, Ясінскі, Цяплоў, Трыпковіч, Шугункоў.

Нёман: Курганскі - Лешка, (к) Сасноўскі, Горбач, Пазняк - Кавалюк, Дурай - Васькоў, Канцавы, Савіцкі - Кавалёнак. Запасныя: Жураў - Вяргейчык, Журневіч, Анюкевіч, Бомбель, Савасцьянаў.

Галы: 1:0 - Я.Лебедзеў (3, пас - Зюлеў), 2:0 - Д.Барысаў (57-г, пас - Сучкоў, з кутавога)

Перавага гаспадароў поля ў першай палове сустрэчы была адчувальнай. У асноўным усе атакі наваполацкай каманды зараджаліся на краях, адкуль вынікалі вострыя верхавыя падачы, альбо ішло зрушэнне ў цэнтральную зону. Вельмі вялікі працэнт нападаў «Нафтана» заканчваўся ударам. Першая ж небяспечная камбінацыя завяршылася ўзяццем брамы Курганскага. Здавалася, што перадача ў Сучкова не атрымалася і мяч пераляціць партнёра, аднак Зюлеў мяч дастаў і адкінуў мяч пад удар Лебедзеву - 1:0.

Зараджаныя поспехам гаспадары яшчэ больш старанна ўзяліся рабіць захоп брамы жоўта-зялёных і працы ў нашай абароны стала хоць адбаўляй. Другі забойны момант, які мог стаць галявым здарыўся на 14-й хвіліне. Добра, што Лебедзеў з дзесяці метраў не трапіў у створ брамы - мяч праляцеў над папярэчынай. Больш у першым тайме да сваёй брамы гродзенцы не падпускалі, аднак давалі біць з-за штрафной. З ўдарамі Якімава і Бярозкіна справіўся Курганскі, а Гунчак і Сучкоў ў створ брамы не патрапілі.

Гродзенцы ж да перапынку змаглі сцяміць дзве небяспечныя атакі. Першы стаў плёнам індывідуальных дзеянняў Савіцкага, які зрушыўся з флангу ў цэнтр і прабіў у верхні далёкі кут брамы - цяпер ужо ратаваў сваю каманду Даўгяла. За пяць хвілін да канца першай паловы сустрэчы выдатна закінуў мяч на ход Савіцкаму Дурай. Павел прыняў мяч, увайшоў у штрафную і прастрэліў уздоўж лініі штрафной пад удар Васькова - рыкашэт і зноў брамнік гаспадароў ўступіў у гульню, перавядучы мяч на кутавы. Вось і ўсё, што ўдалося зрабіць да перапынку.  

Поўны пратакол і справаздача даступныя на старонках матча «Нафтан» - «Нёман»

ВІДЭА