Матч у Брэсце прайграны Вярнуцца да спісу
15:34
Ужо зусім хутка наша каманда прыедзе на брэсцкі стадыён «Цэнтральны», дзе сёння пройдзе матч 4-га тура чэмпіянату.
Гродзенцы прыехалі ў Брэст напярэдадні матчу і размясціліся ў гасцініцы «Дружба», якая знаходзіцца ў маляўнічым сасновым бары (на галоўным фота від на горад з акна гасцініцы). На выезд адправіўся практычна идэнтычны дамашнему матчу з «Віцебскам» склад. Розніца толькі ў замене Сянкевіча на Кавалюка. Нагадаем, што учора дублёры каманд згулялі ўнічыю 0:0, а Сянкевіч атрымаў траўму і быў заменены на 49-й хвіліне. Яну моцна дасталося па апорнай назе. Па прыездзе дадому доктара вынеслі вердыкт - моцны ўдар.
Па-ранейшаму ў лазарэце знаходзяцца Савіцкі ды Савасцьянаў, якія пакуль не могуць дапамагчы камандзе.
17:08
Такім чынам, трэнеры вызначыліся са стартавымі складамі. У нашай камандзе ў параўнанні з папярэднім матчам ёсць адно змяненне. У запасе застаўся Яўгеній Лешка, затое знайшлося месца Артуру Бомбелю. Па імёнах змена аднf, а вось па расстаноўцы, хутчэй за ўсё, перасоўванняў будзе больш.
Чухлей зойме месца Лешка, Бомбель і Кавалюк па краях паўабароны, Канцавы будзе на месцах нападу, а пры абароне стане дапамагаць лініі паўабароны, а вось Васілюк, хутчэй за ўсё, адведзена роля вольнага мастака.
17:46
Да стартавага свістка Уладзіміра Ішчанка яшчэ 14 хвілін. Давайце ўспомнім, як згулялі гэтыя супернікі ў Брэсце ў мінулым сезоне.
Нашым хлопцам атрымалася перайграць дынамаўцаў з лікам 3:1. У жоўта-зялёных вызначыліся Таіна Адама Сора, Артур Бомбеь і Васіль Журневіч.
17:52
Разагрэў ад студыі танца Класік.
17:58
Каманды на полі
18:00
Паехалі! Чакаем ад жоўта-зялёных толькі перамогі! Поспехаў, хлопцы!
18:55
Пакуль на табло нулі. Абмяняліся каманды небяспечнымі ўдарамі ў першым тайме. Дзямешка абодва разы прабіў міма варот, а вось Дурай трапіў у правы ад брамніка ніжні кут варот. Аснін пацягнуў і перавёў мяч на кутавы. Быў яшчэ адзін імклівы выпад жоўта-зялёных. Чухлей хутка ўвёў мяч у гульню на Бомбеля, той у дотык зрабіў верхавы прастрэл на Канцавога. Удар галавой у нападніка не выйшаў, мяч шоргнуў па галаве і сышоў за лінію варот. Чакаем працягу супрацьстаяння.
Тым часам скончыліся два матчы тура. Пачаткоўцы лігі працягваюць здзіўляць і набіраць ачкі. «Іслач» у Віцебску абыграла гаспадароў 2:1, а «Крумкачы» дома адолелі «Славію-Мазыр» 1:0. Вось так.
19:15
У нас падзеі развіваюцца імкліва. Дынамаўцы ўжо двойчы адправілі мяч у вароты нашай каманды. Абодва мячы на рахунку Аляксандра Дзямешка. На 53-й хвіліне абрэзаў ўсю каманду Канцавы, даўшы недакладную перадачу назад. Гэтым і скарысталіся гаспадары. Дзямешка выйшаў сам-насам і забіў.
Літаральна пяць хвілін праз суддзя паказаў на кропку пасля блакавання ў сваёй штрафной Сасноўскага. Пенальці выразна рэалізаваў брэсцкі капітан...
19:27
Усе тры замены зрабіў Саладоўнікаў. Упершыню на поле ў гэтым сезоне выйшаў Дзмітрый Кавалёнак. Ён выйшаў замест Кавалюка. Бомбль замяніў Васькова, а замест Канцавога на полі з'явіўся Горбач. Ціск на вароты гаспадароў расце, але пакуль усё дарэмна...
19:35
Дзесяць хвілін да канца.
19:41
Аляксандр Новік ратуе дынамаўцаў ад гола. Васілюк са штрафнога даў пас на ход Васькова, той першым ударам трапляе ў абаронцу, а другім адпраўляе мяч міма брамніка, але там з лініі мяч вынес абаронца.
19:42
Яшчэ адзін галявы момант у жоўта-зялёных... На жаль мяч зноў не трапляе ў вароты. Мяч пасля удараў нашых гульцоў за пару секунд сустрэўся з брамнікам, абаронцам і перакладзінай.
19:50
Скончыліся чатыры дададзеных арбітрам хвілін. Другое паражэнне ў сезоне. А быў такі быў спрыяльны каляндар...
ДЫНАМА-БРЭСТ (Брэст) — НЁМАН (Гродна) – 2 : 0 (0 : 0)
Склад «Нёмана»: Курганскі - Чухлей, Сасноўкі, Пазняк, Анюкевіч - Дурай, Бебе - Бомбель, Васілюк, Кавалюк - Канцавы.
Галы: 1:0 - А.Дзямешка (53), 2:0 - А.Дзямешка (58, з пенальці)
Прэв'ю і поўны пратакол сустрэчы на старонках матчу «Дынама-Брэст» - «Нёман». Там жа будуць пасляматчавыя каментары трэнераў, відэасправаздача, здымкі і вынікі тура.
Дзякуй нашым верным заўзятарам. І прабачце за такія вынікі на старце сезона... Будзе яшчэ свята і на нашай вуліцы.
