На мінулых выхадных стартавала Першая Ліга Вярнуцца да спісу
На старт другога па сіле дывізіёна краіны выйшлі 14 каманд. У трох з іх на правах арэнды выступаюць футбалісты гродзенскага клуба. Усе сямёра нашых хлопцаў прынялі ўдзел у стартавых матчах сваіх новых клубаў.
«Луч» (Мінск) – «Баранавічы» - 2:0. У Мінску «Баранавічы» забіць так і не змаглі, прапусціўшы два мячы без адказу. У складзе каманды са старту выйшлі Забелін і Цеслюкевіч. Другі быў заменены на 78-й хвіліне, а Забелін правёў увесь матч. На 70-й хвіліне, яшчэ пры ліку 0:0, на поле выйшаў Антон Касцючык.
«Ліда» – «Ашмяны» - 1:0. Каманда Віталія Тарашчыка стартавала з перамогі. Дома з мінімальным лікам былі абыграны пачаткоўцы лігі. У стартавым складзе «Ліды» выйшлі абодва нашых гульца. Гольцаў адыграў увесь матч, а Лукашын быў заменены на 83-й хвіліне.
«Зорка-БДУ» – «Смаргонь» - 1:1. Смаргонская дружына адыгралася за 6 хвілін да канца асноўнага часу. Абодва нашых футбаліста адыгралі матч цалкам. Васілючак прапусціў мяч праз шэсць хвілін пасля пачатку другой паловы сустрэчы, а Ганчарук адзначыўся «гарчычнікам», які атрымаў на 20-й хвіліне.
Наступны тур у другім дывізіёне пройдзе 23-24 красавіка.
СТАТЫСТЫКА
Індывідуальныя дадзеныя па гульцам прыведзены на 21 красавіка (пасля 1-га тура)
| гулец | каманда | гульні | хв | г+п | ж/2ж/ч |
|---|---|---|---|---|---|
| ВАСІЛЮЧАК Уладзіслаў | Смаргонь | 1 / 0 | 90 | -1 | 0/0/0 |
| ГАНЧАРУК Кірыл | Смаргонь | 1 | 90 | 0 + 0 | 1/0/0 |
| КАСЦЮЧЫК Антон | Баранавічы | 1 | 21 | 0 + 0 | 0/0/0 |
| ЦЕСЛЮКЕВІЧ Павел | Баранавічы | 1 | 77 | 0 + 0 | 0/0/0 |
| ЗАБЕЛІН Павел | Баранавічы | 1 | 90 | 0 + 0 | 0/0/0 |
| ГОЛЬЦАЎ Юрый | Ліда | 1 | 90 | 0 + 0 | 0/0/0 |
| ЛУКАШЫН Антон | Ліда | 1 | 82 | 0 + 0 | 0/0/0 |
