Вынікі турніру Bereza Open Cup (U-9) Вярнуцца да спісу
У канцы лютага з 26 па 28 лютага каманда СДЮШАР «Нёман» (трэнер – Віктар Біндзей) выязджала ў Бярозу на V Адкрыты турнір па футболе сярод хлопчыкаў 2007-2008 гадоў нараджэння «Bereza Open Cup (U-9)». У гэтым годзе ў турніры прымала ўдзел 17 каманд з трох краін. Удзельнікі былі разбітыя на тры групы. Пасля групавой стадыі для вызначэння пераможца прайшлі стыкавыя матчы. Усе гульні прайшлі ў двух спартыўных залах ФК «Бяроза» і доўжыліся па 25 хвілін. Па рэгламенце турніру адначасова на пляцоўцы знаходзілася пяць гульцоў адной каманды: брамнік і 4 палявых гульца.
Жоўта-зялёныя патрапілі ў другую групу, у якой выйгралі 4 з пяці згуляных матчаў і сталі пераможцам гэтай шасцёркі. Перамогі даваліся з цяжкасцю, але былі заслужанымі. Па чарзе былі абыграны ДЮСШ №5 (Баранавічы) – 2:1, першая каманда Акадэміі Футбола з латвійскага горада Резекне – 1:0, Палессе (Мазыр) – 4:1 і ФК Волга (Брэст) – 2:1. У апошнім матчы групавой стадыі хлапчукі галоў не забілі, як і іх супернік, другая каманда СДЮШАР (Бяроза).
У стыкавых гульнях поспех ад нашых хлопцаў адвярнуўся. Ва ўпартай барацьбе хлопцы саступілі ў паўфінальнай сустрэчы другой камандзе СДЮШАР (Бяроза) з лікам 0:1 і вылецелі з барацьбы за галоўны трафей турніру. Хлапчукі вельмі знерваваліся, што не магло не адбіцца на выніках пакінутых двух матчаў: дзве паразы і шостае выніковае месца (параза смалявіцкай ФШ ім.Дарміна – 0:3 і жодзінскаму Тарпеда-Белаз – 1:2).
Склад «Нёмана»: Жыдкевіч Данііл (капітан каманды), Голубеў Захар, Кучко Данііл, Беляшоў Данііл, Сак Іван, Юшкевіч Павел, Коўшык Іван, Стаскевіч Станіслаў, Гербік Ягор, Нікіцін Ягор.
Лепшым гульцом у нашай камандзе быў названы капітан Жыдкевіч Данііл, а самым карысным гульцом каманды стаў Стаскевіч Станіслаў. Уся каманда была ўзнагароджана дыпломамі і кубкам удзельніка турніру.
ВЫНІКІ ГРУПАВЫХ МАТЧАЎ
# | каманды | 1 | 2 | 3 | 4 | 5 | мячы | а |
---|---|---|---|---|---|---|---|---|
1 | ФШ ім. Дарміна (Смалевічы) | Х | 1:1 | 7:1 | 5:0 | 6:0 | 19 – 2 | 10 |
2 | СДЮШАР (Бяроза) - 1 | 1:1 | Х | 3:0 | 3:0 | 0:0 | 7 – 1 | 8 |
3 | Ураган (Менджынец-Падляскі, Польшча) | 1:7 | 0:3 | Х | 4:1 | 2:2 | 7 – 13 | 4 |
4 | ДЮСШ №2 (Барысаў) | 0:5 | 0:3 | 1:4 | Х | 2:0 | 3 – 12 | 3 |
5 | ДЮСШ (Смаргонь) | 0:6 | 0:0 | 2:2 | 0:2 | Х | 2 – 10 | 2 |
# | каманды | 1 | 2 | 3 | 4 | 5 | 6 | мячы | а |
---|---|---|---|---|---|---|---|---|---|
1 | СДЮШОР Нёман (Гродна) | Х | 2:1 | 2:1 | 0:0 | 1:0 | 4:1 | 9 – 3 | 13 |
2 | ДЮСШ №5 (Баранавічы) | 1:2 | Х | 5:1 | 9:1 | 1:0 | 7:1 | 23 – 5 | 12 |
3 | ФК Волга (Брэст) | 1:2 | 1:5 | Х | 4:0 | 6:1 | 1:2 | 13 – 10 | 6 |
4 | СДЮШОР (Бяроза) - 2 | 0:0 | 1:9 | 0:4 | Х | 1:1 | 1:0 | 3 – 14 | 5 |
5 | АФ Резекне (Резекне, Латвія) - 1 | 0:1 | 0:1 | 1:6 | 1:1 | Х | 2:1 | 4 – 10 | 4 |
6 | Палессе (Мазыр) | 1:4 | 1:7 | 2:1 | 0:1 | 1:2 | Х | 5 – 15 | 3 |
# | каманды | 1 | 2 | 3 | 4 | 5 | 6 | мячы | а |
---|---|---|---|---|---|---|---|---|---|
1 | Тарпеда-Белаз (Жодзіна) | Х | 3:3 | 2:1 | 6:0 | 2:0 | 11:0 | 24 – 4 | 13 |
2 | ДЮСШ №1 (Ліда) | 3:3 | Х | 3:2 | 5:0 | 2:0 | 5:0 | 18 – 5 | 13 |
3 | ДЮСШ №2 (Рэчыца) | 1:2 | 2:3 | Х | 2:2 | 4:0 | 8:0 | 17 – 7 | 7 |
4 | АФ Резекне (Резекне, Латвія) - 2 | 0:6 | 0:5 | 2:2 | Х | 1:1 | 2:0 | 5 – 14 | 5 |
5 | СДЮШОР (Івацэвічы) | 0:2 | 0:2 | 0:4 | 1:1 | Х | 2:0 | 3 – 9 | 4 |
6 | СДЮШОР (Бяроза) - 3 | 1:11 | 0:5 | 0:8 | 0:2 | 0:2 | Х | 1 – 28 | 0 |