На гэты раз – бронза Вярнуцца да спісу
У сярэдзіне лютага ў Квасоўке прайшоў VІ Міжнародны турнір па міні-футболе памяці Героя Беларусі В.І.Крэмко сярод дзяцей 2006 года нараджэння і маладзейшыя. Дадзены турнір быў арганізаваны футбольнай школай «Белкард» сумесна з адміністрацыяй СВК імя В.І.Крэмко, пры падтрымцы ўпраўлення спорту і турызму Гродзенскага аблвыканкама.
Упершыню турнір быў праведзены зімой 2009 года. Пераможцам першага турніру, у якім бралі ўдзел восем каманд, стала літоўская каманда «Жайбас» з Вільні. У наступныя гады пераможцам станавіліся каманды: 2011 – «Квасоўка-Белкард», 2012 – ДЮСШ г. Ліда, 2014 – СДЮШАР «Нёман», 2016 – СДЮШАР «Нёман».
У гэтым годзе гасцінная Квасоўка зноў шырока расчыніла дзверы. На турнір, які прайшоў з 12 па 14 лютага, завіталі 14 каманд. Дзевяць з іх прадстаўлялі Беларусь, 5 – замежныя футбольныя школы: дзве каманды ФМ «Вільнюс» Літва (2006 і 2007 гадоў нараджэння), каманда футбольнай школы г. Клайпеда (Літва), «Бенямінек 03» Старагданьск (Польшча), ДЮСШ г. Жытомір (Украіна). Ад нашай краіны за трафей змагаліся каманды СК «Арбіта» г. Мінск, ДЮСШ г. Слонім, ДЮСШ г. Смаргонь, футбольная школа ФК БАТЭ г. Мінск, СДЮШАР «Нёман» г. Гродна (трэнеры – І.С.Латош, У.М.Гурэнка) і тры каманды СДЮШАР «Белкард» – «Белкард-Вішнявец» (трэнер - В.Р.Андрушкевіч), «Белкард 2007» (трэнер – Д.І.Янчук) і «Белкард-Квасоўка» (трэнер – В.Р.Андрушкевич), складзеную з мясцовых хлапчукоў, якія пражываюць у Квасоўке і Навасёлках.
Удзельнікі былі разбітыя на дзве групы па сем каманд. Для выхаду ў фінал было неабходна заняць 1 або 2 месца ў групе. Каманды падабраліся дастаткова роўныя і барацьба за выхад у фінальны раўнд вялася да апошняга тура. У выніку фінальная чацвёрка ўтварылася наступная: ДЮСШ г. Жытомір (Украіна), «Белкард-Квасоўка» выйшлі з групы А, БАТЭ г. Мінск і СДЮШАР «Нёман» – з групы Б. Нашы хлопцы выйшлі з трыма ачкамі (вочная перамога над БАТЭ 2:0).
У сваёй групе жоўта-зялёныя не прайгралі ні аднаго матчу: хлапчукі атрымалі тры перамогі і ў трох гульнях распісалі міравую. У фінальнай пульке аказаць супраціў двум прадстаўнікам групы А не ўдалося: саступілі камандзе «Белкард-Квасоўка» 1:5 і ДЮСШ г. Жытомір 0:4. У выніковай класіфікацыі неманцы занялі трэцяе месца, другімі сталі хлапчукі каманды «Белкард-Квасоўка», а перамогу святкавалі ўкраінскія хлопцы.
Склад каманды СДЮШАР «Нёман» (бронзавы прызёр турніру): брамнікі – Булкін Ягор, Кучынскі Мацвей; палявыя гульцы – Рапецкі Раман, Лышчык Канстанцін, Домаш Іван, Строк Захар, Казюліс Діланас, Янчанка Яўгеній, Коцин Мацвей, Марчук Дзмітрый, Варабей Давід, Урублеўскі Арцём, Урублеўскі Раман, Хоха Арцём, Сямашка Кірыл, Леўчанка Багдан.
Па выніках турніру лепшым гульцом каманды быў прызнаны Ягор Булкін.
