БЕБЕ: Каб заняць выніковае чацвёртае месца, у наступных сустрэчах нам неабходна набраць як мага больш ачкоў Вярнуцца да спісу

— Матч выдаўся вельмі няпростым. Той факт, што мы змаглі зарабіць у гэтай сустрэчы тры гэтак важных ачкі, прыемны ўдвая. Мы вельмі хацелі даставіць радасць заўзятарам, атрымаўшы другую хатнюю перамогу запар. Я вельмі рады, што ў нас гэта атрымалася. «Гомель» – моцная каманда, нават, нягледзячы на ​​тое, што мы абыгралі суперніка з буйным лікам 3:0, гуляць сёння было вельмі складана. Бліжэй да заканчэння сустрэчы супернік пачаў ціснуць нас значна мацней, таму вельмі важна, што мы змаглі захаваць вароты ў недатыкальнасці. 

— Да канца чэмпіянату засталося не так шмат часу. Ёсць адразу некалькі клубаў, якія будуць змагацца за чацвёртае месца. ​

— Так, нам засталося правесці ўсяго чатыры матчы і ўсе яны супраць вельмі сур'ёзных сапернікаў. Мы ўсе стаміліся, але на гэта не варта звяртаць увагі. Думаю, што не важна супраць якіх каманд нам яшчэ трэба будзе згуляць. Нам проста неабходна выкласціся па-поўнай і паказаць усё, на што мы здольныя. У нас моцная каманда, але для таго, каб заняць выніковае чацвёртае месца, у будучых сустрэчах нам неабходна набраць як мага больш ачкоў.