КЛІМОВІЧ: На жаль, абарону «Тарпеда» мы ўзламаць не змаглі Вярнуцца да спісу

— У першым тайме Тарпеда нас перагульвала, што прывяло да прапушчанага мяча. У другой палове гульні мы выглядалі куды лепш, ўзялі ініцыятыву ў свае рукі. Нас не задавальняла другая запар параза, а тым больш, ад нашых прамых канкурэнтаў. Жодзіна адбудавала вельмі шчыльную абарону і разлічвала на ​​хуткія контратакі. На жаль, абарону Тарпеда мы ўзламаць не змаглі. 

— У складзе гасцей было некалькі былых гульцоў Нёмана. Такі момант як-небудзь палягчае падрыхтоўку да матча? 

— У футбол гуляюць 11 футбалістаў, а не 3-4 чалавекі. Таму не варта рабіць акцэнт на гэтых гульцах. Пры падрыхтоўцы да матчу трэба лепш вывучыць гульню каманды суперніка ў цэлым. Думаю, што гэта куды важней. 

— Другая параза запар не дадае аптымізму. Чаго варта чакаць ад каманды напрыканцы чэмпіянату? 

—  Наперадзе яшчэ ёсць сем тураў, у якіх трэба пастарацца набраць як мага больш ачкоў. Страцілі ачкі ў гэтых матчах, магчыма, што знойдзем у гульнях, дзе ад нас заўзятары іх не чакаюць. Будзем змагацца за самыя высокія месцы.