Дзмітрый ХЛЕБАСОЛАЎ: Калі сустракаюцца роўныя супернікі, падтрымка заўзятараў мае вельмі вялікае значэнне Вярнуцца да спісу

— Сёння табе значна раней прыйшлося ўступіць у гульню, чым у папярэдніх турах. Што атрымалася ў гульні, а што не
— У першую чаргу ў мяне не атрымалася забіць, а для нападніка гэта самы галоўны паказчык яго гульні. Ды і наогул, вельмі цяжка казаць пра тое, што ў цябе нешта атрымалася, калі каманда прайграла. Даваць ацэнку дзеянням футбаліста павінен трэнерскі штаб. Магу сказаць пра гульню каманды ў цэлым. У другой палове сустрэчы каманда перахапіла ініцыятыву і была блізкая да таго, каб лік зраўняць. Мы насядалі на браму суперніка, стваралі моманты, аднак да лагічнага завяршэння давесці справу не атрымалася.

— Звязваеш такую гульнявую перавагу з выдаленнем у суперніка?
— Не думаю. Я не ведаю, што казаў у распранальні хлопцам трэнер – я ў гэты час размінаўся на поле, аднак з першых хвілін другога тайма каманда стала перагульваць суперніка. Тое, што здарылася пазней выдаленне, вядома, паспрыяла, але не стала гэтым пераломным момантам. Яшчэ раз паўтару, што наша каманда другую палову сустрэчы гуляла добра і цалкам перагульваць «Дынама». 

— Тройчы за гульню патрапілі ў штангу. Поспех сёння была на баку суперніка?
— Можна сказаць і так. Поспех і ўдача – гэта важныя складнікі гульнявых відаў спорту. Пасля удараў Якімава, Зубкова і Рудзіка на карысць «Дынама» ўсё вырашылі нейкія сантыметры. 

— Не ціснула на рабят імя каманды суперніка? У першыя хвіліны сустрэчы было такое ўражанне
— Ні ў якім разе. Пасля трох тураў менавіта наша каманда ішла на першым месцы ў турнірнай табліцы. На матч мы выходзілі ў статусе лідара, якая тут можа быць боязь? Такога не было адназначна.

— У наступным туры дома гуляем з «Віцебскам», які пачаў сезон няўдала. Якія чаканні напярэдадні пятага тура
— Перад камандай ставіцца толькі адна задача – перамагаць. Гэта было сёння, гэта будзе і перад матчам з «Віцебскам». Тым больш, што гэта будзе хатняя гульня. А дома, як той казаў, і сцены дапамагаюць. Гуляй мы сёння дома, цалкам магчыма, што гульня склалася б інакш. Калі сустракаюцца роўныя супернікі, падтрымка заўзятараў мае вельмі вялікае значэнне. Тыднем раней нам удалося даціснуць суперніка ў самым канцы сустрэчы толькі дзякуючы ім, сёння ж заўзятары «Дынама» дазволілі сваім улюбёнцам адстаяць пераможны лік. Каб захаваць месца ў верхняй частцы турнірнай табліцы, у матчы з «Віцебскам» нам патрэбна толькі перамога. «Віцебск» добрая каманда, якая на старце сезона проста трапіла ў чорную паласу. Адолець яе будзе вельмі складана, але з дапамогай фанатаў мы зможам гэта зрабіць. Прыходзьце ў суботу на матч, а мы зробім усё, каб дадому вы вярнуліся з добрым настроем.

Больш пра сустрэчу каманды глядзіце на старонках матча «Дынама-Мінск» — «Нёман»