«Дынама-Мінск» — «Нёман»: прэс-канферэнцыя Вярнуцца да спісу

Ігар КАВАЛЕВІЧ (галоўны трэнер «Нёмана»):

— Віншую «Дынама» з перамогай. Атрымаўся цікавы баявой матч з багаццем барацьбы. Не думаю, што барацьба была грубай з боку абедзвюх каманд. Проста быў добры мужчынскі вясновы футбол. Не ўвайшлі мы ў гульню ў першыя пятнаццаць хвілін. Трайная памылка Патрыка Абуна: адвярнуўся ад мяча, яны хутка разыгралі – ён парушыў, потым, пры стандарце, плюс яшчэ гулец супраць якога ён павінен быў гуляць персанальна, забіў. У нас фармуецца каманда, якая будзе гуляць у футбол. Мы маглі гульню выратаваць, але калі з'явілася колькасная перавага, мы ім няправільна распарадзіліся. Зваліліся на ўдары, калі трэба было згуляць праз флангі. У цэлым прад'явіць прэтэнзіі камандзе я не магу. Шкада толькі, што не адновіцца да наступнай гульні Савасцьянаў – у яго траўма, а таксама ёсць праблемы з Кантарыя. Але будзем нешта рабіць, будзем рухацца далей.

Сяргей БАРОЎСКІ (галоўны трэнер «Дынама-Мінск»):

— Увогуле, гульня ў нас не атрымалася. У нас рыхтаваліся планавыя замены, аднак па гульні атрымалася зусім не так. Але зараз па вясне галоўнае набіраць ачкі, у гэтым плане выканалі задачу –максімум. Зараз трэба залячыць болькі, яшчэ вось гэтыя карткі... Такая трактоўка правілаў у нас, але што ёсць, то ёсць. Працуем далей. Падрасце трава – тады будзем гуляць.

— Вы задаволеныя гульнёй каманды сёння​?

— Не, я ж ужо пра гэта сказаў. На тое ёсць аб'ектыўныя прычыны: Бягуноў пасля траўмы не трэніраваўся і практычна гуляў з ліста, Быкаў быў траўмаваны, Наёк быў траўмаваны. Аб цэласнай трэніровачнай працы, у якой можна было нешта найграваць, казаць складана. Каб шліфаваць кантроль мяча, патрэбныя ўмовы. Пакуль па вясне ў нас палёў няма, каб нешта шліфаваць. Зразумела, што мы трэніруем, то і атрымліваем у гульні. Чакаем, калі падрасце траўка і будуць ўмовы не толькі для гульні, але і для трэніровачнага працэсу. Калі трэніраваліся на штучных палях, кантроль мяча быў зусім іншы. Зараз сыходзіць вільготнасць, поля подсыхают, і мячык трэба лавіць зусім на іншым узроўні. Адсюль і хуткасць гульні, хуткасць ходу мяча памяншаецца.

— Цяпер ужо нерацыянальна трэніравацца на штучных палях​?

— Ну вядома, бо мы гуляем на зямлі. Мы ўдзячныя работнікам базы, што яны імкнуцца і рыхтуюць поля. Але пакуль, адзінае станоўчае, гэта тое, што гэта зямля. Якасці палям не хапае. Яшчэ раз паўтаруся, што адсюль ідуць выдаткі ў гульні, у плане кантролю мяча і перадач. Плюс вельмі шмат гульцоў выбывае з трэніровачнага працэсу.

Больш пра сустрэчу каманды глядзіце на старонках матча «Дынама-Мінск» — «Нёман»