Ягор ХВАЛЬКО: Хачу замацавацца ў аснове «Нёмана» Вярнуцца да спісу
FCLIDA.BY • 1 снежня 2016 года • 16:26
Прэс-служба ФК «Ліда»
Аддадзены летам у арэнду Ягор Хвалько правёў за новы клуб усяго 11 матчаў, аднак гэтага хапіла, каб спадабацца прыхільнікам «Ліды» і быць прызнаным лепшым гульцом каманды ў 2016 годзе. У гутарцы з прэс-службай лідскага клуба Ягор распавёў пра сябе і адказаў на шэраг пытанняў.
— Сам я родам з Баранавічаў. Спачатку займаўся барацьбой, але праз некаторы час цалкам засяродзіўся на футболе і з тых часоў не змяняю любімай справе. Першы мой трэнер Ігар Яўгенавіч Кунаш, які ў першай палове мінулага сезона узначальваў «Баранавічы». У дзіцяча-юнацкіх камандах выступаў за «Баранавічы», у юнацкім першынстве за ФК «Бяроза», а апошніх 4 гады правёў у гродзенскім «Нёмане», з якіх паўтара ў дублюючым складзе. На адной з трэніровак у межкругавой паўзе, ад Ігара Мікалаевіча Кавалевіча атрымаў прапанову разгледзець магчымасць адправіцца ў арэнду ў «Ліду», у якую прыйшоў Вячаслаў Леанідавіч Герашчанка. Спачатку дэбютаваў у таварыскім матчы са «Слонімам», а затым ужо падпісаў арэнднае пагадненне.
— Якія першыя ўражанні былі ў цябе па прыездзе ў «Ліду»?
— Калектыў адразу спадабаўся, уліўся без праблем. Гэтаму, лічу, спрыяла і тое, што ў камандзе ўжо былі хлопцы, з якімі выступаў у «Нёмане», ды і мясцовыя хлопцы таксама дапамагалі адаптавацца ў калектыве.
— Першую палову сезона ты правёў у чэмпіянаце дублюючых складаў, другую – у першай лізе. У чым адрозненне паміж турнірамі на твой погляд?
— У чэмпіянаце дублюючых складаў даводзілася гуляць у асноўным з аднагодкамі. Узровень нашага майстэрства не настолькі высокі, каб прагрэсаваць хуткімі тэмпамі. У першай лізе нягледзячы на тое, што ў кожнай камандзе шмат маладых гульцоў маюцца і вопытныя гульцы, за плячыма якіх не адзін матч у вышэйшай лізе, у некаторых нават маецца вопыт выступлення за нацыянальныя зборныя краіны. Працуючы бок аб бок з такімі гульцамі практычна штодня павышаеш сваё майстэрства, прыкмячаеш для сябе нешта каштоўнае, сталееш. У цэлым лічу, што для маладога футбаліста выступ у першай лізе чэмпіянату Беларусі добрая падтрымка для росту майстэрства.
— На твой погляд, ці ёсць сэнс разгледзець пытанне ўдзелу дублюючых складаў у трэцім дывізіёне краіны?
— Так. Лічу прагрэсаваць маладыя футбалісты ў гэтым выпадку будуць нашмат хутчэй.
— У тваёй кар'еры ўжо маецца вопыт выступлення ў юнацкай зборнай краіны. Якія былі эмоцыі, калі атрымаў выклік?
— Неверагодны душэўны ўздым і адказнасць. У першую чаргу неабходна было ў камандзе справай даказваць невыпадковасць гэтага выкліку, а затым ужо ў самой зборнай. Выдатна памятаю свой дэбют пад кіраўніцтвам Аляксея Міхайлавіча Вяргеенка на турніры Гранаткіна ў матчы з Латвіяй, калі выйшаў на поле на 75-й хвіліне, затым былі матчы з Эстоніяй, Славеніяй, Расіяй, Азербайджанам. На жаль з-за траўмы не атрымалася дэбютаваць у моладзевай зборнай у гэтым годзе. Добра, што ўсё абышлося без сур'ёзных наступстваў і да пачатку перадсезонкай павінен быць гатовы. Паспрабую ў будучыні даказаць, што я здольны прыносіць карысць моладзевай зборнай краіны.
— Твае першыя ўражанні па прыездзе ў «Ліду» - станоўчыя, а якія былі на працягу сезона і цяпер, пасля яго завяршэння?
— Я прыйшоў у каманду, калі яна знаходзілася на 11-м месцы. З кожным турам, дзякуючы сур'ёзным адносінам да справы ў камандзе ўсіх без выключэння мы дадавалі, атрымлівалі станоўчыя эмоцыі, прагрэсіравалі і маглі заняць крыху больш высокае месца, але ў некаторых матчах, на жаль, не ўдалося вырваць каштоўных парачку ачкоў, якія б дазволілі фінішаваць вышэй у турнірнай табліцы. Яшчэ адзін доказ таго, што не так простая першая ліга як здаецца. Тым не менш, каманда паднялася на выніковае 6-е месца і годна завяршыла сезон. Таму час, праведзенае ў «Лідзе», адназначна хачу ацаніць станоўча, ва ўсіх аспектах.
— Для сябе ўжо азначыў планы на будучыню?
— Хачу замацавацца ў аснове «Нёмана». Усё залежыць толькі ад мяне.
— Заўзятары клуба прызналі цябе лепшым гульцом клуба ў 2016 годзе…
— Хачу падзякаваць заўзятараў за выбар на маю карысць. Гэта было нечакана, але вельмі прыемна. Буду да канца шчырым, што калі не атрымаецца замацавацца ў аснове «Нёмана» гатовы разглядаць магчымасць наступнага выступу за «Ліду». А напярэдадні надыходзячых навагодніх святаў хачу пажадаць клубу і яго заўзятарам гучных перамог у 2017 годзе!
