Сяргей КАВАЛЮК: павінны былі набіраць ачкі Вярнуцца да спісу
— Каманда паказала сёння добрую гульню, практычна ні ў чым, не саступіўшы суперніку, а ў нейкіх момантах нават іх перагульваць. Паважліва стаўлюся да БАТЭ, вельмі добрая каманда, але мы сёння не заслужылі паразы. Сёння была нічыйная гульня, і мы павінны былі набіраць ачкі.
— На гульню супраць лідэра падрыхтоўка асаблівая?
— У вельмі спакойнай атмасферы прайшла падрыхтоўка да гэтай сустрэчы. Гэты матч нічым не адрозніваецца ад астатніх. Супернік моцны, але не больш за тое. Рыхтуемся да ўсіх матчаў аднолькава, разбіраем суперніка, трэніруемся. Усё як звычайна.
— Ці не можа быць такога, што менавіта супраць БАТЭ мы паказваем добрую гульню, а на матчы з іншым супернікам запаў згасне?
— Думаю, што не. У нас пайшла гульня з матчу супраць «Белшыны». Там быў тайм добрага футбола, сёння ўдалася практычна ўся гульня. На працягу 90 хвілін у нас многае атрымлівалася. Мы павінны былі так гуляць з першага тура. Не магу растлумачыць, чаму адсутнічала ў каманды гульня на старце чэмпіянату. Нараздавали ачкоў ўсім каму толькі можна было і нельга... Будзем наганяць упушчанае.
— У наступным туры чакаем «Іслач». Каманда дасць пачаткоўцам лігі такой жа бой як і сёння чэмпіёну?
— Думаю, што матч будзе нават лепш, чым сённяшні. Сёння было вельмі прыемна гуляць, дзякуй заўзятарам за такую падтрымку ў другім тайме. Даўно так нас не падтрымлівалі трыбуны. Мы гульнёй пастараемся вярнуць усіх гродзенскіх заўзятараў на стадыён. Вельмі хочацца, каб яны адчулі наш баявы настрой, які мы сёння прадэманстравалі, прыйшлі на матч з «Іслаччу» і прывялі з сабой сваіх родных, суседзяў і знаёмых. Падтрымайце каманду яшчэ мацней, яшчэ больш магутней. Дзякуючы вашай падтрымцы ў нас атрымліваецца нашмат больш. Сёння такая магутная энергетыка гнала нас наперад. Быў бы сёння на нашым шляху не чэмпіён, гэтай камандзе дрэнна прыйшлося б.
