Арцём КАНЦАВЫ: нам заўсёды нязручна гуляць адзін супраць аднаго Вярнуцца да спісу

— У адной камандзе з братам гулялі?

— Не, калі толькі ў самым пачатку нашага футбольнага шляху, у мінскім ДВАРу.

— А што перашкодзіла, няўжо тры гады розніцы сталі перашкодай?

— Узрост не прычым, ён потым быў у сістэме «Дынама», а я ў школе БАТЭ. Мы наўрад ці маглі выступаць разам.

— Пазней была магчымасць зайграць у адным клубе?

— Не, нават размовы такога не было, каб мы маглі апынуцца ў адной камандзе.

— Адзін супраць аднаго гуляеце пастаянна. На матчы супраць каманды брата неяк асабліва наладжваешся?

— Цяпер ужо дакладна не. У самы першы раз, напэўна, гэта выклікала шмат эмоцый. Зараз ставішся да гэтых камандам, як да звычайнага суперніку.

— Ты нападнік, брат — абаронца. Як думаеш, чаму так склалася? Можа яму прыходзілася больш абараняцца ў гульнях супраць старэйшага брата?

— Не, Сяргей, калі прыехаў у ДВОР таксама быў першапачаткова атакуючым гульцом, а ўжо потым яго пераставілі ў абарону. Часта так адбываецца ў футболе, калі ў дзяцінстве ты гуляеш на адной пазіцыі, а пасля, становішся гульцом іншага амплуа.

— Перад матчамі з братам вядзеце размовы ў звычайным рэжыме, ці ж зводзіць зносіны да мінімуму?

— Звычайна да гульні не тэлефануем адзін аднаму. Сёння будзем жыць у адной гасцініцы, таму, хутчэй за ўсё, сустрэнемся. Мне здаецца, што праблем ніякіх не будзе.

— Сяргей ведае цябе лепш за другіх. Яму часцей давяраюць цябе апекаваць індывідуальна, альбо гэта заўсёды здараецца па-рознаму?

— Калі б я ведаў. Ён мне пра гэта не расказвае. Можа быць, калі скончым з футболам, ён падзеліцца са мной ўспамінамі аб трэнерскіх навучаннях. У любым выпадку, як мне здаецца, нам заўсёды нязручна гуляць адзін супраць аднаго.

— Хто з вас часцей выходзіць пераможцам у гэтых супрацьстаяннях?

— Калі шчыра, дык я не задумваўся. Цікава было б падлічыць, хто з нас лепш: я ў атацы, ці ён у абароне.

— Што перадасі брату перад матчам?

— Думаю, што заўтра «Нёман» выйграе. Хай ён не асоба хвалюецца з гэтай нагоды, а вечарам, пасля гульні, я паспрабую яго супакоіць.