Прыходзь на футбол загадзя Вярнуцца да спісу
Заўтра на штучным полі ЦСК «Нёман» за дзве гадзіны да пачатку матчу з «Іслаччу» пачне працаваць клубная Фан-зона. Побач са стадыёнам будуць адкрыты некалькі кропак харчавання, дзе заўзятары змогуць смачна абмеркаваць справы каманды і бліжэйшы матч супраць каманды з Мінскага раёна. Запрашаем усіх, хто будзе ў гэты час вольны ад важных спраў.
Наша забаўляльная праграма будзе ўключаць у сябе розныя футбольныя конкурсы, у якіх могуць прыняць удзел усе жыхары горада Гродна і яго госці, незалежна ад узросту, полу, прафесійнай і сацыяльнай прыналежнасці. Пераможцы конкурсаў атрымаюць розныя футбольныя прызы, квіткі на матч «Нёман» – «Дынама-Мінск», а таксама пагутараць з афіцыйным маскотом клуба аленем Губі, які будзе ўважліва глядзець за правядзеннем свята.
Гасцямі нашай фан-зоны стане мультыбрэндавы аўтасалон «Автомобильный дом «Кардена», які з'яўляецца афіцыйным дылерам аўтамабіляў Geely, Hyundai, Peugeot і Citroеn ў нашым горадзе. Яны таксама падрыхтавалі сюрпрыз для дзяцей.
Прыходзьце на футбол загадзя, мы чакаем вас у 16:00!
ХТО МОЖА НАВЕДАЦЬ МАТЧ БЯСПЛАТНА
Пры прад'яўленні адпаведных дакументаў, а таксама пры атрыманні ў касе стадыёна прапускнога талона на адпаведны сектар, БЯСПЛАТНА у гэтым сезоне наведаць матчы нашага клуба змогуць:
- дзеці да 14 гадоў;
- абсалютна ўсе прадстаўніцы прыгожага полу;
- пенсіанеры;
- ветэраны гродзенскага футбола;
- ганаровыя грамадзяне горада Гродна;
- ветэраны працы і баявых дзеянняў;
- інваліды 1-й і 2-й груп (інваліды-вазочнікі размяшчаюцца ў 16 сектары).
КОШТ КВІТКОЎ
Кошт квіткоў на наведванне асобных матчаў ўстаноўлена ў наступным памеры:
- на ўсе сектара для мужчын, якія не трапляюць па зніжках ні пад адну з вышэй пералічаных катэгорый ільготнікаў – 4 рублі;
- на ўсе сектара для дзяцей ад 14 да 18 гадоў – 1,5 рубля;
- на сектар для заўзятараў прыезджай каманды (сектар 1) – 4 рубля;
- на сектар для фанатаў гродзенскай каманды (сектар 21) – 3 рублі.
ДЗЕ КУПІЦЬ КВІТОК
Продаж квіткоў на матч стартавала 4 жніўня. У пятніцу заўзятары могуць набыць квіткі ў касе на прахадной офіснага будынка стадыёна аж да 20:00, а ў цэнтральных касах стадыёна продаж будзе ажыццяўляцца ў суботу (з 12:00 да 20:00) і нядзелю (з 12:00 да 19:00 ).