Што? Дзе? Калі? Вярнуцца да спісу
Перш за ўсё ад матча заўзятарам варта чакаць прыгожай, яркай і безкампраміснай барацьбы. Сустракаюцца лідэры - трэцяя і чацвёртая каманда чэмпіянату, а гэта значыць, што да майстэрства каманд дадаецца залімітавая матывацыя. Дома жоўта-зялёныя ўжо атрымалі 4 перамогі, чаму б не замахнуцца на пятую? Каманда вельмі хоча абыграць дзеючага чэмпіёна краіны, але без магутнай падтрымкі гродзенцаў будзе неверагодна складана дасягнуць станоўчага выніку – бо на другой палове поля будзе барысаўскі БАТЭ.
Каб адолець такога знакамітага суперніка, нам патрэбныя вашыя галасы, вашы эмоцыі, ваша энергія! Нядзельным вечарам «Нёман» чакае ўсіх на сваім стадыёне, пачатак матчу ў 20:00.
ФАН-ЗОНА
У 17:30 на штучным полі ЦСК «Нёман» адкрываецца футбольная фан-зона, у рамках якой адбудзецца шмат розных конкурсаў на дакладнасць, аўтограф-сесія некалькіх гульцоў каманды, а таксама ужо традыцыйны міні-турнір «Тата і сын». Пераможцы конкурсаў будуць узнагароджаны рознымі футбольнымі прызамі, атрымаюць квіткі на наступны хатні матч «Нёман» – «Іслач», а таксама пагутараць з афіцыйным маскотом клуба аленем Губі.
 |
| Фота: Пераможцы міні-турніру «Тата і сын» папярэдняга гульнявога дня |
Гасцямі фан-зоны зноў будзе Аўтамабільны дом «Кардэна», які выставіць свае прыгожыя аўтамабілі, правядзе віктарыну для пап, а таксама конкурс на дакладнасць для ўсіх жадаючых.
 |
| Фота: Конкурс на дакладнасць ад «Кардэны» |
У гэты раз не застануцца без увагі аматары перакусіць, а таксама папесціць сябе півам. Падчас матчу будуць працаваць мінімум 4 кропкі грамадскага харчавання.
Прыходзьце на футбол ўсёй сям'ёй загадзя, а таксама рыхтуйце на вечар вашы галасавыя звязкі.
ФОТА З ФАН-ЗОНЫ
КОШТ КВІТКОЎ
Кошт квіткоў на наведванне асобных матчаў ўстаноўлена ў наступным памеры:
- на ўсе сектара для мужчын, якія не трапляюць па зніжках ні пад адну з вышэй пералічаных катэгорый ільготнікаў – 4 рублі;
- на ўсе сектары для дзяцей ад 14 да 18 гадоў – 1,5 рублі;
- на сектар для заўзятараў прыезджай каманды (сектар 1) – 4 рублі;
- на сектар для фанатаў гродзенскай каманды (сектар 21) – 3 рублі.
ДЗЕ КУПІЦЬ КВІТОК
У пятніцу квіткі можна набыць з 9:00 да 21:00 у касе, якая знаходзіцца ў цэнтральнай прахадной галоўнага корпуса ЦСК «Нёман» (уваход з боку вуліцы Серафімовіча).
Квіткі ў цэнтральных касах стадыёна будуць прадавацца ў суботу з 12:00 да 18:00, а таксама ў дзень гульні з 12:00.
