Бомбель застанецца ў «Нёмане» Вярнуцца да спісу
Артур Бомбель працягнуў кантракт да канца гэтага сезона.
Сваю першую гульню за дубль «Нёмана» выхаванец гродзенскай СДЮШАР-6 правёў у 2007 годзе. За дзевяць сезонаў праведзеных у моладзевым складзе ён паспеў прысвоіць сабе два самых галоўных рэкорды – Бомбель правёў за дубль 127 матчаў, у якіх забіў 42 мяча. Першапачаткова Бомбель дзейнічаў на полі ў якасці нападніка, аднак з часам змяніў сваё амплуа на крайняга атакавалага паўабаронца. За асноўную каманду дэбютаваў у 2011 годзе, выйшаўшы на замену замест Аляксея Сучкова ў матчы супраць магілёўскага «Дняпра».
За ўсю футбольную кар'еру адлучаўся з Гродна за ўсё на паў гады, калі быў аддадзены ў арэнду першалігавай «Лідзе» і правёў там першую палову сезона 2014 года. У мацнейшым дывізіёне Беларусі на сённяшні дзень правёў 77 матчаў, у якіх забіў 6 мячоў. У розыгрышы Кубка Беларусі за гродзенскі клуб згуляў 14 матчаў, забіў 3 мяча.
Падрабязная інфармацыя аб нашым гульцу ў любы момант даступная ў раздзеле ЖЗЛ. Жоўта-зялёныя людзі: Артур Бомбель.
Больш прыгожых і дзейсных нападаў! Удалага сезону, Артур!
