U-10. За крок ад п'едэстала Вярнуцца да спісу
З 26 па 28 лістапада мінулага года яшчэ адзін ўзрост нашай футбольнай школы прыняў удзел у міжнародным турніры Kedainiai Arena Cup 2016. У мінулы раз мы распавялі пра выступ хлопчыкаў 2005 года нараджэння, сёння на чарзе справаздачf пра футбольныя прыгоды хлапчукоў 2006 года нараджэння.
Усяго ў турніры прынялі ўдзел 13 каманд з 5 краін. У Кедайняй ў госці да «Невежысу» завіталі дзве ангельскія каманды «Уімблдон» (Лондан) і «10 Акадэмія» (Лондан), эстонскі «Ірбіс» (Таллінн), латвійскі «Вентспілс» (Вентспілс), «Олайнэ» (Олайнэ) і «Марупе» (Рыга), два складу гродзенскай школы «Нёман»-А і «Нёман»-Б, а таксама чатыры літоўскіх каманды - «Жайбас» (Вільнюс), «Фартуна» (Каўнас), «Мажэйкай» (Мажэйкяй) і «Гірёнус». Каманды былі разбітыя на дзве групы, пры гэтым нашы два склады на першым этапе не маглі сустрэцца паміж сабой.
Першы склад «Нёмана» патрапіў у групу «Б», дзе ў шасці матчах набраў усяго 5 ачкоў. Пры гэтым нашы хлопцы засталіся адзінай камандай, якая змагла адабраць ачкі ў лонданскага «Уімблдона», згуляўшы з імі унічыю 2:2. Англічане за ўвесь турнір прапусцілі толькі тры мячы, два з якіх былі забітыя нашымі хлопцамі. Даўшы добры бой безумоўным лідэрам, хлапчукі ў астатніх матчах турніру растранжырылі велізарную колькасць галявых момантаў, што не магло не адбіцца на выніках. У шасці групавых сустрэчах была здабыта ўсяго адна перамога, хоць па гульні жоўта-зялёныя ледзь камусьці саступалі.
У гульні за дзевятае месца «Нёман»-А нечакана буйна саступіў «Фартуне» з Каўнаса.
Пра тое, што на турніры сабраліся прыкладна роўныя супернікі, красамоўна паказалі вынікі матчаў групы «А». Больш за ўсіх у шасці сустрэчах паразілі браму супернікаў хлопцы з «Олайнэ» - 7 раз, аднак, нягледзячы на гэта латышы сталі апошнімі ў групе. Верхнія радкі турнірнай табліцы дасталіся тым, хто лепш абараняўся. Прыемна, што ў лік лідэраў патрапіла другая каманда нашай школы. Калі б не паўфінальны матч супраць «Уімблдона», які хлапчукі правалілі ў апошні дзень турніру, то ім цалкам па сілах было стаць самай сухой камандай турніру. У групе гродзенцы толькі двойчы даставалі мяч са сваёй брамы. Калі б да гэтай надзейнасці дадаць уменне завяршаць атакі, то свой выхад у паўфінал хлопцы вырашылі б задоўга да апошняй групавы сустрэчы, у якой ім прыйшлося гуляць супраць эстонскага «Ірбіса». Ва ўпартым паядынку нашым хлопцам удалося вырваць перамогу ў лідэра і выйсці ў паўфінал.
Ледзь хлопцы аддыхаліся пасля цяжкай гульні за трапленне ў чацьвёрку мацнейшых, як ім трэба было патрапіць пад ангельскі «каток». Хлапчукі з «Уімблдона» за першыя пяць хвілін забілі два мячы і спакойна давялі лік да буйнога - 5:0, а матч да перамогі. У матчы за трэцяе месца трэба было другі раз за дзень згуляць з «Ірбісам». Як і ў ранішнім паядынку гэтых каманд, усё вырашыў адзін адзіны гол, які на гэты раз забілі эстонцы за 47 секунд да канца матча. Хлопцы ледзь-ледзь не дацягнулі да сяміметровых і спыніліся за крок ад п'едэстала.
СКЛАДЫ
Выязны склад (Нёман-А): брамнік Мікіта Філян, палявыя гульцы Захар Строк, Раман Рапецкі, Іван Домаш, Давід Варабей, Раман Урублеўскі, Арцём Урублеўскі, Багдан Лўчанка, Дзмітрый Марчук. Трэнер – Ігар Латаш.
Выязны склад (Нёман-Б): брамнікі Пётр Мухін, Даніла Белецкі, палявыя гульцы Алег Пятроўскі, Уладзіслаў Сіротка, Уладзіслаў Ігнатовіч, Арцём Конан, Ягор Харашун, Уладзіслаў Іваноў, Мікалай Качук, Дзмітрый Маркевіч. Трэнер – Мікалай Гурэнка.
КВАЛІФІКАЦЫЯ
# | каманды | 1 | 2 | 3 | 4 | 5 | 6 | мячы | а |
---|---|---|---|---|---|---|---|---|---|
1 | Ірбіс (Таллінн, Эстонія) | Х | 0:1 | 1:1 | 2:0 | 1:0 | 2:1 | 6 – 3 | 10 |
2 | Нёман-Б (Гродна, Беларусь) | 1:0 | Х | 0:0 | 2:2 | 0:0 | 2:0 | 5 – 2 | 9 |
3 | Невежыс (Кедайняй, Літва) | 1:1 | 0:0 | Х | 1:0 | 3:3 | 0:3 | 5 – 7 | 6 |
4 | 10 Акадэмія (Лондан, Англія) | 0:2 | 2:2 | 0:1 | Х | 2:0 | 1:1 | 5 – 6 | 5 |
5 | Фартуна (Каўнас, Літва) | 0:1 | 0:0 | 3:3 | 0:2 | Х | 3:2 | 6 – 8 | 5 |
6 | Олайнэ (Олайнэ, Латвія) | 1:2 | 0:2 | 3:0 | 1:1 | 2:3 | Х | 7 – 8 | 4 |
# | каманды | 1 | 2 | 3 | 4 | 5 | 6 | 7 | мячы | а |
---|---|---|---|---|---|---|---|---|---|---|
1 | Уімблдон (Лондан, Англія) | Х | 4:0 | 2:1 | 8:0 | 2:2 | 8:0 | 7:0 | 31 – 3 | 16 |
2 | Вентспілс (Вентспілс, Латвія) | 0:4 | Х | 0:0 | 0:1 | 3:2 | 2:0 | 3:0 | 8 – 7 | 10 |
3 | Марупе (Рыга, Латвія) | 1:2 | 0:0 | Х | 2:0 | 2:0 | 1:1 | 0:0 | 6 – 3 | 9 |
4 | Жайбас (Вільнюс, Літва) | 0:8 | 1:0 | 0:2 | Х | 2:0 | 0:1 | 1:0 | 4 – 11 | 9 |
5 | Нёман-А (Гродна, Беларусь) | 2:2 | 2:3 | 0:2 | 0:2 | Х | 1:1 | 1:0 | 6 – 10 | 5 |
6 | Гірёнус (Літва) | 0:8 | 0:2 | 1:1 | 1:0 | 1:1 | Х | 0:2 | 3 – 14 | 5 |
7 | Мажейкяй (Мажейкяй, Літва) | 0:7 | 0:3 | 0:0 | 0:1 | 0:1 | 2:0 | Х | 2 – 12 | 4 |
СТЫКОВЫЯ МАТЧЫ
Паўфіналы. Уімблдон (Лондан, Англія) – Нёман-Б (Гродна, Беларусь) - 5:0, Ірбіс (Таллінн, Эстонія) – Вентспілс (Вентспілс, Латвія) - -:-
Матчы за 11-е месца. Олайнэ (Олайнэ, Літва) – Гірёнус (Літва) - 2:0
Матчы за 9-е месца. Нёман-А (Гродна, Беларусь) – Фартуна (Каўнас, Літва) - 0:3
Матчы за 7-е месца. Жайбас (Вільнюс, Літва) – 10 Акадэмія (Лондан, Англія) - 1:0
Матчы за 5-е месца. Невежыс (Кедайняй, Літва) – Марупе (Рыга, Латвія) - -:-
Матчы за 3-е месца. Ірбіс (Таллінн, Эстонія) – Нёман-Б (Гродна, Беларусь) - 1:0
Матчы за 1-е месца. Уімблдон (Лондан, Англія) – Вентспілс (Вентспілс, Латвія) - 1:0
Выніковае становішча каманд:
1. Уімблдон (Лондан, Англія)
2. Вентспілс (Вентспілс, Латвія)
3. Ірбіс (Таллінн, Эстонія)
4. Нёман-Б (Гродна, Беларусь)
5. Невежыс (Кедайняй, Літва)
6. Марупе (Рыга, Латвія)
7. Жайбас (Вільнюс, Літва)
8. 10 Акадэмія (Лондан, Англія)
9. Фартуна (Каўнас, Літва)
10. Нёман-А (Гродна, Беларусь)
11. Олайнэ (Олайнэ, Літва)
12. Гірёнус (Літва)
13. Мажейкай (Мажейкяй, Літва)
ЛЕПШЫЯ ГУЛЬЦЫ ТУРНІРА
Бамбардзыр: Майкл Голдзінг (Уімблдон)
Лепшы брамнік турніра: Алекс Петровс (Вентспілс)
Лепшы абаронца турніра: Дзмітрый Горакоў (Ірбіс)
Лепшы нападнік турніра: Оллі Доунс (Уімблдон)