Беценя ў пашыранай заяўцы Вярнуцца да спісу
8 студзеня ў Санкт-Пецярбургу стартуе «XXIX Міжнародны юнацкі турнір па футболе памяці першага віцэ-прэзідэнта ФІФА Валянціна Гранаткіна». Урачыстая цырымонія адкрыцця турніру пройдзе адразу ж пасля матчу Латвія – Беларусь, які пройдзе ў стартавы дзень турніру і пачнецца ў 16:30. Розніцы ў часе паміж Беларуссю і Расіяй цяпер няма. Акрамя латышоў у адну групу з беларусамі патрапілі індыйцы і расіяне. Свой другі матч наша каманда правядзе 10 студзеня супраць аднагодкаў з Індыі (пачатак матча ў 16:30), якія ўпершыню прымуць удзел у традыцыйным турніры з амаль ужо трыццацігадовай гісторыяй. У заключным матчы групавога этапу беларусы згуляюць 12 студзеня супраць гаспадароў (пачатак 19:00). Стадыя плэй-оф пачнецца 14 студзеня, паўфіналы пройдуць 18 студзеня, стыкавыя матчы за 7-е, 5-е, 3-е месца і фінал запланаваны на 21 студзеня.
У гэтым годзе ў турніры возьмуць удзел 16 зборных каманд, якія сфарміраваны з футбалістаў 1999 года нараджэння і маладзейшыя.
Група А: Таджыкістан, Грэцыя, Балгарыя, Эстонія.
Група В: Латвія, Беларусь, Расія, Індія.
Група С: Літва, Азербайджан, Славакія, Казахстан.
Група D: Малдова, Славенія, Санкт-Петербург, Іран.
У гэтым годзе адзіным прадстаўніком жоўта-зялёных на гэтым турніры можа стаць абаронца Мікіта Беценя, які ў ліку 22-х гульцоў рыхтуецца да турніру пад кіраўніцтвам галоўнага трэнера нашай каманды Рамана Кірэнкіна. Канчатковая заяўка з 18 футбалістаў будзе названа 6 студзеня. Пашыраны спіс выглядае так:
брамнікі: Ягор Давыдзенка («Дынама-Мінск»), Максім Белоў («Дняпро» Магілёў);
абаронцы: Мікіта Беценя («Нёман» Гродна), Андрэй Піліпавец, Уладзімір Старасцін (абодва – «Шахцёр» Салігорск), Уладзіслаў Малькевіч (БАТЭ Барысаў), Ілля Джугір («Тарпеда-БелАЗ» Жодзіна), Мікіта Былінкін («Слуцк»);
паўабаронцы: Аляксандр Ксенафонтаў, Ягор Лапун, Павел Садоўскі (усе – «Дынама-Мінск»), Міхаіл Тупалаў («Шахцёр» Салігорск), Глеб Шеўчэнка («Славія-Мазыр»), Аляксандр Свірэпа (РЦАР-БДУ Мінск), Сяргей Волкаў («Віцебск»), Андрэй Альшанік, Ілля Сень (абодва – БАТЭ Барысаў), Павел Чэхаў, Іван Гамолко (абодва – «Мінск»);
нападнікі: Міраслаў Хлебасолаў («Леванте» Іспанія), Дзмітрый Калінэйка (РЦАР-БДУ Мінск), Красімір Капаў («Дынама-Мінск»).
Фота зборнай: АБФФ
