Мы памятаем... Вярнуцца да спісу
Сёння споўнілася б 60 гадоў Віталю Уладзіміравічу Абрамуку, аднаму з самых таленавітых гродзенскіх футбалістаў свайго часу.
Нарадзіўся Віталь у Гродна, футболам стаў займацца ў 12-гадовым узросце, а ўжо праз шэсць гадоў пасля гэтага ўпершыню надзеў майку клуба свайго роднага клуба. За сем сезонаў, якія яму давялося адыграць у «Хіміку», ён адыграў больш за 150 афіцыйных матчаў. У гэтых матчах адоранаму нападніку атрымалася 42 разы ўразіць браму суперніка, што да гэтага часу дазваляе яму знаходзіцца ў дзесятцы лепшых бамбардзіраў клуба, калі браць у разлік толькі тыя мячы, якія былі забітыя ў каляндарных матчах першынстваў СССР і чэмпіянатаў Беларусі.
За ўвесь час удзелу нашага клуба ў першынствах СССР, а гэта ні многа ні мала 28 сезонаў і больш за 1000 матчаў, толькі яму аднаму ўдалося чатыры разы вызначыцца ў адным матчы! Галявы покер нападнік здзейсніў, уклаўшыся ў 65 хвілін гульнявога часу.
Пасля «Хіміка» былі ў яго футбольным жыцці і іншыя гродзенскія каманды: «Алімп», міні-футбольны «Прагрэс», «Кардан Флайерс», «Ветэран». Ён і там працягваў забіваць і радаваць заўзятараў. Як шкада, што яго жыццё так раптоўна абарвалася, калі было яму ўсяго 43 гады...
Больш падрабязна пра кар'еру і дасягненнях нашага гульца ў любы момант можна даведацца на старонцы раздзела ЖЗЛ. Жоўта-зялёныя людзі: Віталь Абрамук.
Дзякуй за ўсё, Віталь Уладзіміравіч! Мы памятаем…
