Толькі пятыя Вярнуцца да спісу
З 29 па 30 кастрычніка ў Бярозе прайшоў 9-й Адкрыты рэспубліканскі турнір «Bereza Open Cup» сярод дзяцей не старэйшых за 8 гадоў (хлопцы 2008 года нараджэння). Акрамя двух складаў каманды гаспадароў 2008 года нараджэння - СДЮШАР «Бяроза»-1 і СДЮШАР «Бяроза»-2, на турнір прыехалі яшчэ 7 камандаў. Каманда ФШ ім. Дарміна (Смалявічы) у апошні момант адмовіліся ад удзелу, таму іх месца аддалі мясцовым хлопцам 2007 года нараджэння. Каманда СДЮШАР «Бяроза»-07 выступала па-за конкурсам. Акрамя вышэйназваных каманд у цяперашнім турніры прымалі ўдзел: СДЮШАР г. Івацэвічы, ДЮСШ №1 г. Пружаны, ДЮСШ №5 (Баранавічы), СДЮШАР «Нёман» (Гродна), Брэсцкі цэнтр алімпійскага рэзерву па футболе (Брэст), СДЮШАР «Дынама- Мінск» (Мінск) і каманда «Палессе» (Мазыр).
Па рэгламенце турніра матч складаўся з аднаго тайма працягласцю 25 хвілін. Адначасова на пляцоўцы знаходзіліся 4 палявых гульца і брамнік.
У чатырох групавых матчах нашы хлопцы атрымаў дзве перамогі. У першы гульнявы дзень былі абыграны хлапчукі з Пружанаў з лікам 3:1, а затым пайшлі дзве паразы. У матчы з «Палессем» жоўта-зялёныя доўга вялі ў рахунку, аднак у канцоўцы сустрэчы прапусцілі два мячы і саступілі. З брэсцкай камандай навязаць барацьбу не атрымалася. Супернік быў відавочна мацней і перайграў нашу каманду з лікам 4:0. У другі дзень спаборніцтваў нашы хлопцы таксама згулялі тры матчы. Спярша хлапчукі абыгралі 1:0 другую каманду з Бярозы, а затым правялі два стыкавых матча за 5-8 месцы.
Выніковае трэцяе месца ў сваёй групе дазволіла гродзенцам ў першай сустрэчы згуляць супраць баранавіцкай ДЮСШ №5, якая ў іншай групе заняла 4-е месца. Нашы хлопцы лёгка перайгралі суперніка з лікам 4:0. У іншай пары пераможцам выйшлі мінскія дынамаўцы. У апошнім матчы турніру наша каманда ў серыі пенальці перайграла мінчан і заняла выніковае 5-е месца.
Выязны склад гродзенскай каманды (трэнер Віктар Біндзей): капітан каманды Кучко Данііл, Кулевіч Уладзіслаў, Бурдук Раман, Любежанін Мікіта, Бандарык Крысціян, Цітоў Марат, Агароднік Ягор, Коўшык Раман, Чаргейка Данііл.
Лепшым гульцом турніру ў нашай камандзе быў прызнаны Данііл Чаргейка.
ГРУПА "А"
| # | каманды | 1 | 2 | 3 | 4 | 5 | мячы | а |
|---|---|---|---|---|---|---|---|---|
| 1 | БрЦАР (Брэст) | Х | 1:0 | 4:0 | 8:0 | 6:1 | 19 – 1 | 12 |
| 2 | Палессе (Мазыр) | 0:1 | Х | 2:1 | 3:2 | 5:1 | 10 – 5 | 9 |
| 3 | Нёман (Гродна) | 0:4 | 1:2 | Х | 1:0 | 3:1 | 5 – 7 | 6 |
| 4 | Бяроза-2 (Бяроза) | 0:8 | 2:3 | 0:1 | Х | 2:2 | 4 – 14 | 1 |
| 5 | ДЮСШ №1 (Пружаны) | 1:6 | 1:5 | 1:3 | 2:2 | Х | 5 – 16 | 1 |
ГРУПА "Б"
| # | каманды | 1 | 2 | 3 | 4 | 5 | мячы | а |
|---|---|---|---|---|---|---|---|---|
| 1 | Бяроза-1 (Бяроза) | Х | 2:0 | 1:1 | 4:2 | 6:3 | 13 – 6 | 7 (10) |
| 2 | СДЮШАР (Івацэвічы) | 0:2 | Х | 4:0 | 4:3 | 1:2 | 9 – 7 | 6 (6) |
| 3 | Дынама-Мінск (Мінск) | 1:1 | 0:4 | Х | 2:1 | 1:3 | 4 – 9 | 4 (4) |
| 4 | ДЮСШ №5 (Баранавічы) | 0:8 | 3:4 | 1:2 | Х | 1:0 | 5 – 14 | 0 (3) |
| 5 | Бяроза-07 (Бяроза) | 1:6 | 2:1 | 3:1 | 0:1 | Х | 6 – 9 | 0 (6) |
Матчы за 5-8 месцы: «Нёман» - ДЮСШ №5 (Баранавічы) - 4:0, «Нёман» - «Дынама-Мінск» - 0:0 па пенальці 2:0.
Паўфінал: БрЦАР (Брэст) - СДЮШАР (Івацэвічы) - 2:1
Фінал: «Бяроза» -1 - БрЦАР (Брэст) - 3:2
Выніковае размяшчэнне каманд: 1-е месца - «Бяроза»-1, 2-е месца - «Волга» (Брэст), 3-е месца - СДЮШАР (Івацэвічы), 4-е месца - «Палессе» (Мазыр), 5 -е месца - «Нёман» (Гродна), 6-е месца - «Дынама-Мінск» (Мінск), 7-е месца - ДЮСШ №5 (Баранавічы), 8-е месца - «Бяроза»-2, 9-е месца - ДЮСШ №1 (Пружаны), 10-е месца - «Бяроза»-07 (Бяроза).
