Нашы ў арэндзе Вярнуцца да спісу
ГАРАДЗЕЯ / Д1 (1)
ВАСІЛЮЧАК Уладзіслаў
У апошні раз трапляў у стартавы склад «Гарадзеі» 27 жніўня ў матчы супраць мінскага «Дынама» (2:4) Уладзіслаў Васілючак у мінулую пятніцу адыграў у браме цукравікоў ўсе 90 хвілін у паядынку 26-га тура вышэйшай лігі. Яго цяперашняя каманда ў Мінску рашуча разабралася з «Крумкачамі» (3:0), а кіпер запісаў на свой рахунак чацвёрты ў сезоне «сухар».
Статыстыка за сезон: ВАСІЛЮЧАК – 9 матчаў (9 ву стартавым складзе; 810 хвілін; 13 прапушчаных мячоў; 4 матча на нуль).
ГРАНІТ-МІКАШЭВІЧЫ / Д2 (5)
ЦЕСЛЮКЕВІЧ Павел, ЗАБЕЛІН Павел, СЯНКЕВІЧ Ян, КВЕНЦАР Максім, ШЫШЛОЎ Максім
Матч 27-га тура Першай лігі з «Асіповічамі» быў для «Граніта», мабыць, апошнім шанцам зачапіцца за шанец вярнуцца ў наймацнейшы дывізіён краіны. Мікашэвічцы, дзякуючы галу з пенальці Паўла Забеліна, атрымалі ў гэтым матчы мінімальную перамогу, а сам Павел адыграў усе 90 хвілін і быў пакараны за неспартовыя паводзіны папярэджаннем. Таксама ад званка да званка на полі правялі Шышлоў і Цеслюкевіч, а Сянкевіч быў заменены на 88-й хвіліне. Дадамо, што Максім Квенцар гэты матч прапускаў з-за перабору жоўтых картак.
Вяртаючыся да шанцаў «Граніту» на павышэнне ў класе, то яны зніклі пасля таго як «Прамень», «Смалявічы-СТІ» і мінскае «Тарпеда» свае паядынкі выйгралі. Такім чынам, як мінімум наступны сезон «Граніт» зноў правядзе ў другім дывізіёне.
Статыстыка за сезон: КВЕНЦАР – 24 матча (усе – у стартавым складзе; 2017 хвілін; 2+4; 5/0/1); ЦЕСЛЮКЕВІЧ – 27 (27 у стартавым складзе; 2353 хвіліны; 4+8; 1/0/0); СЯНКЕВІЧ – 26 (26 у стартавым складзе; 2203 хвіліны; 11+7; 5/0/0); ЗАБЕЛІН – 27 (27 у стартавым складзе; 2408 хвілін; 12+5; 1/0/0); ШЫШЛОЎ – 6 (6 у стартавым складзе; 540 хвілін; 7 прапушчаных галоў,адзін з іх з пенальці; 2 матча на нуль).
ЛІДА / Д2 (4)
ГОЛЬЦАЎ Юрый, ЛУКАШЫН Антон, БУЦЬКО Аляксандр, ЛЕШКА Яўген
«Ліда» у хатнім паядынку не змагла зламаць супраціў «Оршы» (0:0). Увесь матч з гродзенскага квартэта адыграў толькі Лешка. Якія выйшлі таксама ў стартавым складзе Гольцаў і Лукашын былі заменены адпаведна на 75-й і 85-й хвілінах. Аляксандр Буцько назіраў за гульнёй партнёраў з лаўкі запасных. Дадамо, што на 44-й хвіліне сустрэчы Гольцаў за зрыў перспектыўнай атакі суперніка атрымаў папярэджанне.
Статыстыка за сезон: ЛУКАШЫН – 26 (з іх 21 у стартавым складзе; 1591 хвіліны; 1+2; 1/0/0); ГОЛЬЦАЎ – 24 матча (16 у стартавым складзе; 1416 хвілін; 0+0; 5/0/0); БУЦЬКО – 23 (7 у стартавым складзе; 974 хвіліны; 2+4; 1/0/0); ЛЕШКА – 9 (7 у стартавым складзе; 725 хвілін; 0+0; 1/1/0).
СМАЛЯВІЧЫ СТІ / Д2 (1)
ДЗНМІДОВІЧ Аляксандр
У пераможным матчы супраць «Слоніма-2017» (1:0) «Смалявічаў-СТІ», якія змагаюцца за выхад у Вышэйшую лігу Дземідовіч прыняў удзел, хутчэй, фармальна, выйшаўшы на замену на 90-й хвіліне.
Статыстыка за сезон: 25 матчаў (23 у стартавым складзе; 1927 хвілін; 2+0, 3 папярэджання).
СМАРГОНЬ / Д2 (1)
ГАНЧАРУК Кірыл
Правёўшы ў складзе «Смаргоні» увесь матч Кірыл Ганчарук не дапамог сваёй цяперашняй камандзе пазбегнуць разгромнай паразы ад мінскага «Тарпеда» з лікам 0:6. Акрамя таго, у пасіў хаўбека дадалася жоўтая картка, якая стала для яго чацвёртай у сезоне. Наступны матч сваёй каманды Кірыл прапусціць.
Статыстыка за сезон: 24 матчы (22 у стартавым складзе; 1861 хвіліна; 0+0; 4 папярэджання).
МЛКС ЗНІЧ / ПОЛЬШЧА Д5 (1)
ЖУРНЕВІЧ Васіль
У 12-м туры 4-й польскай лігі (Д5) «Зніч» у гасцях разышоўся мірам (1:1) са сваім непасрэдным канкурэнтам па турнірнай табліцы клубам «Тэнча» (Біскупец). Васіль Журневіч з'явіўся на полі на 66-й хвіліне паядынку. Дадамо, што «Зніч» працягвае лідзіраваць у лізе.
Статыстыка за сезон: 11 матчаў (8 у стартавым складзе; 550 хвілін; 3+0, 2/0/0). У матчах Кубка Польшы правёў 1 матч (0 у стартавым складзе; 45 хвілін; 1+1; 0/0/0).
