Віншуем беларусаў з Днём роднай мовы! Вернуться к списку

Сёння ва ўсім свеце святкуецца Міжнародны дзень роднай мовы, які быў прыняты ЮНЭСКА дваццаць год таму. Мова з'яўляецца галоўным адрозненнем аднаго народа ад другога. Нягледзячы на тое, што мова наша ўсё яшчэ ў спісе моў, якія знаходзяцца пад пагрозай знікнення, галоўныя старонкі забыцця пройдзены. Нашымі продкамі было зроблена шмат чаго, каб беларуская мова была прынята як роўная сярод іншых моў свету. Ад нас зараз залежыць, ці зможам мы яе захаваць і перадаць будучым пакаленням!

Не важна, ці чуеш ты "трасянку", ці літаратурную мову, ведай, што гэта ўсё і ёсць наша багатая мова. Не саромейся, кажы па-нашаму, кажы па-беларуску! 

Футбольны клуб «Нёман» віншуе ўсіх беларусаў з Днём ​​роднай Мовы! Валоданне нацыянальнай мовай – адзін з паказчыкаў культуры чалавека. Шануйце тое, што засталося ад дзядоў, вывучайце, каб не згубіць і мець магчымасць перадаць словы роднай мовы сваім дзецям, унукам і будучым беларусам.

Няма народа без мовы, а мовы няма без яго носьбіта. Са святам, беларусы!