НЁМАН — ДЫНАМА-МІНСК

Ужо сёння ў Гродне адбудзецца матч 19-га тура чэмпіянату, у якім наша каманда паспрабуе адабраць ачкі ў аднаго з лідэраў нашага чэмпіянату мінскага «Дынама». Мінскія дынамаўцы па турнірнай дыстанцыі ідуць роўна і цалкам справядліва займаюць перад гродзенскім матчам другое месца ў табліцы. Сталічная каманда адстае ад салігорскага «Шахцёра» усяго на тры ачкі, апярэджваючы БАТЭ на адзін бал. Гродзенцы, у сваю чаргу, пераследуюць лідзіруючую тройку і зусім не супраць уключыцца ў барацьбу за прызавыя месцы.

Яшчэ большы каларыт надае гэтага матчу той факт, што ўзначальвае мінскі клуб самы тытулаваны гродзенскі футбаліст Сяргей Гурэнка. Гадаванец нашай футбольнай школы, які выступаў у пачатку сваёй футбольнай кар'еры за гродзенскі «Хімік», на працягу многіх гадоў паспяхова выступаў у Расіі, Іспаніі і Італіі. Супрацьстаяць яму будзе Ігар Кавалевіч, які з'яўляецца не менш значнай фігурай для гродзенскага клуба. Капітан срэбнага «Нёмана» 2002 года ў гэтым сезоне настройвае сваю каманду на барацьбу за самыя высокія месцы.

Усе афіцыйныя матчы «Дынама-Мінск»: Дняпро – 0:3 (Наёк, Быкаў, Хвашчынскі), Нафтан – 1:0 (Хвашчынскі), Тарпеда-БелАЗ – 0:1, Нёман – 1:0 (Галавіч), Гарадзея – 0:1, Гомель – 1:0 (Сарока), Мінск – 2:0 (Хвашчынскі, Сарока), Дынама-Брэст – 1:0 (Сарока), БАТЭ – 0:1, Шахцёр – 2:2 (Сачыўка, Сарока), Славія-Мазыр – 2:0 (Хвашчынскі, Лукіч), іслач – 1:0 (Сарока), Слуцк – 3:0 (Сарока, Хвашчынскі, Нікаліч), Крумкачы – 1:0 (Лукіч), Віцебск – 1:3 (Сачыўка), кубак: Чысць – 4:0 (Нікаліч-2, Кійко-2), кубак: Дняпро – 0:1, Дняпро – 2:1 (Сарока, Бегуноў), Нафтан – 4:0 (Наёк, Сарока-2, Хвашчынскі), Тарпеда-БелАЗ – 1:0 (Кійко).

Матчы «Нёмана»: Славія-Мазыр (дома) – 0:0, Іслач (госці) – 1:0 (Савіцкі), Слуцк (дома) – 2:1 (Лакціёнаў, Рудзік), Дынама-Мінск (госці) – 0:1, Віцебск (дома) – 1:4 (Лакціёнаў), Дняпро (госці) – 3:0 (Лакціёнаў, Савіцкі, Яроцкі), Нафтан (дома) – 2:1 (Жукоўскі, Савіцкі), Тарпеда-БелАЗ (госці) – 1:1 (Савіцкі), Крумкачы (дома) – 2:0 (Савіцкі), Гарадзея (госці) – 0:1, Гомель (госці) – 2:2 (Якімаў, Савіцкі), Мінск (дома) – 3:1 (Жукоўскі, Рудзік-2), Дынама-Брэст (госці) – 2:0 (Рудзік, Якімаў), БАТЭ (дома) – 0:1, Шахцёр (госці) – 0:0, СДЮШАР №8 (госці) – 7:0 (Журневіч-2, Хлебасолаў-2, Кавалёнак, Яблонскі, Бомбель), Мінск (дома) – 1:0 (Савіцкі), Славія-Мазыр (госці) – 2:1 (Якімаў, Глеб). Іслач (дома) – 1:1 (Жукоўскі), Слуцк – 2:1 (Жукоўскі-2).

У чэмпіянаце краіны гродзенцы не атрымалі ніводнай буйной перамогі над мінчанамі, абмежаваўшыся чатырма перамогамі з розніцай у два мячы - у 2002, 2006 і два разы ў 2013 годзе.

У мінулым сезоне каманды абмяняліся выязнымі перамогамі. У дэбютным матчы Ігара Кавалевіча ў рангу галоўнага трэнера «Нёмана» у Мінску гродзенцы мінімальна абыгралі дынамаўцаў з лікам 1:0 (А.Горбач), а дома саступілі 2:3 (Ф.Рудік, А.Бомбель).

У першым крузе мінчане забілі пасля розыгрышу штрафнога адзіны мяч у матчы, які і прынёс ім мінімальную перамогу.

На сённяшні дзень каманды ў чэмпіянаце Беларусі згулялі 56 матчаў: + 10=14-32, розніца мячоў 40-87.

Больш падрабязна пра супрацьстаянне «Дынама-Мінск» і «Нёман»

• Вынікі галасавання

  «Нёман» — «Дынама-Мінск»: прадкажы вынік сустрэчы

  • перамога гаспадароў
    68%
  • нічыя
    8%
  • перамога «Дынама»
    25%

СУПЕРНІКІ Ў ЛІЧБАХ

На сённяшні дзень каманда ў чэмпіянаце Беларусі згулялі 56 матчаў: +10=14-32, рознасць мячоў 40-87.

МЕСЦА І ЧАС

Матч 19-га тура Беларусбанк — чэмпіяната паміж камандамі «Нёман» — «Дынама-Мінск» (Мінск) адбудзецца ў нядзелю, 20 жніўня. Сустрэча адбудзецца ў Гродна на галоўнай арэне ЦСК «Нёман». Кошт квітка — 4 рублі (дзеці — 1,5 рубля). Пачатак сустрэчы ў 16:15.

У ПАПЯРЭДНІМ МАТЧЫ

У папярэднім туры «Нёман» у гасцях перайграў «Слуцк» (2:1), а «Дынама-Мінск» дома выйграў жодзінскае «Тарпеда-БелАЗ» 1:0. Так выглядалі склады ў папярэднім туры:

НЕМАН (4-2-3-1): Курганскі – Бебе, Кантарыя, Хвалько, Абуна – Савасць'янаў, Рудзік - Клімовіч, Якімаў, Жукоўскі – Глеб. Запасныя гульцы: Жураў – Зубкоў, Канцавы, Анюкевіч, Яблонскі, Хлебасолаў і Верхаўцоў. Галоўны трэнер: І.Кавалевіч

ДЫНАМА (3-2-3-1): Ігнатовіч – Жаўнерчык, Галавіч, Сачыўка – Лековіч (Капленка, 75) - Карповіч, (к) Наёк, Быкаў, Астравух (Хлёбас, 59) – Хвашчынскі (Кійко, 70), Сарока. Запасныя гульцы: Клімовіч А. – Кузьменок, Швецоў, Бегуноў. Галоўны трэнер: С.Гурэнка

СУДЗЕЙСКАЯ БРЫГАДА

Галоўны суддзя: Дзмітрый Дзмітрыеў (Фаніпаль).
Памочнікі суддзі: Сяргей Жардецкий (Хацежына) і Андрэй Філіповіч (Стоўбцы).
Рэзервовы суддзя: Уладзіслаў Галадухін (Брэст).
Інспектар матчу: Вадзім Жук (Мінск).

Дзмітрыеў свой першы матч у Вышэйшай Лізе адпрацаваў у 2013 годзе. За гэты час 58 разоў прызначаўся на матчы Вышэйшай Лігі ў якасці галоўнага арбітра сустрэчы. Статыстыка арбітра ў лізе: 174 папярэджання, 7 выдаленняў (з іх 2 прамых) і 6 прызначаных пенальці. У гэтым годзе адпрацаваў ужо 10 матчаў на вышэйшым узроўні.

Рэферы 9 разоў судзіў матчы з удзелам нашага клуба: +5=2-2, розніца мячоў 16-11. У гэтых матчах паказаў гродзенцам 15 жоўтых картак і 1 раз выдаліў гульца нашага клуба. Супернікі жоўта-зялёных атрымалі ў гэтых матчах 13 папярэджанняў. Працэнт набраных гродзенцамі ў гэтых матчах ачкоў (зыходзячы з 3 ачкоў за перамогу): 62,96%.

12 ліпеня 2015 году працаваў на матчы «Дынама-Мінск» - «Нёман», які скончыўся перамогай гаспадароў 2:0.

У гэтым сезоне па разе судзіў абедзве каманды. Гродзенцы ў першым туры дома не змаглі перайграць мазырскую «Славію», а мінчане дома мінімальна перамаглі «Гомель» з лікам 1:0. 

СКЛАД СУПЕРНІКА

Галоўны трэнер каманды: Сяргей Гурэнка (30.09.1972). Каманду ўзначаліў 2 траўня 2017 года. Да гэтага ў кіраваў дынамаўцамі Сяргей Бароўскі (29.01.1956).

У прадстаўленай ніжэй заяўцы клуба на гэты сезон значацца ўжо 30 футбалістаў. У летняе трансфернае акно адбыліся практычна раўназначныя змены: 6 гульцоў «Дынама» пакінулі каманду (Назаранка, Чыж, Прамудраў, Гогацішвілі, Дземідовіч і Рассадкін), 4 гульца папоўнілі шэрагі клуба (Жаўнерчык, Карповіч, Яроцкі, Хлёбас). 14 гульцоў з гэтага спісу ў мінулым годзе гулялі ў іншых камандах: 10 гульцоў далучыліся да «Дынама» перад стартам сезона, 2 футбаліста падпісалі кантракты ў летнюю паўзу (Жаўнерчык, Хлёбас), дваіх «Дынама» адклікала з арэнды (Яроцкі, Карповіч). Агульнагадавы адсотак абнаўлення складу - 46,67% (14 з 30).

За «Дынама» у гэтым сезоне выступалі 7 легіянераў: тры серба (Нікаліч, Лекавіч, Лукіч), два ўкраінца (Наёк і Хлёбас), грузін (Гогацішвілі) і адзін харват (Галавіч).

Навічкі каманды (Клімовіч, Кузьмянок, Галавіч, Жаўнерчык, Карповіч. Сачыўка, Лекавіч, Назаранка, Яроцкі, Лукіч, Гогацішвілі, Сарока, Дземідовіч і Хлёбас) на ўсіх правялі 8 538 хвілін гульнявога часу з 17 792 згуляных хвілін, што адлюстроўвае фактычнае абнаўленне складу у параўнанні з мінулым сезонам, якое складае 47,99%. Менавіта столькі гульнявога часу прыпадае на тых, хто прыйшоў у каманду гульцоў.

Для нагляднасці прывядзем статыстыку навічкоў гродзенскага клуба: 8 818 хвілін з 17 792 фактычна згуляных хвілін, што складае 49,56% гульнявога часу каманды.

Раней за гродзенскі клуб выступалі Вадзім Дземідовіч (2010-2011; 60 гульняш, 10 галоў) і Яраслаў Яроцкі (2016-2017; 19 гульняў, 2 гола), якога зусім нядаўна адклікаў мінскі клуб. Яшчэ за гродзенскі клуб выступаў галоўны трэнер мінчан Сяргей Гурэнка. У суверэнны перыяд футбола ён адыграў за жоўта-зялёных у чэмпіянатах Беларусі 99 матчаў, у якіх вызначыўся двойчы. 

Поўная статыстыка гульцоў каманды «Нёман» (закладка «Статыстыка»)