Зборная клубаў ляціць у Тайланд Вярнуцца да спісу
Чатыры футбалісты гродзенскага «Нёмана» у складзе зборнай клубаў нацыянальнага чэмпіянату Беларусі могуць адправіцца на міжнародны футбольны турнір «Кубак Караля» ў Тайланд. Акрамя беларусаў у таварыскім турніры возьмуць удзел зборныя Тайланда, КНДР і Буркіна-Фасо. З апошняй і трэба будзе сустрэцца нашай зборнай 14 ліпеня ў паўфінальным матчы турніру, які пройдзе на стадыёне «Раджамангала» у Бангкоку. Час пачатку сустрэчы ў 16:30 па (12.30 па беларускім часе). Фінальны матч, а таксама матч за трэцяе месца будуць згуляныя 16 ліпеня.
10 ліпеня зборная збярэцца ў Мінску і пачне падрыхтоўку да міні-турніру. У 15.00 у канферэнц-зале АБФФ адбудзецца прэс-канферэнцыя, а ў 17.30 на комплексе футбольных палёў АБФФ пачнецца адкрытая трэніроўка. У пашыраны спіс патрапіў 31 футбаліст:
брамнікі – Максім Шышлоў («Нёман» Гродна), Уладзіслаў Васілючак («Гарадзея»), Дзмітрый Дудар («Слуцк»);
абаронцы – Ягор Хвалько («Нёман» Гродна), Аляксандр Паўлавец, Яўген Клапоцкі (абодва – «Тарпеда-БелАЗ», Жодзіна), Кірыл Пячэнін («Орша»), Андрэй Залескі («Слуцк»), Дзмітрый Зіновіч («Мінск»), Арцём Скітаў, Мікіта Наўмаў, Аляксей Залескі (усе – «Віцебск»), Станіслаў Сазановіч, Алег Чмырыкаў (абодва – «Гомель»), Уладзіслаў Барысенка («Славія-Мазыр»), Захар Волкаў («Нафтан» Наваполацк), Аляксандр Чыж («Дынама-Мінск»);
паўабаронцы – Уладзіслаў Клімовіч, Павел Савіцкі (абодва – «Нёман» Гродна), Міхаіл Бабічаў, Арцём Салавейй (абодва - «Віцебск»), Алег Еўдакімаў, Дзмітрый Бяссмернтны, Іван Бахар (усе – «Мінск»), Максім Талейка («Крумкачы»), Аляксандр Катляроў («Славія-Мазыр»), Міхаіл Шыбун («Шахцёр» Салігорск), Яўген Елезаранка («Гомель»);
нападнікі – Аляксандр Макась («Тарпеда-БелАЗ» Жодзіна), Дзмітрый Анцілеўскі («Дняпро» Магілёў), Яўген Шаўчэнка («Мінск»).
У трэнерскі штаб зборнай акрамя галоўнага трэнера Ігара Крывушэнкі ўвойдуць Людас Румбуціс, Аляксандр Лухвіч, Дзмітрый Раўнейка і Андрэй Сацункевіч. Канчатковы спіс футбалістаў, якія адправяцца на турнір, будзе аб'яўлены пасля ў панядзелак 10 ліпеня.
