Буйная параза маладзёжкі Вярнуцца да спісу
Учора ў Маскве наша маладзёжная зборная краіны буйна саступіла гаспадарам з лікам 0:7.
Нягледзячы на невялікую гульнявую перавагу, якая была ў беларусаў у першай палове сустрэчы, наша каманда прапусціла два выпаду расіянаў, якія і прывялі да двух ўзяццяў брамы Шчарбіцкага. У першым выпадку абаронцы не змаглі перашкодзіць Чалаву прабіць галавой пасля падачы кутавога, а за 4 хвіліны да перапынку з-за межаў штрафной дакладна ў кут трапіў Ахметаў.
У перапынку галоўны трэнер Людас Румбуціс зрабіў адразу 8 замен, у той час як у расіянаў склад застаўся ранейшым. Розніца ў класе стала выяўляцца з першых хвілін другога тайма. Расіяне падоўгу трымалі мяч, разыгрывалі да дакладнага і праз шэсць хвілін пасля пачатку другой паловы Аблякоў з 12 метраў адправіў мяч у сетку браму Шышлова. Чатыры астатніх мячы былі забітыя ў апошнія 15 хвілін сустрэчы. Прысыціўшыхся зручным лікам расіянаў разварушыў іх галоўны трэнер. За 13 хвілін да канца асноўнага часу матчу ён выпусціў дваіх свежых рабят у лінію атакі, за што яны аддзячылі яго трыма прыгожымі галамі. Бака зрабіў дубль сам, а таксама дапамог вызначыцца Гасіліну. Яшчэ адзін забіты ў сетку браму беларусаў мяч на рахунку Фаміна.
Усе чатыры прадстаўніка нашага клуба прынялі ўдзел у гэтым матчы. Хвалько і Клімовіч выйшлі з першых хвілін матчу, а Яроцкі і Шышлоў з'явіліся на поле адразу ж пасля перапынку. Праўда, наш брамнік да канца сустрэчы не дагуляў. Шышлоў быў заменены адразу ж пасля таго, як прапусціў свой трэці мяч.
ПРАТАКОЛ
РАСІЯ U-21 — БЕЛАРУСЬ U-21 – 7 : 0 (2 : 0)
Серада, 31 траўня 2017. МАСКВА / Стадыён вучэбна-спартыўна-аздараўленчага комплексу "Кастрычнік". 2 500 гледачоў.
БЕЛАРУСЬ (4-4-2): 1.Шчарбіцкі Д. (12.Шышлоў М., 46; 23.Паўлючэнка П., 83) – 2.Іваноў А. (13.Чмырікаў А., 46), 5.Хвалько Я. (15.Пячэнін К., 46), 3.Волкаў З. (14.Швецоў М., 46), 4.Чыж А. – 9.Бясмертны Д. (18.Лукашэвіч Т., 46), 10.Бярозкін Я. (20.Бахар І., 46), (к) 8.Клімовіч У. (17.Ловец Ю., 46), 11.Шыбун М. – 7.Шаўчэнка Я. (16.Яроцкі Я., 46), 6.Грамыко В. (19.Джыгера А., 8). Запасныя: няма.
Галоўны трэнер: Людас Румбуціс. Памочнікі трэнера: Алег Радушка, Аляксандр Лухвіч, Аляксандр Суліма.
Галы: 1:0 — Ф.Чалаў (22), 2:0 — І.Ахметаў (41), 3:0 — І.Аблякоў (51), 4:0 — А.Гасілін (79), 5:0 — З.Бакаеў (82), 6:0 — Д.Фамін (89), 7:0 — З.Бакаеў (90+1).
АГЛЯД
Фота і відэа ў тэксце rfs.ru
